Mishɛ 2:12 - Ghena ta Shala

¹² Ma 'ya, 'ya Mahwətə: «Katetsene ŋayɛ 'ya pɛtɛ, mbelia Zhakob, katerəkwə ŋayɛ 'ya, ka Israyɛl nyi mba teghweme. Katerəkwə hɛ 'ya kala timɛti kwa zlema ta nci, kala wəshi keseɗa te ŋkwa kezeme gwəzə ta nci. Katenza mbeli nyi ketseha mɛ shɛ kwele kwele.

Mishɛ 2:12 Iomraidhean Croise

Gha ta Wəshi 36:33

Ma kwa mtenyɛ ŋkɛ ne, Yobab, wəzege ta Zɛra nya kande Bosra nde kelete meghea ŋkɛ.

1 Wəshi nyi Mene Ka Meghe 1:44

Ma kwa mtenyɛ Bɛla, Yobab wəzege ta Zɛra ta ka Bosra nde dzete meghe te zhia ŋkɛ.

Ɛzayi 11:11

Ma te vecia shɛ ne, katekafe dzeve Mahwətə kakwa bake zhigə kezha mbeɗe mbelia ŋkɛ nyi ketene, nyi ketetene teghweme mbe Asiri, Ɛzhipte, Patros, Kəwsh, Ɛlam, Shinɛyar, Hamat ba'a te hɛɗi nyi te ndərə.

Ɛzayi 27:12

Ma te vecia shɛ ne, kateleke ha ta ŋkɛ Mahwətə, se mɛa Efrate hwa'a mɛa hələa Ɛzhipte. Ma gheyɛ ka Israyɛl ne, katevɛane ŋayɛ ŋkɛ kwete kwete kala ghəa ha.

Ɛzayi 34:6

Bətə kafayɛa Mahwətə mbe mimi, kededənə dedənə va merege, kala mimia gamea lɛmə ba'a zhɛfa lɛmə, kala merege nya te yɛ ghwelese ta gamea lɛmə. Melɛ kezha Mahwətə ya shɛ mbe Bosra, mpə ŋkwa nya wəba ya te hɛɗia Ɛdom.

Ɛzayi 5:17

Katezeme gwəzə zhɛgwəa lɛməa timɛti mbe kala nya te ŋkwa kezeme gwəzə ta nci, katekemave wəshi kezeme ta nci zhɛgwəa lɛməa kwi nyi kele hɛ mbeli dɛɓe dɛɓe mbe.

Zhɛrɛmi 23:3

'Ya katetsene wəshi keseɗa ta ɗa nyi ketene te ghweme se te pɛtɛa hɛɗi nyi tetazeyi hɛ 'ya. Kateŋka hɛ 'ya kase kadzawa zlema ta nci, kateya hɛ kwele kwele kwa.

Zhɛrɛmi 3:18

Ma vəa ŋkwa shɛ ne, katezlaɓe geva ka Zhəwda le ka Israyɛl, katezhɛne geva hɛ zlaɓe shave mbe hɛɗi nya laka bela kwa gwela kadzete hɛɗi nya ndeke nda 'ya ke ka shihɛ nci.»

Ɛzɛkiyɛl 34:11

Kwa nza ŋkɛ ne, wa nya ghena nya geze 'ya, 'ya Shala Mahwətə nya: 'Ya le ghəa ɗa nde tezele timɛtia ɗa kezha newe ghweme te hɛ.

Ɛzɛkiyɛl 34:13

Katedzaŋele hɛ 'ya shave hwa kweci hwelefefi, katetsene hɛ 'ya se te kweci hɛɗi nyi nza hɛ kezha zhɛne hɛ te hɛɗia nci. Kateya hɛ 'ya dzeme hwa ghweme nyi mbe Israyɛl, dzeyi kwelɛ yɛ zlərə ba'a dzeyi te ŋkwa ganji nyi nza mbeli.

Ɛzɛkiyɛl 34:22

'ya katese kakemane timɛtia ɗa yitea ɗema ka ghərəa kɛfi kazhɛne kakese hɛ. Katenza 'ya kande negha fete kwelɛ yɛ timɛti le timɛti.

Ɛzɛkiyɛl 34:31

Gheyɛ ya kawəshi keseɗa ta ɗa, kawəshi keseɗa nyi ya 'ya, gheyɛ mbeli. 'Ya ya kaShala ta ŋayɛ. 'Ya le ghəa ɗa, Shala Mahwətə nde gezete.»

Ɛzɛkiyɛl 36:37

Wa nya ghena nya geze Shala Mahwətə nya: Wa nya wəsə nya temene 'ya nya ɓiyitsa: katepele nda hweŋkwa 'ya ke ka Israyɛl kasəkwə ɗa. Kateya hɛ 'ya kwele kwele kala wəvəsəa timɛti.

Ɛzɛkiyɛl 37:21

Ma pa na sha hɛ: Wa nya ghena nya geze Shala Mahwətə nya: 'Ya katefə ka Israyɛl se hwa kweci hwelefefi nyi lənji nyi hɛ hwa hɛ, 'ya katetsene hɛ se te yayata ŋkwa ba'a katezhɛne hɛ kadzete hɛɗia nci.

Amos 1:12

katendə ghwə 'ya yitea Tɛman nya kameleme ta nci, katetere ghɛ ganji nyi mbe meleme ta Bosra ŋkɛ.»

Mishɛ 2:13

Te kema ta ŋayɛ tedzeghwa wəndə nya keteghwene hweŋkwa. Waɗe nza yɛ, kapele mɛ degha yɛ ba'a kashave yɛ kwa. Mahwətə nya kameghea ŋayɛ nde tenza te kema ta ŋayɛ.»

Mishɛ 4:8

Ma gha gɛ wəmbəa Zhɛrəzalɛm nya kenewe ghweme te mbeli kala nde ya wəshi pelɛ ghəa ŋkwa nya biya, katekemave berete ta ŋa nya vəashi na. Katezhɛne Zhɛrəzalɛm kanza kawədəa meleme.»

Mishɛ 5:7

Ma ka Israyɛl nyi ketene teghweme hwa hwelefefi kwele kwele ne, kambeli nyi berete berete tenza hɛ kala nivɛrə hwa wəshi keseɗa nyi hwa gamba, kala wəzege ta nivɛrə hwa timɛti. Ma te yayata ŋkwa nya lə nde ne, kakese wəshi ŋkɛ ba'a kaslekwe hɛ ŋkɛ. Wəndə shɛ kambeleke hɛ ve we.

Mishɛ 5:8

Ka Israyɛl, ɗa mə ka ghema ta ŋayɛ, za mə sebe te hɛ pɛtɛ!

Mishɛ 7:14

Shala, ya mbelia ŋa le geta keya wəshia ŋa. Kaghəa nci hɛ te hɛɗi kwa ghwele ghwele nya dzasle kwa yɛ wəfe. Ya hɛ kala nya vəashi mbe Bashan ba'a mbe Gala'ad!

Mishɛ 7:18

Kwete Shala shɛ kala gha na? Ma gha ne, kayaɓe beze ghena na, kakelemte jaɗafa ta mbelia ŋa nyi ketene teghweme na te wənə. Kanza hwepe wənəa ŋa ndimə ndimə we, ama kancɛ n'yɛ ganyɛa mehele ta ŋa na.

Sofoni 3:20

Ma te vəa shɛ ne, katezhɛne ŋayɛ 'ya kase ba'a katetsene ŋayɛ 'ya. Kanewe newe yɛ ne, katezhɛre nza ta ŋayɛ 'ya. Tagha gɛ, katedzemte sləa ŋayɛ ba'a kateve zləvə 'ya te gheyɛ hwa hwelefefi nyi te hɛɗi lema.» Mahwətə nde gezete.