Filɛmon 1:9 - Ghena ta Shala

⁹ megela ma səkwə ŋa 'ya laka ɗe. Kala nya nza nya 'ya Pol nya kameha za, kwa dəŋwə tewəmbəreke Yɛsə Kriste ne,

Filɛmon 1:9 Iomraidhean Croise

Cimə 71:18

Ya 'ya nza kehale hale ba'a təwə təwə ghə ne, wəfəyite ɗa ma na ma Shala yawe ma. Ma tsagha gɛ, katezlape nda wəshi nyi menete dzeve ta ŋa 'ya ke ŋwale nyi tsetse ŋkwa ba'a ke nyi keteya.

Cimə 71:9

Neghamte ɗa ma na mbe və nya nza 'ya kehale hale ma. Wəfəyite ɗa ma na vəa ŋkwa nya kiɗinyɛ berete ta ɗa ma.

Yɛ Ghena Ŋela 16:31

Ma shinti meha ne, derə meghe nya ganyɛ ŋkɛ. Kwa hweŋkwa ta kaganda nza mbeli kasləyi ŋkɛ.

Ɛzayi 46:4

Hwa'a mbe meha ta ŋayɛ ne, tsetse tenza 'ya. Hwa'a mbe və nya tenza ghəa ŋayɛ təwə təwə ne, katetawe ŋayɛ 'ya. 'Ya nde menete ŋayɛ, 'ya nde tefə ŋayɛ. Kaganda ne, katenewe ghweme 'ya te gheyɛ, katembele ŋayɛ 'ya.

Ka Rome 12:1

Ka kesaka ma, va nya ncɛte ɓəmə ganyɛa ŋkɛ Shala ne, kantsə ŋayɛ berete 'ya kezha ve nda geva ba'a mpia ŋayɛ yɛ ke Shala, gheŋkɛ ya kamelɛ nya dzeghe nda yɛ ba'a nya zeɗehwe nda. Nya ya kasəkwə ghə ganyɛ nya hi yɛ kave nda.

2 Ka Korɛnte 5:20

Kriste nde ghwenakɛ n'yɛ kala ka wəze makwa ta ŋkɛ, laka ghen'yɛ ne, Shala le ghəa ŋkɛ nde heka ŋayɛ. Le sləa Kriste mpi ŋayɛ dzeve ghen'yɛ kezha tseɓa ghə yɛ le Shala.

2 Ka Korɛnte 6:1

Ma ghen'yɛ nyi kemene slene le Shala ne, kasəkwə ŋayɛ n'yɛ kezha ɗema yɛ kapele se yitea zlaɓa nya ndeke ŋayɛ Shala.

Ka Galate 3:26

Kwa nza ŋkɛ ma gheyɛ nyi keyɛte Yɛsə ne, ŋwalea Shala yɛ pɛtɛ laka nza ta ŋayɛ jikə le Yɛsə Kriste.

Ka Ɛfɛze 3:1

'Ya Pol nya kwa daŋgayɛ te ghena ta Yɛsə Kriste kezha gheyɛ kweci hwelefefi ne, kezha gheyɛ səkwə Shala 'ya.

Ka Ɛfɛze 4:1

Kasəkwə ŋayɛ 'ya, 'ya nya kwa dəŋwə va slene ta Nde sleke ŋkwa: dzeghwa mə tiɗiɗi kala nya ɗe Shala nya kehekakɛ ŋayɛ.

Ka Ɛfɛze 6:20

Nahe 'ya kenza kawəze makwa yitea ghena shɛ, ya kwela nza 'ya kwa daŋgayɛ tsetsenya kezha gheŋkɛ. Səkwə mə ghə kezha geze ghena 'ya le hwepe ghə, kala nya hi 'ya kamene.

1 Timotɛ 1:12

Ŋ'wese 'ya sha Yɛsə Kriste Nde sleke ɓəmə, nya kendeke ɗa berete yitea slene ta ŋkɛ. Ŋ'wese 'ya shɛ, va nya veyi ɗa ŋkɛ kawəndə nya dɛŋe dɛŋe te slene ta ŋkɛ,

Tite 2:2

Geze nda ke meha zhili kezha nza hɛ kambeli keɗema kaghwəyi, kambeli nyi hawe mbeli va hɛ, kambeli nyi kenza bereteke mbe yɛ, ɗe ba'a zereghe ghena.

Ka Ɛbrə 13:19

Ka'yɛwe 'ya va gheyɛ fate fate kezha səkwə Shala yɛ kezha zhɛne geva 'ya kalə kahe kahe sha gheyɛ.

1 Piyɛre 2:11

Ka mcɛhɛ ɗa ganji, kantsə ŋayɛ berete 'ya, gheyɛ nyi kaka mentiɓə ba'a kaka dzeghwa kwake te hɛɗi nya: ya mə ghəa ŋayɛ va yɛ ɗe ta geva nyi kempa le nza ta ŋayɛ.

Ka Meha ghwə 21:22

Ma kese yiteyɛa nci keɗema ka kesaka megheyɛa nci kave n'yɛ mpa ne, kageze nda ghen'yɛ ke hɛ: kasəkwə ŋayɛ ghen'yɛ kezha fate nza ta mbelia Bɛnjamɛn yɛ kwa nza ŋkɛ shaŋe ghen'yɛ va mi ke hɛ pɛtɛ vəa ŋkwa mpa nya mbe Yabɛsh. Ma kwa ɗema ŋkɛ, gheyɛ ka ndeke nda ŋwalea ŋayɛ kami ke hɛ we, kashɛ mbeli ve ŋayɛ fete va nya yipətema meɗe mɛa ŋayɛ yɛ we.»