Mishɛ 1:5 - Ghena ta Shala

⁵ Ma nda mene geva wəshi nyi pɛtɛ ne, va fama ghena ta hwelefe ta Zhakob, va jaɗafa ta ka Israyɛl. Wa nde tsəkwə Zhakob yitea fama ghena wa? Ashɛ Samari wəka? Wa nde tsəkwə Zhəwda kahawe va kweci shala wa? Ashɛ Zhɛrəzalɛm wəka?

Mishɛ 1:5 Iomraidhean Croise

1 Ka Meghea Kɛfi 11:7

Mbe və nyagha ŋate ŋkwa kedzeghe melɛ Salomon pelɛ ghəa kələŋə mbe kema ta Zhɛrəzalɛm kaŋa Kemosh, shala kwa ndiremia ka Mowab ba'a kaŋa Molɛk perə, shala kwa ndiremia ka Amon.

1 Ka Meghea Kɛfi 13:32

Va nya nza ŋkɛ kaganda gezete ghena nya gezeke Mahwətə ŋkɛ kadzete reghwetɛ kedzeghe Shala nya mbe Bɛtɛl ba'a le kələŋə, nyi mbe Samari: katemene geva ghena nyi gezete ŋkɛ ya tsemanyɛ ŋkɛ.»

1 Ka Meghea Kɛfi 16:24

Kwetere wəmbəa ŋkɛ, pa ŋkɛ lə sha Sɛmɛr kapave kwete ghəa ghweme mbe Samari kadəɓərə mze kwa ghwə ghwə 6.000. Pa ŋate meleme pelɛ ghəa ghwemea shɛ kandeke nda sləa kaSamari, se te sləa Sɛmɛr, wəndə nya se ŋkwa kaŋa ŋkɛ.

2 Wəshi nyi Mene Ka Meghe 34:3

Ma te kwa deghese ta va ta ŋkɛ te meghe, ndagwara mba ŋkɛ kawəzege, ntake kazele ɗe ta Shala ta shinyɛ David. Va wəfaɗe kwa sebe ta ŋkɛ ne, ntake kampəmte ŋkwa kedzeghe melɛ nyi hwa kələŋə, yɛ selə nyi keveyi geva tekeleke ba'a wəshi nyi zhɛrete mbeli kashala pɛtɛ mbe Zhɛrəzalɛm le hɛɗia Zhəwda.

2 Wəshi nyi Mene Ka Meghe 34:4

Pa mbeli mpəmte yɛ reghwetɛa yɛ Ba'al kwa ntsə ta ŋkɛ, tsagha shɛ le yɛ ŋkwa ketere 'wərdə nyi kənə, pa mbeli tsaslemte selə nyi keveyi geva tekeleke ba'a pa mbeli mpəmte wəshi nyi zhɛrete mbeli kashala pɛtɛ. Pa mbeli zhɛrete hɛ kakeləwə, kwərə kwərəyi te yɛ kwele ta mbeli nyi kese kadzeghe nda melɛ ke hɛ.

Ɛzayi 7:9

Samari ya kawədəa Ɛfrayim, wəzege ta Remaliya ya kameghea ka Samari. Ma keɗema yɛ kave nda ghə ke Shala ne, katenzate nza yɛ we.»

Zhɛrɛmi 2:17

Kaɗema va nya wəfəyite Shala Mahwətə ta ŋa na te və nya se ŋkɛ kancɛ ŋa hweŋkwa nda menete ŋa geva ŋkɛ kala nya na?

Zhɛrɛmi 2:19

Dzeghəa ghəa ŋa wəsə kwa ndiremia ŋa! 'Yɛte ŋa fama ghena ta ŋa! Tsagha nza na kafave 'yaghwa ta ŋkɛ le ndiremia ŋkɛ kwa wəfəyite Shala Mahwətə ta ŋa na! Kaganda, kezhɛne kahawe va 'ya we, wa'a ke Shala Mahwətə nde berete.

Zhɛrɛmi 23:13

«Ma wəsə nya nakɛ 'ya va ka mɛ ŋkwa ta ka Samari ne, kwele kwele ɗema ghəa ɗa. Te sləa Ba'al geze ghena kelɛŋə hɛ, Nahe hɛ keghwetete ka Israyɛl, mbelia ɗa.

Zhɛrɛmi 23:14

Ama wəsə nya ndiremi kashasha yanakɛ 'ya va ka mɛ ŋkwa nyi mbe Zhɛrəzalɛm: vale tahe yandeke nda ghə hɛ, tseŋwə yaviɗi te hwə va hɛ, berete yamtsehe nda hɛ ke ka mefətekwə. Ma tsagha, wəndə shɛ kafɛa yitea mene wəsə kwa ndiremi we. Yipə yipə newe hɛ 'ya le ka Sodome ba'a kala ka Gomore ka Zhɛrəzalɛm.»

Zhɛrɛmi 4:18

Yɛ dzeghwa ta ŋa le wəshi nyi mene na ka ndave ŋa ndiremi nya: kaganda nza ŋkɛ 'yaghwake, mɛa wənə ndəkwə ŋa ŋkɛ.»

Zhɛrɛmi 5:25

Yɛ jaɗafa ta ŋayɛ ka bezemte və pɛtɛ, yɛ beze ghena ta ŋayɛ ka fɛake wəshi ganjia shɛhɛ.

Zhɛrɛmi 6:19

Mbeli nyi te hɛɗi lema pɛtɛ, fate mə: 'Ya katekele ndiremi kase kadzete mbeli nyi kazhɛme ta wəshi nyi ndiremi ndiremia nci. Kese hɛ kave mehele te yɛ ghena ta ɗa we, tereke hɛ betakɛ wəshi nyi tekave nda 'ya ke hɛ.

Yɛ Ŋgaɗe ghə 5:16

Nahe derə meghe kefelaŋe sawa mbe ghəa n'yɛ. Wa nya ndiremi te ghen'yɛ va nya menete jaɗafa ghen'yɛ gɛ!

Ɛzɛkiyɛl 16:46

Yɛ Samari nya laka bela kwa gwela ta ŋa le meleme nyi dzeyi yite ya kawəzha ta meyɛ ŋa nya wəba. Ma wəzha ta meyɛ ŋa nya ɓɛhwɛ, nya laka bela kwa zeme ta ŋa ne, gheŋkɛ yɛ Sodome le meleme nyi dzeyi yite.

Palepa ta Ozɛ 7:1

Ma te və nya ɗe 'ya kambe Israyɛl ne, kancɛ geva fete ta Ɛfrayim ba'a beze ghena ta Samari. Kaganda ne, mbəɗəkwə yamene hɛ, kantsa ghɛ ka ghərəa kɛfi kaberete, kafə wəshi ka mefətekwə dzeyi kwa yɛ hweŋkwa.

Amos 6:1

Ndiremi ya te gheyɛ nyi gwezlayɛ mbe Siyon ba'a gheyɛ nyi kwelɛŋe pelɛ ghweme ta Samari! Gheyɛ ya kahwelefe ganyɛ nya tezhɛre geva ka Israyɛl kase shɛ, ke mbeli sha geze.

Amos 7:9

Kateza sebe 'ya te yɛ kələŋəa hwelefe ta Izak, kateŋzla ŋkwa Israyɛl nyi keveyi geva tekeleke 'ya, kateha nda mpa 'ya ke hwelefe ta Zhɛrobowam.»

Amos 8:14

Katezeme fela kweci mbeli le shala ta ka Samari. Ma ke hɛ sha tegeze: ‹Le shala ta ŋa, Dan!›, keɗema ‹Le hweŋkwa nya keveyi geva tekeleke kadzembe Bɛrshɛba!› Pɛtɛ tebete hɛ te hɛɗi kashɛma sate te ŋkwa.»

Mishɛ 1:13

Ma gheyɛ mbeli nyi mbe Lakish ne, hwepe mə yɛ gədəwə yitea wəmata. Nahe yɛ ketekeve fama ghena ta ka Israyɛl, nahe ka Zhɛrəzalɛm ketekeve jaɗafa ta ŋayɛ perə.