Mishɛ 2:1 - Ghena ta Shala

¹ Ɗa ya te mbeli nyi kezəzə wəsə kwa ndiremi, nyi kehi geva yitea beze ghena heviɗi! Kiɗima ta ŋkwa ne, ntəŋə hɛ yitea mene hɛ, kwa nza berete va hɛ.

Mishɛ 2:1 Iomraidhean Croise

Gha ta Wəshi 31:29

Wərə 'ya kamenete ŋayɛ wəsə kwa ndiremi, ama ma ke Shala ta ka shihɛ ŋayɛ sha 'ya mshena heviɗi: ‹Yagha na tegeze nda kwete ghena ke Zhakob.›

1 Ka Meghea Kɛfi 21:7

Ma ke male ta ŋkɛ Zhɛzabɛl shɛ: «Ashɛ gha nde sleke ka Israyɛl deŋwa wəka! Sate, zehwe wəsə kezeme, nza wənəa ŋa le farefa! 'Ya nde teve ŋa wəvea rɛzɛŋea Nabot, nde Zhizrɛyɛl!»

Ɛstɛr 3:8

Ma ke Haman sha meghe Sɛrsɛs: «Maze yawe, le kweci hwelefefia kweci mbeli shɛ hwa mbelia ŋa, nahe hɛ ketazeyi geva dzeyi hwa mbeli te yayata sla ta hɛɗi nya te hɛɗi meghea ŋa. Tekeleke ŋa nci nza, tekeleke ŋa nci wəshi mahalegə, kayɛ fete hɛ tɛape yitea wəsə mahalegəa meghe we. Kehi na kasərə hɛ tsagha gwezlayɛ we meghe we.

Ɛstɛr 5:14

Tagha gɛ, ma ke Zɛrɛsh, male ta Haman ba'a pɛtɛa ka mcɛhɛnyɛ gezete nda: «Gezete kezha hite sheghwə mbeli gare mɛtre bakemsə mcɛfeghəmbe kadzeyitea ghweme. Ma hendɛ masheke ne, geze nda ke meghe kezha hwepe Mardoshɛ mbeli ŋalawe te. Tagha gɛ, wərə na kalə fare fare yitea wəsə kezeme zlaɓe le meghe.» Gwəfə ghəa Haman te ghena shɛ, pa gezete nda ke mbeli kala sheghwəa shɛ.

Ɛstɛr 9:25

Ama pa Ɛstɛr lə sha meghe, pa gezete nda ke mbeli laka rafe palepa: Wəsə kwa ndiremi nya zəzəte nda ŋkɛ ke ka Zhəwif nde dzəɓəaghe geva kənəa Haman. Pa mbeli hwepete te sheghwə, tsagha ŋwalea ŋkɛ perə.

Palepa ta JOB 15:35

Ndiremi yaya wəndə nya kezəzə wəsə kwa ndiremi. Wəsə nya zəzə ŋkɛ kwa wənəa ŋkɛ nde teghwete ŋkɛ.»

Palepa ta JOB 24:14

Kasate nde pesle ŋkwa te ŋkwa wakaka ŋkwa, kapesle nde titikwə ba'a nde dewə ŋeli ŋkɛ, ma heviɗi ne, wəshia mbeli yaghərə ŋkɛ.

Cimə 36:4

Deke beze ghena ba'a tseŋwə ya kwa mɛa ŋkɛ, nahe hweŋkwa ta mene ganyɛ kezave nda za.

Cimə 36:5

Ma vəa ŋkwa nya nza ŋkɛ te gezle ta ŋkɛ ne, wəshi nyi ndiremi ndiremi yazəzə ŋkɛ. Hweŋkwa nya ndiremi yakele ŋkɛ, kanegha wəsə kwa ndiremi ŋkɛ we.

Cimə 58:3

Ewə! Le ɗe ta ŋayɛ mene wəsə nya kehitema geva yɛ. Berete yamene yɛ le ghəa ŋayɛ te hɛɗi.

Yɛ Ghena Ŋela 12:2

Kazlama Mahwətə yitea wəndə nya kemene ganyɛ, ama kave ɗa ŋkɛ te wəndə nya kezəzə wəsə kwa ndiremi.

Yɛ Ghena Ŋela 14:22

Ma mbeli nyi kezəzə wəsə kwa ndiremi ne, kateza nda za hweŋkwa ke hɛ. Ama mbeli nyi kezəzə wəsə ganyɛ ne, katekemave ndeɗea mehele ba'a nza tiɗiɗi hɛ.

Yɛ Ghena Ŋela 3:27

Nzama ŋa na kemene nda ganyɛ ke wəndə nya kehi vəa ŋkwa nya nza na kamenete nda ma.

Yɛ Ghena Ŋela 4:16

Kadzeyitea hɛ hɛ kemenetema wəsə kwa ndiremi hɛ we, kakele hɛ hɛ keweleyima wəndə hɛ we.

Ɛzayi 29:20

Kwa nza ŋkɛ ne, katenza kiɗi ta ka ghwərə ghwərəa ntsə, kateza sebe te ka ŋkele ntsə. Mɛke tenza sebe te mbeli nyi kezele mene nda wəsə kwa ndiremi ke mbeli,

Ɛzayi 3:14

Nahe Mahwətə kefəke mbelia jama ba'a mbeli nyi te ghəa mbelia ŋkɛ kadzete ghwə, ma ke sha hɛ: «Gheyɛ ka bezemte wəvea rɛzɛŋea ɗa, nahe yɛ keviɗikɛ ghɛa ŋayɛ le wəshi nyi fəhwe yɛ va ka titikwəa kɛfi.

Ɛzayi 32:7

Ma ka mbəɗəkwəa kɛfi ne, wəshi nyi ndiremi ndiremi yamene hɛ, Kasepa ntsehwele hɛ kezha za ka titikwəa kɛfi laka ghena tseŋwə. Ndagwara berete ya'yɛwe ka titikwəa shɛhɛ.

Ɛzayi 5:8

Wa nya ndiremi te mbeli nyi kembake ghɛ kadzevare kwete ba'a nyi kemtsehe wəve kadzevare kwete gɛ! Ma keɗaŋe ta ŋkɛ ne, pɛtɛ tehərəhwe ŋkwa hɛ ba'a deke ghenci ka tenza te hɛɗi.

Ɛzayi 59:3

Mimi ya dzeyi te dzeve ta ŋayɛ, wale wale ŋwalea dzeve ta ŋayɛ va fete ta ŋayɛ. Tseŋwə yasla mɛa ŋayɛ, ghena kwa ndiremi yageze ghɛnia ŋayɛ.

Zhɛrɛmi 18:18

Ma ke hɛ gezete: «Mbi ɓəmə, zele ɓəmə ntsehwele kepesle Zhɛrɛmi, kandɛare mə va ka dzeghe Shala kezha teke ɓəmə wəsə mahalegə we, ya ka ntsehwele ntsehwele kezha geze ɓəmə ghena ganyɛ we, ya ka mɛ ŋkwa kezha geze ɓəmə ghena ta Shala we. Mbi ɓəmə kageze ghena nya ndiremi te, vema ghə mə te ghena ta ŋkɛ ma.»

Ɛzɛkiyɛl 11:2

Ma ke Sefəa Shala sha 'ya: «Wəndə ŋelɛ, wa nyi mbeli nyi kezəzə mene jaɗafa ba'a nyi ketsa ghena nyi ndiremi ndiremi mbe meleme nya nyi.

Ɛzɛkiyɛl 33:26

Dɛŋe yɛ vate ghəa ŋayɛ te wəshi kempa ta ŋayɛ, ntəŋə yɛ yitea mene wəshi nyi ndiremi ndiremi kashasha, yitea ɓelahe le mia ka ghedəkwəa ŋayɛ. Tsema nza gheyɛ kaslekete hɛɗi wa?

Ɛzɛkiyɛl 38:10

Wa nya ghena nya geze Shala Mahwətə nya: Ma te vecia shɛ ne, kwele kwele tedzembe mehele ta ŋa zəzə, ghena kwa ndiremi yatezəzə na.

Ɛzɛkiyɛl 46:18

Ama ɓiyitsa ne, hweŋkwa va meghe kakele wəvea mbeli nyi te hɛɗia ŋkɛ kaberete we. Ama wəshi nyi zeme ghɛ ŋwalea ŋkɛ yite ne, hwa wəshia ŋkɛ kele ŋkɛ. Ma tsagha ne, wəndə shɛ kateŋkamte geva te wəve ŋkɛ we.

Mishɛ 6:12

Ghə yamene ka mcɛləa kɛfi nyi mbe meleme nya le ka titikwəa kɛfi. Ka tseŋwə kɛfi mbeli nyi mbe, kezha ghwete ŋkwa ghwene mɛ hɛ.

Nahəwm 1:11

Ninive, mbe gha shave wəndə nya kezəzə wəsə kwa ndiremi te Mahwətə, wəndə nya kezəzə wəshi nyi ndiremi ndiremi kashasha.

Zakari 7:10

Sa nda ma yaka yɛ ke ka wedidi, ya ke ka mezhɛtiti, ya ke ka se se, ya ke ka titikwəa kɛfi ma. Zəzəma ghena kwa ndiremi yɛ kwelɛ ghəa ŋayɛ ma.»

Mark 15:1

Masheke masheke ne, tsene yɛ mbeli nyi te ghəa ka dzeghe Shala, mbelia jama, ka rafe wəsə mahalegə ba'a pɛtɛa mbelia jama ta ka Zhəwif pɛtɛ kayipəte ghena. Pa hɛ hwepete Yɛsə, keleke ŋkɛ ba'a ndeke nda ŋkɛ ke Pilate.

Ləwke 20:19

Kaɗe mbeli nyi te ghəa ka dzeghe Shala ba'a ka rafe wəsə mahalegə kakese Yɛsə te ŋkwa shɛnyɛ. Kwa nza ŋkɛ nahe hɛ keɗepe te ghəa nci gezete ghena keyipə pa shɛ ŋkɛ. Ama kazhɛ nda ghazlənə ke hɛ va mbeli.

Zhaŋe 19:11

Ma ke Yɛsə shɛ: «Berete kesleke ɗa va gha we, keɗema nya ndeke ŋa Shala sawa pelɛ ghweme we. Vatse nza nde za ma jaɗafa ta wəndə nya kepahwe ɗa va gha ke gha.»

Slene 23:12

Ma te hendɛ ta ŋkwa masheke ne, pa ka Zhəwif tsahwe ghena ba'a zemete fela kezha zemema wəsə kezeme wəsə ba'a kezha sama wəsə kesa keɗema hɛ kepeslekɛ Pol.

Slene 23:15

Ma gheyɛ mbelia jama ba'a mbeli nyi te ghəa hɛɗia ka Zhəwif ne, 'yɛwe mə va wəndə kwelea ka sewajɛa kezha keleke Pol ŋkɛ kadzawa kema ta ŋayɛ kezha newe ghena ta ŋkɛ yɛ tiɗiɗi. Ma ghen'yɛ gɛ ne, nahe ghen'yɛ kehite geva kezha pesle ŋkɛ kwa hweŋkwa nda tetsehe ŋkɛ teke.»

Ka Rome 1:30

ŋwashɛ ŋwashɛ, nza kande ghema ta Shala, ŋkele ntsə, kele ghə, fege, ve nda ghə ke wəsə kwa ndiremi, hawema va mbeli nyi keyake hɛ,

Zhɛne Ghwelə yitea Wəshi Mahalegə 28:32

Katefə nda ŋwale tezhili ba'a ŋwalea kwɛa ŋayɛ mbeli ke kwete hwelefe. Leɓakwe tenza ntsə ta ŋayɛ kavəghwə va newe zhɛne geva ta nci kase, ama wəsə shɛ kamenete yɛ we.