Mishɛ 1:1 - Ghena ta Shala

¹ Ghena nya gezete nda Mahwətə ke Mishɛ nya kande Morɛshɛt, te vəa Yotam, Ahaz ba'a Ɛzɛkiyas, ka meghea kɛfia ka Zhəwda. Wa nyi wəshi nyi ncɛte nda ŋkɛ te ghəa yɛ Samari le Zhɛrəzalɛm nyi.

Mishɛ 1:1 Iomraidhean Croise

2 Ka Meghea Kɛfi 15:32

Ma mbe kwa bake ta va ta Pɛka wəzege ta Remaliya te meghea ka Israyɛl ne, Yotam wəzege ta Azariya, nde kelete meghea ka Zhəwda.

2 Ka Meghea Kɛfi 15:5

Pa Mahwətə vate zereghwe ta derena kwele kwele te meghe Azariya: mba derena shɛ te pa te mte ta ŋkɛ. Pa kanza le ŋa ŋkɛ ghɛ cakeɗa cakeɗa le mbeli. Wəzege ta ŋkɛ Yotam, wəndə kwele nya te ghəa ghɛa meghe, pa kasleke mbeli nyi te hɛɗia shɛ.

2 Ka Meghea Kɛfi 16:1

Ma mbe kwa meŋe mberefaŋeghəmbe ta va ta Pɛka wəzege ta Remaliya, kameghea ka Israyɛl, Ahaz wəzege ta Yotam, ya kameghea ka Zhəwda.

2 Ka Meghea Kɛfi 18:1

Ma mbe kwa mahekene ta va ta Ozɛ wəzege ta Ɛla kameghea ka Israyɛl ne, pa Ɛzɛkiyas wəzege ta Ahaz kelete meghea ka Zhəwda.

2 Wəshi nyi Mene Ka Meghe 28:1

Ma nda kelete meghe Ahaz ne, bakemsə va ta ŋkɛ, pa ŋkɛ menete va meŋe kwetɛŋeghəmbe te meghe mbe Zhɛrəzalɛm. Kemenete wəsə nya tiɗiɗi ŋkɛ kwa kema ta Mahwətə kala shinyɛ David we.

2 Wəshi nyi Mene Ka Meghe 29:1

Ma nda dzembe meghe Ɛzɛkiyas ne, bakemsə mcɛfeghəmbe va ta ŋkɛ, pa ŋkɛ menete va te meghe bakemsə meslighəmbe mbe Zhɛrəzalɛm. Abi, wəzha ta Zakari sləa meghekɛ.

Ɛzayi 1:1

Wa nyi wəshi nyi nakɛ Ɛzayi, wəzege ta Amots, te ghəa yɛ hɛɗia Zhəwda le meleme Zhɛrəzalɛm laka kelɛŋə nyi. Vəa ŋkwa nya se Oziyas, Yotam, Ahaz ba'a Ɛzɛkiyas kaka meghea kɛfi mbe Zhəwda nakɛ wəshia shɛhɛ ŋkɛ.

Ɛzayi 1:2

Ghweme, fate! Hɛɗi, ghwene sleme! Ma ke Mahwətə gezete ghena: «Nahe 'ya kedəkwəte ŋwale kezha nza hɛ kambelia jama, ama nahe hɛ kefatema ɗa ghena.

Ɛzayi 7:1

Te və nya se Ahaz, wəzege ta Yotam, shia Oziyas, te meghe mbe Zhəwda se Rɛsin, meghea ka Siri, Pɛka, wəzege ta Remaliya ba'a meghe nya mbe Israyɛl kezha ha nda mpa ke Zhɛrəzalɛm. Ama shaŋe hɛ kahərə ŋkɛ.

Ɛzayi 7:9

Samari ya kawədəa Ɛfrayim, wəzege ta Remaliya ya kameghea ka Samari. Ma keɗema yɛ kave nda ghə ke Shala ne, katenzate nza yɛ we.»

Zhɛrɛmi 26:18

«Te vəa Ɛzɛkiyas, meghea ka Zhəwda ne, kwete nde mɛ ŋkwa nya nza sləa Mishɛ, kande Morɛshɛt ya shɛ. Ma ke sha ka Zhəwda pɛtɛ: Wa nya ghena nya geze Mahwətə nde berete nya: ‹Kawəve kwa wəza wəza tenza Siyon, kakwəfi tenza Zhɛrəzalɛm ba'a kagamba tenza ghweme ta ghɛa Mahwətə.›

Palepa ta Ozɛ 1:1

Ghena nya gezete nda Mahwətə ke Ozɛ, wəzege ta Bɛri, vəa ŋkwa nya nza Zhɛrobowam, wəzege ta Zhowas, kameghe mbe Israyɛl ba'a vəa ŋkwa nya se Oziyas, Yotam, Ahaz ba'a Ɛzɛkiyas mbe meghe kwa Zhəwda.

Palepa ta Ozɛ 4:15

Ya gha Israyɛl nza kamene mefətekwə ne, yakɛ ghəa ŋkɛ Zhəwda va mene fete tsagha gi! Dzawama Gilgal yɛ ma, dzemema Bɛt-Avɛn yɛ ma, zemema fela yɛ: Le Mahwətə nya teghweme, pe yɛ ma.

Palepa ta Ozɛ 8:14

Nahe Israyɛl kezaghəyite nde pate ŋkɛ, nahe ŋkɛ keŋate yɛ ghɛ meghe. Ma Zhəwda le ŋa ŋkɛ ne, kwele kwele ŋate meleme nyi berete berete ŋkɛ. Ama katendə ghwə 'ya yitea yɛ meleme ta ŋkɛ, katetere ghɛ ganjia nci ghwə.»

Amos 1:1

Ghena ta Amos, kwete wəndə hwa ka ya wəshi nyi mbe meleme ta Tɛkowa yageze palepa nya. Wəshi nyi nakɛ ŋkɛ te ghəa ka Israyɛl te vəa yɛ Oziyas, meghea ka Zhəwda le Zhɛrobowam, wəzege ta Zhowas nya kameghea ka Israyɛl, va bake nda tegaŋkəɗə hɛɗi.

Amos 6:1

Ndiremi ya te gheyɛ nyi gwezlayɛ mbe Siyon ba'a gheyɛ nyi kwelɛŋe pelɛ ghweme ta Samari! Gheyɛ ya kahwelefe ganyɛ nya tezhɛre geva ka Israyɛl kase shɛ, ke mbeli sha geze.

Mishɛ 1:5

Ma nda mene geva wəshi nyi pɛtɛ ne, va fama ghena ta hwelefe ta Zhakob, va jaɗafa ta ka Israyɛl. Wa nde tsəkwə Zhakob yitea fama ghena wa? Ashɛ Samari wəka? Wa nde tsəkwə Zhəwda kahawe va kweci shala wa? Ashɛ Zhɛrəzalɛm wəka?

Mishɛ 3:9

Fa mə ghena nya, gheyɛ mbeli nyi te ghəa ghɛa Zhakob, gheyɛ ka meha ghwə nyi te ghə ka Israyɛl. Nahe yɛ keɗema kaganda ba'a ketələmte wəsə nya tiɗiɗi.

Habakək 1:1

Ghena nya ncɛte nda Shala ke nde mɛ ŋkwa Habakək laka kelɛŋə.

2 Piyɛre 1:21

Kwa nza ŋkɛ ghena kelɛŋə shɛ kegha kagezete geva laka ɗe ta wəndə ŋelɛ we, ama laka kemane ta Sefəa Shala gezete ghena nyi kese va Shala mbeli.