Mishɛ 1:2 - Ghena ta Shala

² Fa mə, gheyɛ mbeli pɛtɛ. Ntsehwele mə, gha hɛɗi le wəshi nyi te gha. Shala Mahwətə katesla ghena te gheyɛ sawa pelɛ ŋkwa nya keveyi nda geva tekeleke.

Mishɛ 1:2 Iomraidhean Croise

1 Ka Meghea Kɛfi 22:28

Ma ke Mishɛ shɛ: «Ma kezhɛreke geva na le kwelɛŋe kaganda ne, kese Mahwətə kageze ghena laka 'ya tsagha we.»

2 Wəshi nyi Mene Ka Meghe 18:27

Ma ke Mishɛ zhɛnete nda: «Ma kesheke ŋa na kwelɛŋe ne, kegezete ghena Mahwətə le mɛa ɗa tsagha we.»

Cimə 11:4

Mbe ghɛa ŋkɛ nya keveyi geva tekeleke Mahwətə. Pelɛ ghweme pasla ta Mahwətə. Kanewe mbeli nyi te hɛɗi ŋkɛ sawa pelɛagha, kamare nza ta nci ŋkɛ megela.

Cimə 24:1

Ciməa David. Ŋa Mahwətə hɛɗi ba'a wəshi nyi te, hɛɗi lema ba'a mbeli nyi te.

Cimə 28:2

Təhwə təhwə, fate səkwə ta ɗa vəa ŋkwa nya tsa ŋa lewela 'ya, vəa ŋkwa nya kafe dzeve 'ya laka ŋkwa nya keveyi geva tekeleke tsape mbe ghɛa ŋa.

Cimə 50:1

Ciməa Asaf. Nahe Shala Mahwətə nde berete kegezete ghena. Nahe ŋkɛ kehekake pɛtɛa mbeli nyi te hɛɗi, se te ŋkwa nya same veci pa te nya pəkwə ŋkɛ.

Cimə 50:12

Ma kezhɛte ɗa ma ne, kategeze ŋa 'ya we, kwa nza ŋkɛ ne, ŋa ɗa hɛɗi lema ba'a wəshi nyi te.

Cimə 50:7

Hwelefe ta ɗa, fa, 'ya kategeze ŋa ghena. Israyɛl, 'ya kategeze ghena te gha. 'Ya ya kaShala nya kaShala ta ŋa.

Yɛ Ghena Ŋela 8:4

«Gheyɛ mbeli yaheka 'ya, ke gheyɛ pɛtɛ geze ŋayɛ ghena 'ya.

Ɛzayi 1:2

Ghweme, fate! Hɛɗi, ghwene sleme! Ma ke Mahwətə gezete ghena: «Nahe 'ya kedəkwəte ŋwale kezha nza hɛ kambelia jama, ama nahe hɛ kefatema ɗa ghena.

Ɛzayi 18:3

Ma gheyɛ pɛtɛa mbeli nyi te hɛɗi lema, gheyɛ mbeli nyi te hɛɗi ne, newe mə ŋkwa, vəa ŋkwa nya temɓe geva drape hwa ghweme, ghwene mə sleme, vəa ŋkwa nya tevɛ geva tereme.

Ɛzayi 50:7

Ama nahe Shala Mahwətə kekemanakɛ ɗa, vatse ɗema yɛ ŋele kese katsewe te 'ya, vatse ntsəte geva ghəa ɗa ntɛaŋe ntɛaŋe kala pelɛ, nahe 'ya keɗepete kateɗema hawe kazhɛ ɗa.

Zhɛrɛmi 22:29

Hɛɗia ɗa, hɛɗia ɗa, fate ghena ta Mahwətə.

Zhɛrɛmi 29:23

Mene wəsə hawe hwa ka Israyɛl fete ta nci, vale tahe yamene hɛ le mia ka ghedəkwəa nci. Nahe hɛ keslate tseŋwə te sləa ɗa, ndagwara keɗema 'ya kendeke nda hweŋkwa ke hɛ. Nahe 'ya keɗepe ghena shɛ pɛtɛ, 'ya nde negha fete te hɛ.» Nya ya kaghena nya gezete Mahwətə.

Zhɛrɛmi 42:5

Ma ke hɛ zhɛnete nda ke Zhɛrɛmi: «Kazeme ghen'yɛ kafela kamene wəsə nya gezete Shala Mahwətə ta ŋa kaŋa n'yɛ tserame. Nza Shala kande negha fete nya kaganda ba'a nya tiɗiɗi yitea fela ta n'yɛ!

Zhɛrɛmi 6:19

Mbeli nyi te hɛɗi lema pɛtɛ, fate mə: 'Ya katekele ndiremi kase kadzete mbeli nyi kazhɛme ta wəshi nyi ndiremi ndiremia nci. Kese hɛ kave mehele te yɛ ghena ta ɗa we, tereke hɛ betakɛ wəshi nyi tekave nda 'ya ke hɛ.

Zhonas 2:7

Hwa'a kwa yitea seɗa ta ghweme se 'ya, na ghɛa mbelia kwahɛɗi keŋzlete degha ta ŋkɛ yitea 'ya kaghala ghala. Ama gha Mahwətə, Shala ta ɗa, nahe na kekelakame ɗa le mpi same kwa ki.

Zhonas 2:8

Kwa ɗe mpia ɗa kaza, nahe 'ya kezəzəte ŋa Mahwətə. Nahe səkwə ta ɗa kentsehe sha gha, pa pelɛ ghɛa ŋa nya wɛŋe.

Habakək 2:20

Ama nahe Mahwətə kenza mbe ghɛa ŋkɛ nya keveyi geva tekeleke. Nza hɛɗi lema tikə tikə kwa kema ta ŋkɛ!»

Malashi 2:14

Ama ka'yɛwe yɛ va wa va wa zhɛnema ŋkɛ kaɗe hɛ. Yawa, va nya meɗeyi yɛ kwa kema ta Mahwətə kezha nza le male mempɛhweta ta ŋayɛ. Nahe nde kese kamale ta ŋayɛ, nahe yɛ kejikəte geva le malea shɛ, ama pa yɛ pamte ŋkɛ.

Malashi 3:5

Kaganda ne, ma ke Mahwətə nde berete gezete: «Katese 'ya kadzehwa gheyɛ kezha meha ghwə te gheyɛ. Kateve nda fete 'ya kahe kahe ke ka mene ghwɛ, ke ka vale tahe, ke ka zeme fela tseŋwə, ke ka ŋki nda ma wəsə tiɗiɗi ke ka mene slene, ke ka sa nda yaka ke ka wedidi ba'a ka mezhɛtiti keɗema ka beze nda ghena ke ka se se, pɛtɛa ka hawema va 'ya.

Zhɛne Ghwelə yitea Wəshi Mahalegə 32:1

Ghweme, ve sleme yitea ghena nyi tegeze 'ya, hɛɗi, fa ghena nyi ketesame kwa mɛa ɗa.

Ghena Kelɛŋə 2:11

Ma wəndə nya nza sleme ve ne, fa ghena nya geze nda Sefəa Shala ke yɛ Jikə ta ka Kriste ŋkɛ. Ma wəndə nya kehərəte mpa ne, katezhɛne ŋkɛ kaghazlənə va mte kwa bake we.

Ghena Kelɛŋə 2:17

Ma wəndə nya nza sleme ve ne, fa ghena nya geze nda Sefəa Shala ke Jikə ta ka Kriste ŋkɛ. Ke wəndə nya kehərəte mpa shɛ ne, kateve nda mane nya tewəfərə 'ya. Kateve nda pelɛ nya tɛawetɛa nya rafete geva slə mɛnɛfɛ te 'ya. Wəndə shɛ keɗema sləa shɛ, keɗema wəndə nya kekemave we.

Ghena Kelɛŋə 2:29

Ma wəndə nya nza sleme ve ne, fa ghena nya geze nda Sefəa Shala ke yɛ Jikə ta ka Kriste ŋkɛ.

Ghena Kelɛŋə 2:7

Ma wəndə nya nza sleme ve ne, fa ghena nya geze nda Sefəa Shala ke yɛ Jikə ta ka Kriste ŋkɛ. Ke yayata wəndə nya kehərəte mpa shɛ ne, kateve nda zeme ya ta wəfe ta mpi nya kwa ntsa ta Shala 'ya.

Ghena Kelɛŋə 3:13

Ma wəndə nya nza sleme ve ne, fa ghena nya geze nda Sefəa Shala ke yɛ Jikə ta ka Kriste ŋkɛ.

Ghena Kelɛŋə 3:22

Ma wəndə nya nza sleme ve ne, fa ghena nya geze nda Sefəa Shala ke yɛ Jikə ta ka Kriste ŋkɛ.»

Ghena Kelɛŋə 3:6

Ma wəndə nya nza sleme ve ne, fa ghena nya geze nda Sefəa Shala ke yɛ Jikə ta ka Kriste ŋkɛ.

Ka Meha ghwə 11:10

Ma ke mbelia jama nyi mbe Gala'ad sha Zhɛftɛ: «Mahwətə nde negha fete ta n'yɛ: ghen'yɛ kameɗe ŋa kamene ŋa wəsə nya gezete na.»