Mishɛ 1:8 - Ghena ta Shala

⁸ 'Ya Mishɛ ne, 'ya kateŋgaɗe ghə ba'a kateŋələvə. 'Ya katedzeghwa kaɗema tsahwa mbe seɗa ba'a mederelaŋe. Kala kelɛ gamba tembɛahwɛ 'ya, kala zhenɛgə tenehwene 'ya.

Mishɛ 1:8 Iomraidhean Croise

2 Ka Meghea Kɛfi 18:13

Ma mbe kwa meŋe wəfaɗeghəmbe ta va ta Ɛzɛkiyas, pa meghea ka Asiri, Sɛnakɛrib se kaha nda mpa ke pɛtɛa meleme nyi berete berete te hɛɗia meghea Zhəwda ba'a fəhwe hɛ.

Ɛstɛr 4:1

Ma kwa fate wəsə nya kemenete geva Mardoshɛ ne, ŋkwahe ŋkɛ sha lekwesa ta ŋkɛ, pa hwepahwe wəsə hwa hwə ba'a behwekɛ ghəa ŋkɛ le pəsəɗə. Cape kadzeyi mbe meleme le lewela nya ndiremi.

Palepa ta JOB 30:29

Laka lewela ta ɗa ne, nahe 'ya kezhɛre ɗa kawəza meghekɛa yɛ kelɛ gamba ba'a kamcɛnyɛa yɛ zhenɛgə

Cimə 102:6

Tewəmbəreke ŋələvə ne, deke hweta nde tene kənəa 'yɛ'yɛa ɗa.

Ɛzayi 13:21

Ama yɛ wəve ka tenza dzeyi mbe, yɛ təwəvəŋə ka teviɗi geva dzeyi ki ghɛ nyi mbe, yɛ zhenɛgə ka tenza dzeyi mbe ba'a yɛ zhɛfa lɛmə ka tejɛgwəli dzeyi mbe.

Ɛzayi 13:22

Yɛ deghwavaŋwe ka tenehwene dzeyi mbe ghɛ nyi bebiya bebiya ba'a yɛ kelɛ gamba ka tembɛahwɛ dzeyi ki yɛ ghɛ ganji. Takwa takwa vəa kiɗi ta Babilone kase, katemtsehe geva yɛ hɛa ŋkɛ we.

Ɛzayi 16:9

Vatse nehwene 'ya yitea rɛzɛŋe nyi mbe Sibma kala nya nehwene mbeli nyi Yazɛr yite. Katebete nehwene 'ya kənə gheyɛ, gheyɛ Hɛshebon le Ɛlalɛ. Kwa nza ŋkɛ ma te və nya nda yɛ rɛzɛŋe ba'a nya mene wəshi yɛ se te wəve ne, nahe yɛ gaghwe kekiɗinji.

Ɛzayi 21:3

Vatse zhɛ ɗa dəŋəa ɗa va yaka. Geva nde zhɛ ɗa kala male nya keheha va ya. Kewəba tazenyɛ mehele ta ɗa kefa ghena, kewəba ghazlənə ɗa 'ya kenewe ŋkwa.

Ɛzayi 22:4

Tsetsenya gɛ ne, ma 'ya sha gheyɛ: «Pelema ntsə yɛ yitea 'ya ma, pelakɛ ɗa mə kanehwene sərəɓə sərəɓə. Nahe hwelefe ta ɗa kezamte geva, ama dzeghema yɛ kagweɗakwe ɗa ma.

Ɛzayi 32:11

Bare bare mə, gheyɛ nyi sheshɛrɛayɛ, nza mə keyirə yirə, gheyɛ nyi kegezleŋema ghə seɗemte mə lekwesa ta ŋayɛ, nza mə mederesakwe ba'a hwepahwe mə wəshi hwa hwə.

Zhɛrɛmi 4:19

Aya hwəa ɗa ya! Aya hwəa ɗa ya! Bərəɓə yabərəɓə 'ya va zhɛ ta ŋkɛ! Mbasa kendaɗenyɛ wənəa ɗa, kewəba mpa geva ta ɗa, kashɛ 'ya nza divə we: kwa nza ŋkɛ nahe 'ya kefate vɛ ta veke ba'a kaka ta mpa.

Zhɛrɛmi 9:1

Ma nda ghwəli ya va 'ya kwamte te ɓerama kala ka dzehwa mte ne, nza nahe 'ya kesərəakɛ mbelia ɗa kalə ɗa cakeɗake. Pɛtɛ hɛ kaka vale tahe, kawəvəsəa ka mbəɗəkwəa kɛfi.

Zhɛrɛmi 9:10

Ma ke Mahwətə: «'Ya katezhɛre Zhɛrəzalɛm kakwəfi, kaŋkwa kewəfərə ta yɛ kelɛ gamba ba'a yɛ meleme ta Zhəwda kaŋkwa nyi dɛrɛŋe rɛŋe kaɗema wəndə kanza mbe.»

Zhɛrɛmi 9:19

Gheyɛ mi, fate mə ghena ta Mahwətə, veyite mə sleme yitea ghena nya geze ŋkɛ. Tekete nda mə nehwene ke ŋwalea kwɛa ŋayɛ, tekete nda yayata male ke kwa ghedəkwə nta:

Ɛzɛkiyɛl 32:18

«Wəndə ŋelɛ, nehwene kənəa mbeli nyi mbe Ɛzhipte. Fəghe hɛ nehwene ta ŋa zlaɓe le kweci hɛɗi nyi jama jama kadzawa zeweve ta hɛɗi, ŋkwa nya dzawa mbelia kwahɛɗi.

Mishɛ 2:4

Ma te vecia shɛ ne, katenehwene mbeli kənəa gheyɛ. Ma ke mbeli sha tegha nehwene: «Pɛtɛ mbeli kefəhwe wəshia n'yɛ. Mba yɛ wəve va mbelia n'yɛ we. Nahe ka jaga ta n'yɛ kenehehwe hɛ. Wa raberə fəhwe wəshia n'yɛ mbeli wa?»

1 Saməyɛl 19:24

Gheŋkɛ ɓiyitsa ne, pa ŋkɛ seɗemte lekwesa ta ŋkɛ, ntake ŋkɛ kazlape ghena ta Shala te kema ta Saməyɛl. Ma ɓiyitsa, kwərəpə ŋkɛ hwa hɛɗi mederelaŋe bepepe, hwencɛke ncɛke tsagha tagha. Vatse gɛ, ma ke mbeli gezete: «Hwa ka mɛ ŋkwa ta Shala Sawəl deŋwa yi?»