Mishɛ 1:16 - Ghena ta Shala

¹⁶ Ŋkwətsə mə shintia ghəa ŋayɛ, ŋsə mə ghə dɛrɛŋe rɛŋe kala ghəa zleŋa yitea ŋwale nyi ɗehwe yɛ. Kwa nza ŋkɛ ne, katefəmte geva hɛ cakeɗake le gheyɛ.

Mishɛ 1:16 Iomraidhean Croise

2 Ka Meghea Kɛfi 17:6

geze ta ŋkɛ, te kwa mesli ta va ta Ozɛ mbe meghe nda se meghea ka Asiri kakele Samari. Pa ŋkɛ fəghe ka Israyɛl kadzembe Asiri ba'a beteyi hɛ te hɛɗia Hala, te ŋa Gozan nya hwɛ hələa Habor laka ba'a dzeyi mbe yɛ meleme ta Mɛdi.

Palepa ta JOB 1:20

Pelɛhetɛme Job sate te ŋkwa. Pa ŋkɛ ŋkwahemte lekwesa ta ŋkɛ ba'a ŋsəmte ghəa ŋkɛ. Kwa sebe ta ŋkɛ, gwəɗəŋə ŋkɛ ntiŋə ghə mbe hɛɗi.

Ɛzayi 15:2

Nahe ka Dibon kedzeme ŋkwa nya keveyi geva tekeleke kezha nehwene pelɛ. Ghə yaŋgaɗe ka Mowab pelɛ Nɛbo ba'a pelɛ Mɛdeba. Pɛtɛ yɛ ghə keŋsə ŋsə, pɛtɛ yɛ ghwɛmɛ keŋsə ŋsə.

Ɛzayi 22:12

Ma te vecia shɛ ne, nahe Shala Mahwətə nde berete kese kageze ŋayɛ kanehwene ba'a kaŋgaɗe ghə, kaŋsə ghə ba'a kahwepe zewe hwa hwə.

Zhɛrɛmi 16:6

Te hɛɗi nya ne, selekə lekə tempə ka mcɛləa kɛfi le ka titikwəa kɛfi kateɗema wəndə shɛ kala hɛ, kanehwene yitea hɛ keɗema kaperawe geva ba'a kaŋsə ghə kwele we.

Zhɛrɛmi 4:8

Vatse gɛ, hwepahwe mə wəsə hwa hwə, nehwene mə ba'a ŋələvə mə, kwa nza ŋkɛ kezhɛremte ghwə ta hwepe wənəa ŋkɛ Mahwətə te gheɓəmə we.

Zhɛrɛmi 47:5

Keŋsə ŋsə ghə te mbeli nyi mbe Gaza. Tikə tikə mbeli nyi mbe Askalon. Gheyɛ mbeli nyi bebiya bebiya nyi mba te ghweme, pa te nyama və tefɛa yɛ yitea perawe geva wa?

Zhɛrɛmi 6:26

«Gheyɛ hwelefe ta ɗa, hwepahwe mə wəsə hwa hwə, devələ mə geva hwa keləwə, nehwene mə kala wəsə nya mene mbeli yitea wəzege kwetɛ, nehwene mə nehwene kwa pesle ghə, kwa nza ŋkɛ vəkə tedzeghəa gha nde mpə ŋkwa.»

Zhɛrɛmi 7:29

Ma ke Mahwətə: «Ka Zhəwda, ŋsəmte mə wəvea nyi keveyi ŋayɛ tekeleke shɛ yɛ betakɛ. Ŋgaɗe mə ghə pelɛ ghəa wəmbə nyi dɛrɛŋe rɛŋe. Hwelefe nya kehwepete ɗa wənəa ɗa yɛ, Kazhɛne 'ya kaɗe ŋayɛ we, 'ya kanegha ŋayɛ.»

Yɛ Ŋgaɗe ghə 2:19

Sate meslete, tsa lewela kevə kevə heviɗi. Vənəhwəyi ghena nyi kwa wənəa ŋa kala yɛmə kwa kema ta Shala. Kafe dzeve ta ŋa dzeme laka gheŋkɛ kezha mbele ŋwalea fəshia ŋa nyi kempə va ma dzeyi kwa yɛ baŋwa ta hweŋkwa ŋkɛ.

Amos 7:11

Kwa nza ŋkɛ ne, wa nya ghena nya geze Amos nya: ‹Va kafayɛ temte Zhɛrobowam ba'a katefəmte geva ka Israyɛl cakeɗake le hɛɗia nci.›»

Amos 7:17

Yawa, wa nya ghena nya geze Mahwətə nya gɛ: ‹Katemene mefətekwə male ta ŋa dzeyi mbe meleme. Kateza sebe kafayɛ te ŋwale tezhili le ŋwalea kwɛa ŋa. Katenehe nda wəvea ŋa mbeli ke kweci mbeli le zewe. Ma gha le ghəa ŋa ne, te hɛɗi nya wale wale temte na ba'a katefə geva pɛtɛa ka Israyɛl cakeɗake le hɛɗia nci.›»

Amos 8:10

'Ya katezhɛre yɛ gəsəkəa ŋayɛ kanehwene ba'a pɛtɛ ciməa ŋayɛ kaŋgaɗe ghə. Pɛtɛa mbeli katehwepe wəsə hwa hwə. Pɛtɛ tenza ghə keŋsə ŋsə kala wəsə nya mte wəzege kwetɛ. Kala veci nya 'yaghwa tekiɗi ŋkɛ.»

Zhɛne Ghwelə yitea Wəshi Mahalegə 28:41

Kateya ŋwale tezhili ba'a ŋwalea kwɛ yɛ, ama katenza hɛ va gheyɛ we, kwa nza ŋkɛ, katefəghe geva hɛ kadzete kwete hɛɗi.