Mishɛ 1:7 - Ghena ta Shala

⁷ Pɛtɛ tempəmte geva wəshi nyi zhɛrete ŋkɛ kashala, pɛtɛ tebete geva wəshi gəmə nyi kemave ŋkɛ mbe ghwə. Katenzenzere wəshi nyi zhɛrete ŋkɛ kashala 'ya. Ma kwa nza ŋkɛ le meleɓe ta yɛ mene mefətekwəa ŋkɛ tsenete wəshia shɛhɛ ŋkɛ ne, kameleɓe ta mene mefətekwə tenza hɛ perə.»

Mishɛ 1:7 Iomraidhean Croise

2 Wəshi nyi Mene Ka Meghe 31:1

Ma kwa nahe gəsəkə ne, cape ka Israyɛl nyi tagha pɛtɛ kadzeyi mbe yɛ meleme ta Zhəwda, pa hɛ mpəmte yɛ gɛaŋa nyi mɓeyi mbeli, tsaslemte selə nyi keveyi geva tekeleke, ŋzlamte yɛ ŋkwa kedzeghe melɛ ba'a yɛ reghwetɛa nci. Tsetse menete hɛ te hɛɗia meghea Zhəwda pɛtɛ, mbe hwelefe ta ka Bɛnjamɛn, Ɛfrayim ba'a Manasɛ, kwa sebe ta ŋkɛ, cape yayata wəndə kalə sha ghɛa ŋkɛ mbe meleme ta ŋkɛ.

Ɛzayi 2:18

Rayɛ teza sebe te wəshi nyi zhɛrete mbeli kashala.

Ɛzayi 23:17

Ma kwa sebe ta va nyi mberefaŋemsə nyi ne, kateve ntsə Mahwətə te Tir. Katezhɛne Tir kaŋ'we yɛ zhɛme ta ŋkɛ. Katemene mefətekwə ŋkɛ le pɛtɛa hɛɗi nyi te hɛɗi lema.

Ɛzayi 27:9

Wa tsetse tesehwemte geva fete ta Zhakob, wa nya wəsə temene kele ta jaɗafa ta ŋkɛ te wənə nya: katehə pɛtɛa pelɛa yɛ reghwetɛ mbeli kezha nza hɛ kala teɓehwe. Katezhɛne seləa nyi keveyi geva tekeleke ba'a wəshi ketere 'wərdə kanza meghereŋe we.

Ɛzɛkiyɛl 6:6

Kakwəfi tenza yɛ meleme ta ŋayɛ ba'a keŋzla ŋzla tenza yɛ kələŋəa ŋayɛ te ŋkwa nyi nza yɛ. Keŋzla ŋzla tenza yɛ reghwetɛa ŋayɛ nyi keɗema mba kaketekɛ ŋkwa, kempə mpə tenza wəshi nyi zhɛrete yɛ kashala ba'a rayɛ teza sebe te hɛ, tsagha yɛ kwenə ketere 'wərdəa ŋayɛ. Rayɛ tenza sebe te wəshi nyi menete yɛ pɛtɛ.

Palepa ta Ozɛ 2:12

Tsetsenya ne, 'ya kateseɗemte lekwesa kənə kwa ntsə ta ka meghwateshia nta. Wəndə shɛ katembele ŋkɛ shave mbe dzeve ta ɗa we.

Palepa ta Ozɛ 2:14

Katempə yɛ rɛzɛŋe ba'a yɛ dasekwa ta nta 'ya. Ma ke sha se kageze te ghəa nci: Zhɛme nya ndeke ɗa ka meghwateshia ɗa hɛ. Katezhɛre hɛ 'ya kagamba, katezeme hɛ wəshi keseɗa nyi hwa gamba.

Palepa ta Ozɛ 2:5

Ma ewə ke ne, kateseɗemte lekwesa 'ya kənə ba'a kateve ŋkɛ 'ya derelɛŋe lɛŋe kala nya sawa nde kwa hwə. Katezhɛre hɛɗia nta 'ya kaɓerama, katezhɛre ŋkɛ 'ya kahɛɗi nya helɛŋe helɛŋe ba'a katepesle ŋkɛ 'ya le ndere.

Palepa ta Ozɛ 8:5

Ka Samari, neghamte mə leve ta sla ta ŋayɛ gɛ! Nahe wənəa ɗa kewepenyɛ va hɛ. Pa te nyama və teɗema ɗa kanza te hɛ wa?

Palepa ta Ozɛ 8:6

Se mbe Israyɛl levea shɛ, nde vɛsə mze nde menete ŋkɛ, kenza ŋkɛ kaShala we. Kaganda ne, katempəmte geva leve ta Samari.

Zhowɛl 3:3

Katemene wəshi meŋele 'ya pelɛ ghweme ba'a kwake te hɛɗi, mimi, ghwə ba'a geɗeɗe ta n'yi.

Ka Lɛvi 26:30

Kateza sebe 'ya te ŋkwa ŋayɛ nyi keveyi geva tekeleke, katempə yɛ reghwetɛ ketere 'wərdəa ŋayɛ 'ya. Katetsene mbeli nyi kempə mpəa ŋayɛ 'ya kənəa wəshi nyi kempə mpə nyi zhɛrete nyi yɛ kashala ba'a kateɗema ŋayɛ 'ya.

Zhɛne Ghwelə yitea Wəshi Mahalegə 23:18

Nde Israyɛl shɛ, za keɗema male katemene mefətekwə nya keveyi geva tekeleke we.

Zhɛne Ghwelə yitea Wəshi Mahalegə 9:21

Laŋe 'ya te leve ta sla shɛ, wəsə jaɗafa nya vɛsəte nya yɛ, pa 'ya negheyi mbe ghwə. Kwa sebe ta ŋkɛ, pa 'ya mpəmte ba'a həmte kwerɗike ɗike, pa 'ya beteyite keləwəa ŋkɛ yitea yɛmə nya kehwɛ sawa pelɛ ghweme.

Ghena Kelɛŋə 18:3

Kwa nza ŋkɛ nahe pɛtɛa hwelefefi kesahwe tɛa mene mefətekwəa nta. Nahe ka meghea kɛfi nyi te hɛɗi kemenete mefətekwə le ba'a nahe ka zhɛre dzeve nyi te hɛɗi kezhɛrenji kaka mcɛlə va wəba mcɛləa nta.»

Ghena Kelɛŋə 18:9

Nahe ka meghea kɛfi nyi te hɛɗi kemenete mefətekwə le, nahe hɛ kemenete ghəa nci le mcɛləa nta nya wəba. Ma kwa newe n'yia ghwə nya ketere ŋkɛ hɛ ne, katenehwene hɛ yitea melemea shɛ ba'a kateŋgaɗe ghə hɛ tewəmbəreke ghenta.

1 Saməyɛl 5:4

Te hendɛ ta ŋkwa masheke masheke zhɛkwa ne, pa hɛ nakɛ Dagon te hɛɗi. Ketsasle tsasle ghəa ŋkɛ ba'a dzeve ta ŋkɛ bake tagha te hɛɗi kwa ŋkwa kedzeki ghɛa ŋkɛ. Deke geva nde tene tagha.