Mishɛ 2:2 - Ghena ta Shala

² Ma kemawehwe yɛ wəve hɛ ne, pa hɛ zləgwəhwe hɛ. Ma kesləyite ntsə hɛ yitea yɛ ghɛ ne, pa hɛ fəhwe hɛ. Ntəŋə hɛ yitea mene berete te mbeli keghɛ ba'a mbelia nci laka fə wəshia nci.

Mishɛ 2:2 Iomraidhean Croise

1 Ka Meghea Kɛfi 21:1

Wa nyi wəshi nyi kemenete geva kwetere wəmbəa ghena shɛhɛ nyi: Kwete wəndə ya shɛ kese mbe Zhizrɛyɛl, Nabot sləa ŋkɛ. Wəvea rɛzɛŋe ya ve mbe melemea shɛ dekwede yitea ghɛa Akab, meghea ka Samari.

2 Ka Meghea Kɛfi 9:26

Ama, ke Mahwətə shɛ: ‹Nahe 'ya kenakɛ mbeɗa, nda mpəmte yɛ Nabot na le ŋwalea ŋkɛ. Yawa, 'ya Mahwətə, kate'yɛ ŋa 'ya teke mbe wəvea ŋkɛ nyagha shɛnyɛ!› Ma ke Zhɛhə mtsehete: Vatse gɛ, kelete wəndə kemte mtea Yoram negheyi mbe wəve nya kala nya gezete Mahwətə.»

Palepa ta JOB 31:38

Ma ya nahe yɛ wəvea ɗa kese kanehwene va 'ya, ma ya nahe yɛ ndəgə nyi mbe hɛ kese kabete nehwene,

Shave 20:17

Slama ntsə na yitea ghɛa nde ghedəkwəa ŋa, ya male ta ŋkɛ, ya nde mene slene ta ŋkɛ, ya kwatera ta ŋkɛ, ya sla ta ŋkɛ, ya kwara ta ŋkɛ, ya yayata wəsə nya ve ma.»

Ɛzayi 3:14

Nahe Mahwətə kefəke mbelia jama ba'a mbeli nyi te ghəa mbelia ŋkɛ kadzete ghwə, ma ke sha hɛ: «Gheyɛ ka bezemte wəvea rɛzɛŋea ɗa, nahe yɛ keviɗikɛ ghɛa ŋayɛ le wəshi nyi fəhwe yɛ va ka titikwəa kɛfi.

Ɛzayi 5:8

Wa nya ndiremi te mbeli nyi kembake ghɛ kadzevare kwete ba'a nyi kemtsehe wəve kadzevare kwete gɛ! Ma keɗaŋe ta ŋkɛ ne, pɛtɛ tehərəhwe ŋkwa hɛ ba'a deke ghenci ka tenza te hɛɗi.

Zhɛrɛmi 22:17

Ama gha ne, deke ghəa ŋa yaɗehwe na, nda mpə yampə mbeli nyi ɗema fete va hɛ na ba'a nda berete yamene na te mbeli.»

Ɛzɛkiyɛl 18:12

Kazeme berete ta ka titikwəa kɛfi ba'a ka dewə ŋeli ŋkɛ, kaghərə wəshia mbeli ŋkɛ, kanzəɓə nda təmə ŋkɛ ke mbeli le yɛmə. Kagwəɗəŋə ŋkɛ kwa kema ta wəshi nyi zhɛrete mbeli kashala ba'a kamene wəshi nyi ndiremi ndiremi kashasha ŋkɛ.

Ɛzɛkiyɛl 22:12

Ma mbe gha ne, kakele cɛdɛ kweci mbeli kezha pesle ŋkwa, le yɛmə kwele kwele nzəɓə nda təmə hɛ ke mbeli, berete ta ka ghedəkwəa nci yazeme hɛ kezha mene ghəa nci. Ama 'ya ne, fəyitekeghə zaghəyite ɗa mbeli, 'ya Shala Mahwətə.

Ɛzɛkiyɛl 22:13

Wa nya 'ya kapɛawe dzeve va zhɛme nyi kemave na le mbəɗəkwə ba'a va mbeli nyi mpəmte na.

Ɛzɛkiyɛl 33:26

Dɛŋe yɛ vate ghəa ŋayɛ te wəshi kempa ta ŋayɛ, ntəŋə yɛ yitea mene wəshi nyi ndiremi ndiremi kashasha, yitea ɓelahe le mia ka ghedəkwəa ŋayɛ. Tsema nza gheyɛ kaslekete hɛɗi wa?

Ɛzɛkiyɛl 45:9

Wa nya ghena nya geze Shala Mahwətə nya: «Mbeli nyi te ghəa ka Israyɛl, kembarave wəshi nyi mene nyi yɛ! Peslekɛ mə ghwə te slene berete ba'a dzeghwama ntsə ŋayɛ nyi, mene mə wəshi nyi kehi ba'a nyi tiɗiɗi, peslekɛ mə ghwə te zləgwə wəshia mbelia ɗa. 'Ya Shala Mahwətə nde gezete!

Ɛzɛkiyɛl 46:18

Ama ɓiyitsa ne, hweŋkwa va meghe kakele wəvea mbeli nyi te hɛɗia ŋkɛ kaberete we. Ama wəshi nyi zeme ghɛ ŋwalea ŋkɛ yite ne, hwa wəshia ŋkɛ kele ŋkɛ. Ma tsagha ne, wəndə shɛ kateŋkamte geva te wəve ŋkɛ we.

Ɛzɛkiyɛl 8:17

Ma ke sha 'ya: «Nahe na keneweve megela tse na wəndə ŋelɛ? Dewə newe wəshi nyi ndiremi ndiremi kashasha nyi mene nyi hɛ teke ka Zhəwda na? Rayɛ ŋkwa nya te hɛɗi va kwa berete nya mene hɛ ba'a nahe hɛ kezhɛne kaghate beze ɗa wənə. Le wənə le wənə ncɛ berete ta nci hɛ.

Amos 2:7

Njinjitə hɛ ŋame ghəa ka titikwəa kɛfi mbe hɛɗi. Kaɓela ka dewə ŋeli hɛ we. Male nya kwetɛŋe yavale yɛ yita le wəzege. Ma tsagha ne, zləvə yakelemte hɛ te 'ya.

Amos 4:1

Ma gheyɛ mia ka Samari nyi dɛɓedɛa dɛɓedɛa kala ŋemia sla nyi mbe Bashan ne, fa mə ghena nya: kaɓela ka dewə ŋeli yɛ we, yaka yasa nda yɛ ke ka titikwəa kɛfi. Ma pe yɛ sha geze nda ke zhilia ŋayɛ: «Keleke wəsə kesa kezha sa mə.»

Amos 8:4

Fa mə ghena nya gɛ, gheyɛ nyi kedzeghwa te ka titikwəa kɛfi, gheyɛ nyi keza sebe te ka gwedəa kɛfi nyi te hɛɗi!

Mishɛ 3:9

Fa mə ghena nya, gheyɛ mbeli nyi te ghəa ghɛa Zhakob, gheyɛ ka meha ghwə nyi te ghə ka Israyɛl. Nahe yɛ keɗema kaganda ba'a ketələmte wəsə nya tiɗiɗi.

Mishɛ 6:12

Ghə yamene ka mcɛləa kɛfi nyi mbe meleme nya le ka titikwəa kɛfi. Ka tseŋwə kɛfi mbeli nyi mbe, kezha ghwete ŋkwa ghwene mɛ hɛ.

Malashi 3:5

Kaganda ne, ma ke Mahwətə nde berete gezete: «Katese 'ya kadzehwa gheyɛ kezha meha ghwə te gheyɛ. Kateve nda fete 'ya kahe kahe ke ka mene ghwɛ, ke ka vale tahe, ke ka zeme fela tseŋwə, ke ka ŋki nda ma wəsə tiɗiɗi ke ka mene slene, ke ka sa nda yaka ke ka wedidi ba'a ka mezhɛtiti keɗema ka beze nda ghena ke ka se se, pɛtɛa ka hawema va 'ya.

Matiye 23:13

Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Nahe yɛ keŋzlemte nda ŋkwa kedzembe Meghe nya pelɛ ghweme ke mbeli. Kaɗe yɛ kadzembe le ghəa ŋayɛ we. Kafɛa nda ŋkwa yɛ ke mbeli nyi keɗe kadzembe.

1 Timotɛ 6:10

Kwa nza ŋkɛ ɗe cɛdɛ ya kaslərəa ndiremi pɛtɛ. Ma kweci mbeli kwa ɗe hɛ kakemave cɛdɛ kwele kwele ne, bətə zamte hweŋkwa ta yɛ hɛ ba'a kwele kwele sahwe yaka hɛ.