Mishɛ 1:6 - Ghena ta Shala

⁶ Ma ke Shala: «Tewəmbəreke wəsə nya ne, 'ya katezhɛre Samari kakwəfi, kawəve nya temɓe rɛzɛŋe mbeli te. Katetsetsəkwə yɛ pelɛa ŋkɛ 'ya kadzawa zlərə, dedeghərə teve yɛ shihəa ŋkɛ 'ya te ŋwela.

Mishɛ 1:6 Iomraidhean Croise

2 Saməyɛl 17:13

Ma kewəfərənyɛ ŋkɛ mbe kwete meleme ne, katefə yɛ zewe pɛtɛa ka Israyɛl kase ba'a katentsehe melemea shɛ mbeli kadzawa hələ nya dekwe. Tagha gɛ, katezhɛne mbeli kasləyi pelɛ kwetɛŋe te ŋkwa shɛ we.»

2 Ka Meghea Kɛfi 18:10

pa mbeli kelehwe melemea shɛ te kwa mahekene ta va, ma geze ta ŋkɛ mbe kwa ŋkwaŋe ta va ta Ɛzɛkiyas te meghe keɗema te kwa mesli ta va ta Ozɛ te meghe mbe Israyɛl.

2 Ka Meghea Kɛfi 18:9

Ma mbe kwa wəfaɗe ta va ta Ɛzɛkiyas mbe meghe ne, yipə le ŋa Ozɛ wəzege ta Ɛla va mberefaŋe mbe meghea ka Israyɛl, ma meghea ka Asiri Salmanasar ne, nahe ŋkɛ kese kadzaslete Samari,

2 Ka Meghea Kɛfi 19:25

Yawa, Sɛnakɛrib, nda keɗepe na wəka? Vəashi ne, 'ya nde menete wəshia shɛhɛ, vəashi ne, nahe 'ya kehimte hweŋkwa ta ŋkɛ, tsetsenya ne, tserame menete hɛ 'ya. Nahe 'ya ketarete kezha zhɛre meleme nyi berete berete na kakwəfi.

Ɛzayi 17:1

Ghena nya kegezete geva te ghəa Damas. Temə vireɗi ne, katezhɛne Damas kanza kameleme we, kakwəfi tenza ŋkɛ.

Ɛzayi 25:12

Ma zlia ŋa nya berete, nya shɛma nya mbeli dzeme gɛ ne Mowab ne, kateŋzlamte ŋkɛ Mahwətə, katempə ŋkɛ kadzete hɛɗi.

Ɛzayi 25:2

Nahe na kezhɛrete meleme kakwəfi, nahe na meleme nya beretea shɛ keŋzla. Mba meleme nya berete ta ka se se kameleme we, katezhɛne mbeli kaŋa ŋkɛ tɛape we.

Zhɛrɛmi 31:5

Katezhɛne na kamɓe yɛ rɛzɛŋe pelɛ yɛ wəmbə nyi mbe Samari. Mbeli nyi ketemɓe hɛ ka tenda ya ta nci.

Zhɛrɛmi 51:25

Ma ke Mahwətə: «Kabegeme mə le gha Babilone, nya kala ghweme nya kempə ŋkwa, gha nya keza sebe te hɛɗi lema. Katekafe dzeve 'ya kaɗa ŋa, katetsəkwə ŋa 'ya sawa pelɛ keleɓa, katezhɛre ŋa 'ya kala ghwə hwa ghweme.

Zhɛrɛmi 51:37

Katezhɛre meleme nya 'ya kakwəfi, kaŋkwa kenza ta yɛ kelɛ gamba, kameleme nya ɗema mbeli mbe, nya ve nda taze ta mehele ba'a ghazlənə ke mbeli.

Zhɛrɛmi 9:11

Ma kenza wəndə nya kentsehwele ntsehwele shɛ, fate ba'a zlape ghena nya gezete nda Mahwətə ŋkɛ. Wa raberə nza hɛɗi nya kebeze beze, ketere tere kala ɓerama nya ɗema mbeli kadzeghwa te wa?

Yɛ Ŋgaɗe ghə 4:1

Ayaga! Kezhɛne mze kwa tere tere keslesla we, kezhɛne mze ganyɛa shɛ kaɓayɛ ɓayɛ we. Nahe pelɛ nyi keveyi geva tekeleke kenza ketaze taze dzeyi kwa yɛ hweŋkwa gɛ wa!

Ɛzɛkiyɛl 13:14

Kateŋzlamte zli nya fikɛ nya yɛ le teɓehwe 'ya, pa te shihəa ŋkɛ teŋzla 'ya kadzete hɛɗi. Kateŋzla ŋkɛ, mɛke tenza sebe te gheyɛ mbe. Ma tsagha ne, kateɗepete yɛ 'ya ya kaMahwətə.

Amos 5:11

Dɛke yadɛke nda seɗa yɛ yitea ghə ke nde titikwə laka fə ha ta ŋkɛ. Vatse gɛ ne, katenza yɛ mbe ghɛ ganji nyi ŋate nyi yɛ le pelɛ nyi ketsehe tsehe we, katendɛme tɛa wəfe ta rɛzɛŋe nyi ganji ganji nyi mɓete nyi yɛ yɛ we.

Amos 6:8

Ma ke Shala Mahwətə nde berete zemete fela le ghəa ŋkɛ: «Zeɗehwe ɗa kele ghə ta ka Israyɛl we, Keɓela ghɛ ganjia nci 'ya we. 'Ya kateve nda yɛ Samari le wəshi nyi mbe ke ka jaga ta nci.»

Mishɛ 3:12

Vatse gɛ, kawəve kwa wəza wəza tezhɛre Siyon, kakwəfi tenza Zhɛrəzalɛm ba'a katigə tenza ghweme ta ghɛa Shala tewəmbəreke gheyɛ.

Habakək 3:13

Nahe na keshave kezha mbele mbelia ŋa, kezha mbele meghe nya ntave na. Nahe na kepeslekɛ wəndə nya te ghəa hwelefe ta ka 'yaghwa mehele, nahe na kezamte sebe te mbeli nyi yite. Zhɛne mpi.

Matiye 24:2

Ma ke Yɛsə sha hɛ: «Nahe yɛ kenakɛ ndeɗea ghɛ nya tse na? Kaganda ne, ma 'ya sha gheyɛ: pɛtɛ teŋzla ŋkɛ, pelɛ shɛ katenza te kwete wəndəa ŋkɛ we, pɛtɛ teŋzla ŋkɛ.»