Mishɛ 2:10 - Ghena ta Shala

¹⁰ Sate mə te ŋkwa kaslə. Və kezhɛne mpi nya we. Ndiremi ya te hɛɗi va nza ta ŋayɛ wale wale. Vatse tesa yaka yɛ kwele kwele.»

Mishɛ 2:10 Iomraidhean Croise

1 Ka Meghea Kɛfi 9:7

kateza sebe 'ya te ka Israyɛl se te hɛɗi nya ndeke nda 'ya ke hɛ. Ma ghɛ Shala nya veyi nya 'ya te sləa ɗa ne, katenegha ŋkɛ 'ya cakeɗake le 'ya. Ma tsagha gɛ, katenza Israyɛl kala ghena heca, kawəsə kekiɗi ŋ'wəshi ta kweci hwelefefia mbeli pɛtɛ.

2 Ka Meghea Kɛfi 15:29

Ma vəa ŋkwa nya mene meghe Pɛka mbe ka Israyɛl ne, pa Tɛglat-Falasar meghea ka Asiri, pa kelehwe meleme Yon, Abɛl-Maka, Yanowa, Kɛdɛsh ba'a Hasor, gheŋkɛ hɛɗia ka Gala'ad, le ŋa ka Galilɛ le pɛtɛa hɛɗia ka Nɛftali. Pa fəghe mbelia hɛɗi nyi kadzembe Asiri.

2 Ka Meghea Kɛfi 17:6

geze ta ŋkɛ, te kwa mesli ta va ta Ozɛ mbe meghe nda se meghea ka Asiri kakele Samari. Pa ŋkɛ fəghe ka Israyɛl kadzembe Asiri ba'a beteyi hɛ te hɛɗia Hala, te ŋa Gozan nya hwɛ hələa Habor laka ba'a dzeyi mbe yɛ meleme ta Mɛdi.

2 Wəshi nyi Mene Ka Meghe 7:20

Kateŋkamte ŋayɛ 'ya te hɛɗi nya ndeke ŋayɛ nya 'ya, kateneghamte ghɛa ɗa nya ŋate nya 'ya kazləvəa ɗa cakeɗake le 'ya. Ma tsagha ne, mbeli pɛtɛ kateyiɗə ka Israyɛl ba'a kaŋ'wəshi hɛ.

Cimə 106:38

Pa hɛ shekeyi mimia ka menetema fete, mimia ŋwale tezhilia nci ba'a ŋwalea kwɛa nci nyi dzeghekɛ nda melɛ hɛ le hɛ ke yɛ shala ta ka Kanan. Tagha gɛ, pa hɛɗi zhɛrenyɛ wale wale va yɛ sheke ta mimi.

Cimə 95:11

Tagha gɛ, ma 'ya gezete le wənə le wənə: ‹Kadzete ŋkwa kezhɛne mpia ɗa hɛ tɛape we.›»

Zhɛrɛmi 10:18

Kwa nza ŋkɛ, wa nya ghena nya geze Mahwətə nya: «Ma tsetsenya deŋwa gɛ ne, katebeza mbeli nyi te hɛɗi 'ya kala pelɛ nya kwa beza pelɛ. Terasle tenza 'ya yitea hɛ kezha ɗema hɛ kambelenji.»

Zhɛrɛmi 3:2

Newe pa sha ŋkwa nyi dzeme kwa ghəa yɛ wəmbə gi, wəmbə shɛ ya kwetɛŋe nya sema na kamene mefətekwə pelɛ na? Mɛa hweŋkwa ntishɛ na kaneghe hɛ kala ka mbarara nyi te ɓerama. Nahe na kezhɛremte hɛɗi wale wale le mene mefətekwə ba'a dzeghwa kwa ndiremia ŋa.

Zhɛrɛmi 9:19

Gheyɛ mi, fate mə ghena ta Mahwətə, veyite mə sleme yitea ghena nya geze ŋkɛ. Tekete nda mə nehwene ke ŋwalea kwɛa ŋayɛ, tekete nda yayata male ke kwa ghedəkwə nta:

Ɛzɛkiyɛl 36:17

«Fate megela wəndə ŋelɛ: Ma kwa nza ka Israyɛl mba te hɛɗia nci ne, nahe hɛ kezhɛrete ghəa nci wale wale le dzeghwa ta nci ba'a le mene wəshi nyi ɗema ghə te. Wale wale se dzeghwa ta nci kwa kema ta ɗa kala male nya zhɛ nda wəshi.

Ɛzɛkiyɛl 36:19

Nahe 'ya ketazeyi hɛ kwetɛ kwetɛŋe hwa kweci hwelefefi nyi te kweci hɛɗi. Kala dzeghwa ta nci ba'a kala slene ta nci mehate ghwə 'ya te hɛ.

Zhɛne Ghwelə yitea Wəshi Mahalegə 12:9

Kwa nza ŋkɛ ne, kenaka yɛ kantsehe te ŋkwa kezhɛne mpi, te hɛɗi nya ve ŋayɛ Shala Mahwətə ta ŋayɛ we.

Zhɛne Ghwelə yitea Wəshi Mahalegə 30:18

'ya kageze ŋayɛ ɓeshi: mɛke teza sebe te gheyɛ. Katetemə yɛ kwele kwele te hɛɗi nya tedzete yɛ kakele kaŋa ŋayɛ pelɛ kema ta Zhəwrdɛŋe we.

Zhɛne Ghwelə yitea Wəshi Mahalegə 4:26

Ma kemenete geva ŋkɛ tsagha ne, yɛ ghweme le hɛɗi ka tenza kaka negha fete ta ɗa ɓeshi: kahe kahe teza sebe te gheyɛ te hɛɗi nya tekele nya yɛ pelɛ kema ta Zhəwrdɛŋe. Katetemə yɛ kwele kwele te we, kwa nza ŋkɛ pɛtɛ tempə yɛ.