Mishɛ 1:4 - Ghena ta Shala

⁴ Kadedase yɛ ghweme mbe hwə seɗa ta ŋkɛ, kanɛnɛa ŋkwa nyi kwelɛ yɛ zlərə kala ɗəkə va ghwə, kala yɛmə nya kehwɛ dzawa vare wəmbə.

Mishɛ 1:4 Iomraidhean Croise

Cimə 46:6

Shala ya mbe melemea shɛ, kateŋzla nde we. Kiɗima ta ŋkwa ne, kakemane ŋkɛ Shala.

Cimə 68:2

Ma kasate Shala te ŋkwa, kataze ka jaga ta ŋkɛ kwetɛ kwetɛŋe, kahwɛnji ka ghema ta ŋkɛ mbe kema ta ŋkɛ.

Cimə 97:5

Kaslɛwa yɛ ghweme kala ɗəkə kwa kema ta Mahwətə, kwa kema ta Shala nya te ghəa hɛɗi lema.

Amos 9:5

Ma kedapate dzeve Shala Mahwətə nde berete te hɛɗi ne, kagaŋkəɗə ŋkɛ ba'a kanehwene mbeli nyi te pɛtɛ. Katewepe geva ŋkɛ pɛtɛ kala hələ, zhɛne ne, katesawa ŋkɛ kala hələa Ɛzhipte.

Nahəwm 1:5

Kagaŋkəɗə yɛ ghweme kwa kema ta ŋkɛ, kadase yɛ wəmbə. Kagaŋkəɗə hɛɗi kwa kema ta ŋkɛ, hɛɗi lema ba'a pɛtɛa wəshi nyi te.

Habakək 3:10

Ma vəa ŋkwa nya nakɛ ŋa yɛ ghweme ne, kabare bare hɛ va ghazlənə, kame va nyi jama jama te hɛɗi, kagaka ndərə nya wəba ba'a kagaŋkeɓe ŋkɛ pa pelɛ ghweme.

Habakək 3:6

Ma vəa ŋkwa nya ghereŋe ŋkɛ ne, kagaŋkəɗə hɛɗi. Ma vəa ŋkwa nya newe hwelefefi ŋkɛ ne, kabare bare hɛ. Kaŋzleŋzla ghweme nyi heca, kadedase geva wəmbə nyi vəashi, ghenci nyi kese kahweŋkwa ta ŋkɛ vəashi.

Zakari 14:4

Ma te vecia shɛ ne, kateslete ŋkɛ pelɛ ghweme ta yɛ bekele nya terasle yitea Zhɛrəzalɛm, laka ŋkwa kesame ta veci yitea meleme. Kateperawe ghweme ta bekele bake mbe ba'a katemene geva zlərə nya wəba se laka ŋkwa kesame ta veci hwa'a laka ŋkwa kepəkwə ta ŋkɛ. Katedzeme kwete bela ta ghweme laka bela kwa gwela ba'a katedzawa kwete dzawa laka bela kwa zeme.

Ghena Kelɛŋə 20:11

Kwa sebe ta ŋkɛ, pa 'ya nakɛ pasla nya wəba nya tɛawetɛa ba'a wəndə mentishɛ pelɛ. Pa yɛ hɛɗi le ghweme hwɛnji kwa kema ta ŋkɛ, kezhɛne mbeli kanakɛ hɛ we.

Ka Meha ghwə 5:4

Mahwətə, ma kwa slə te hɛɗia ka Ɛdom, ma kwa sawa na pelɛ ghweme ta Sɛyir na hɛɗi kegaŋkəɗə kwele kwele, pa ləmbə shekeke yɛməa ŋkɛ, va kwele kwele nde me sawa pelɛ ghweme,