Mark 3:2 - Ghena ta Shala

² Ma mbeli nyi tagha ne, ntake hɛ kanewe Yɛsə le ntsehwele nda kwete kambele wəndəa shɛ ŋkɛ te veci kezhɛne mpi, nda ɗepe ve nda fete hɛ.

Mark 3:2 Iomraidhean Croise

Cimə 37:32

Kawəmbɛne wəndə nya tiɗiɗi nde 'yaghwa mehele, kasepa ŋkɛ kapesle ŋkɛ.

Zhɛrɛmi 20:10

Kwele kwele mbeli nyi fa 'ya kageze ghena kwa ndiremi te 'ya. “Ghazlənə ya te yayata ŋkwa”, ke hɛ sha heka ɗa. «Ncɛte mə ghena ta ŋkɛ», ke kweci sha geze. «Kaganda, ncɛte ɓəmə», ke kweci zhɛnete. Pa le ka mcɛhɛ ɗa kaneghe teɗe ta ɗa, ma ke hɛ: «Ya kwete kateteɗe ŋkɛ mbe dewə zəzə ta ŋkɛ, ma tsagha, berete ma tenza mə ke gheŋkɛ, wərə mə kawate dewa ta ɓə te.»

Daniyɛl 6:4

Nahe Daniyɛl kenza za ma ke kweci mbeli nyi te ghə ba'a mbelia jama, kwa nza ŋkɛ zəzə nya zlahe ya mbe. Pa meghe zəzəte kave ŋkɛ kawəndə nya te ghəa pɛtɛa hɛɗia ŋkɛ.

Matiye 12:10

Tagha ne, kwete wəndə nya kemte mtea dzeve ya shɛ. Kaɗe mbeli nyi te ŋkwa shɛ kave nda fete ke Yɛsə, ma ke hɛ 'yɛwete ve: «Nahe wəsə mahalegəa Shala kepelakɛ ɓəmə kambele ŋkwa te veci kezhɛne mpi na?

Mark 3:3

Ma ke Yɛsə sha wəndə nya kemte mtea dzevea shɛ: «Sate ŋa, slete kwa kema ta mbeli pɛtɛ.»

Ləwke 14:1

Ma te kwete veci kezhɛne mpi ne, cape Yɛsə kalə sha kwete wəndəa mbeli nyi te ghəa ka Fariziyɛn kezha zeme wəsə kezeme. Kavereghe Yɛsə mbeli nyi tagha.

Ləwke 20:20

Pa hɛ hendemte geva cakeɗake ɓɛhwɛ, mba hɛ kaya Yɛsə. Pa hɛ ghweneghe nda mbeli kezha fa ntsehwelea ŋkɛ, nyi kezhɛrete ghəa nci kala mbeli nyi kehawe ve. Kaɗe hɛ kaŋa nda keleŋa ke Yɛsə laka 'yɛwe ghena. Tsagha ne, katekese nda hɛ ke ŋgwamna nya nza berete ve yitea meha ghwə te.

Ləwke 6:7

Kavereghe Yɛsə ka rafe wəsə mahalegə ba'a ka Fariziyɛn kezha newe kenza ŋkɛ katembe ŋkwa ŋkɛ te veci kezhɛne mpi, kwa nza ŋkɛ kaɗe hɛ kave nda fete.

Zhaŋe 8:6

Yitea ŋa nda keleŋa ke Yɛsə ba'a yitea zele hweŋkwa kekese gezete hɛ tsagha. Vəkwə Yɛsə karafe wəshi te hɛɗi le dzeve.

Zhaŋe 9:16

Ma ke kweci ka Fariziyɛn: «Ma wəndə nya ne, wəndəa Shala ŋkɛ we. Kwa nza ŋkɛ ne, kahawe ŋkɛ va veci kezhɛne mpi we.» Ma ke kweci kwa ŋa nci: «Tsema nza nde jaɗafa kamenete wəsə meŋele kala nya wa?» Pa hɛ neheve geva mbe.