Biblia Todo Logo
Bìoball air-loidhne

- Sanasan -




Mishɛ 2:11 - Ghena ta Shala

11 Kweci mbeli nyi ketseha mɛ ba'a nyi keteghe tseŋwə ya shɛ. Ma ke hɛ sha geze: «Tɛ ba'a wəshi nyi keghwəyi ŋkwa yatesa yɛ.» Nde tseha mɛ nya kala nya nde hi kaŋa mbeli nyi.

Faic an caibideil Dèan lethbhreac




Mishɛ 2:11
35 Iomraidhean Croise  

Ama terezhɛŋe meha nde mɛ ŋkwa ta Shala nyagha yite, ma ke: «'Ya perə ne, kwete 'ya nde mɛ ŋkwa ta Shala kala gha ba'a nahe kwete nde ghwene ta Shala kegezete ɗa ghena nya kese va Mahwətə: ‹Zhɛneke kase sha ghɛa ŋa. Pa ŋkɛ zehwe wəsə kezeme ba'a sakɛ yɛmə.›» Ama tseŋwə ya slate nda ŋkɛ.


Pa meghea ka Israyɛl tsenete ka mɛ ŋkwa nyi gare gwəmsə wəfaɗe, ma ke 'yɛwete va hɛ: «Wərə 'ya kadzawa kampa kwa Ramot nya mbe Gala'ad tse na, na sərəakɛ 'ya na?» Ma ke ka mɛ ŋkwa zhɛnete: «Kwiɗi, kateve ŋa melemea shɛ Shala kadzembe dzeve ta meghe.»


Tseŋwə yasla 'ya ghalanza na? Mbəɗəkwə yantsə geva seɗa ta ɗa kalə kamene na?


Ma wəndə nya kemeɗeyi nda wəsə gəmə ke wəndə, nda ɗema ŋkɛ kendeke nda ne, yipə yipə ŋkɛ le ləmbə ba'a sefə nya keɗema kame va.


Pa le ka dzeghe Shala ba'a ka mɛ ŋkwa keza za va tɛ, tsepe tsepe yatsepe tsepe hɛ va wəshi kesa nyi ghyana ghyana. Keza za hɛ va wəshi kesa, keghwəyi ghwəyi hɛ va tɛ, tsepe tsepe yatsepe tsepe hɛ va wəshi kesa nyi ghyana ghyana. Za yaza nda za ghena ke hɛ va tɛ, teɗe yateɗe hɛ mbe meha ghwə ta nci.


Nahe mbeli nyi te ghəa mbeli kezamte hɛ ba'a nahe mbeli nyi sleke hɛ kendahwe geva.


Ma ke Mahwətə zhɛnete ɗa: «Tseŋwə yasla ka mɛ ŋkwa shɛhɛ te sləa ɗa. Keghwenakɛ hɛ 'ya we, kepelave nda hweŋkwa 'ya ke hɛ we, ghena shɛ kegezete nda 'ya ke hɛ we. Wəshi nyi katseŋwə, ghena nya ɗema zləvə te, zəzə nyi kwa wənəa nci yazlape ŋayɛ hɛ.


Ama wəsə nya ndiremi kashasha yanakɛ 'ya va ka mɛ ŋkwa nyi mbe Zhɛrəzalɛm: vale tahe yandeke nda ghə hɛ, tseŋwə yaviɗi te hwə va hɛ, berete yamtsehe nda hɛ ke ka mefətekwə. Ma tsagha, wəndə shɛ kafɛa yitea mene wəsə kwa ndiremi we. Yipə yipə newe hɛ 'ya le ka Sodome ba'a kala ka Gomore ka Zhɛrəzalɛm.»


Ma ke hɛ sha mbeli nyi keɓelama ɗa: ‹Kwelɛŋe tenza yɛ, ke Mahwətə.› Ma kaŋa mbeli nyi kentsə geva mbe ntɛaŋentɛa ghəa nci ne, ‹Kakwaɗakɛ ŋayɛ ndiremi we›, ke hɛ.


«Nahe 'ya kefate ghena ta ka mɛ ŋkwa nyi kesla tseŋwə nyi gəmə te sləa ɗa. Ma ke hɛ sha geze: ‹Nahe 'ya keshiwəte shiwə! Nahe 'ya keshiwəte shiwə!›


«Kateɗa ka mɛ ŋkwa nyi kegeze shiwə tseŋwə nyi 'ya. Ma kwa gegeze hɛ ne, mbelia ɗa yaza hɛ le tseŋwə ba'a ghena nyi ɗema deme te. Keghwenakɛ hɛ 'ya ba'a kepelave nda hweŋkwa 'ya ke hɛ we. Wəsə shɛ kaketekɛ mbelia ɗa hɛ le we», wa'a ke Mahwətə.


Ma ke nde mɛ ŋkwa Zhɛrɛmi sha nde mɛ ŋkwa Hananiya: «Fate Hananiya: keghwenakɛ ŋa Mahwətə we. Gha nde ghwete mbeli nyi kayɛ tseŋwə.


te sləa shala tseŋwə geze ghena ka mɛ ŋkwa, ghəa nci yamene ka dzeghe Shala le mbeli, tsagha shɛ ɗe mbelia ɗa. Ama tsema temene yɛ kesenyɛ kwa keɗaŋe ta və wa?»


Deke wəshi tseŋwə ba'a nyi ɗema zləvə te hɛ yanakɛ ka mɛ ŋkwa ta ŋa kezha gha. Kencɛte fete ta ŋa nya kenza kazhɛrete nza ta ŋa hɛ we. Nahe hɛ ketegheke yɛ tseŋwə ba'a yɛ ghena keghwete ŋkwa kezha gha.


Nahe yɛ ketazemte mehele ta mbeli nyi tiɗiɗi le tseŋwəa ŋayɛ, ndagwara kegha 'ya kabezemte nda mehele ke hɛ we, va nya mtsehete nda berete yɛ ke ka 'yaghwa mehele yitea ntsə geva mbe dzeghwa kwa ndiremi nya keza mpia nci.


Katsa ɗa lewela hɛ le wənə kwetɛŋe we. Ama ŋələvə yaŋələvə hɛ te gezle ta nci, geva ta nci yaperawe hɛ kezha kemave ha ba'a tɛ mɛnɛfɛ. Ma kala nya ne, wəsə nya ɗema mehele ta ɗa yamene hɛ.


Te wəshi gəmə meha ghwə ka meha ghwə, te zhɛme teke nda wəshi mahalegə ka dzeghe Shala ke mbeli, te cɛdɛ geze wəshi nyi ketemene geva ka mɛ ŋkwa. Ya tsagha shɛ ŋkɛ ne, te Mahwətə dɛŋe geva hɛ. Ma ke hɛ sha geze: «Ashɛ hwa gheɓəmə Mahwətə wəka? Katekekave ɓəmə ndiremi we.»


Wa nya ghena nya geze Mahwətə te ghəa ka mɛ ŋkwa nyi keghwete mbelia ŋkɛ nya: «Ma kezehwe nda wəshi kezeme mbeli megela ke hɛ ne, kwelɛŋe ya shɛ ke hɛ sha geze. Ama ma ke mbeli nyi kezehwe nda ma wəshi kezeme ke hɛ ne, mpa yaha nda hɛ.


Kwa nza ŋkɛ ma mbeli nyi kemene kala nya ne, slene ta Nde sleke ɓəmə Yɛsə Kriste yamene hɛ we, ama deke hwəa nci yamene nda slene hɛ, kaghwete ka dewə ŋeli hɛ le ghena ta nci nyi zeɗe zeɗe ba'a keghwete ŋkwa.


Ma kwa keɗaŋe ta slene ta mbeli nyi kala nyighɛ ne, zamte ghəa nci yatekemave hɛ. Kwa nza ŋkɛ hwəa nci ya kashala ta nci, kahawe hɛ va mene wəsə nya kepəli nda hawe ke hɛ we, fare fare ghəa nci yitea mene wəshi nyi teke te hɛɗi.


Ka mcɛhɛ ɗa ganji, mba yɛ keyɛ ghena ta pɛtɛa mbeli nyi kegeze Sefəa Shala ya mbe hɛ, ama dzeghakɛ mə hɛ kezha ɗepe kenza va Shala se sefə nya mbe hɛ. Kwa nza ŋkɛ kwele kwele ka mɛ ŋkwa tseŋwə nyi kepesleyi geva te hɛɗi lema.


Lean sinn:

Sanasan


Sanasan