Daniyɛl 9:9 - Ghena ta Shala

⁹ Ama gha Nde sleke ŋkwa Shala ta n'yɛ nya kezhɛ heli ne, kelemte n'yɛ fete ta n'yɛ te wənə, ya ghen'yɛ se kaka fama ŋa ghena.

Daniyɛl 9:9 Iomraidhean Croise

2 Saməyɛl 24:14

Ma ke David sha Gad: «Mbe yaka nya wəba 'ya! Ganyɛ ma teɗe 'ya kadzembe dzeve ta Mahwətə kenya teteɗe 'ya kadzembe dzeve ta mbeli va nya nza ŋkɛ kwele kwele zhɛ helia ŋkɛ.»

1 Ka Meghea Kɛfi 8:30

Fate heka ta ɗa le heka ta mbelia ŋa ka Israyɛl kwa səkwə ŋa n'yɛ teke te ŋkwa nya. Fate n'yɛ te ŋkwa nya nza na pelɛ ghweme Mahwətə, fate n'yɛ shɛ na zhɛakɛ heli yitea ghen'yɛ.

Nɛhɛmi 9:31

Ndagwara mbe ɗe ta ŋa nya keɗema kakiɗi ne, kezamte sebe na te hɛ ba'a kewəfəyite hɛ na we, kwa nza na kaShala nya ganyɛa mehele ba'a nya kezhɛ heli.

Cimə 130:4

Ama gha ne, kakele ghena na te wənə. Vatse hi mbeli kahawe va gha.

Cimə 130:7

Israyɛl, ve ghə te Mahwətə, kwa nza ŋkɛ ganyɛke Mahwətə, kwele kwele ntsehwele kembele ŋa ve.

Cimə 62:12

Nahe Shala kegezete kwete ghena, kwele kwele zhigə fate ghena shɛ 'ya, ma ke: «Va 'ya nza berete.»

Cimə 86:15

Ama gha gɛ Shala yawe, gha ya kaShala nya kezhɛ heli, nya ganyɛa mehele, nya kesəwə ghena, nya keɗe ŋkwa ba'a nya nza kaganda ve.

Cimə 86:5

Ma gha Shala ne, ganyɛke na ba'a kakele ghena na te wənə, wəbake ɗe ta ŋa kaŋa mbeli nyi kesəkwə ŋa.

Ɛzayi 55:7

Sərəakɛ dzeghwa ta ŋkɛ nde 'yaghwa mehele, sərəakɛ zəzə kwa ndiremia ŋkɛ nde ndiremia mehele. Zhɛre geva ŋkɛ kase sha Mahwətə nya ketezhɛ heli yite, sha Shala ta ɓəmə nya kekele ghena kwele kwele seyi te wənə.

Ɛzayi 63:7

'Ya katezəzə wəshi ganjia Mahwətə ba'a tsahe nyi keve zləvə te Mahwətə: pɛtɛa wəshi nyi menete ɓəmə Mahwətə, wəba ta ganyɛa ŋkɛ laka ka Israyɛl, pɛtɛa wəshi nyi menete ŋkɛ laka ɗe ba'a wəshi ganjia ŋkɛ nyi kwele kwele.

Zhɛrɛmi 14:7

Ma ke hɛ: «Kaganda nza jaɗafa ta n'yɛ ɗaŋe ɗaŋe, ama gha gɛ Mahwətə, menete kwete wəsə kazləvəa ŋa! Kwele kwele zhigə pamte ŋa ghen'yɛ, ka mene ŋa fete ghen'yɛ.

Ɛzɛkiyɛl 20:13

Ama kwamte te ɓerama ne, pa ka Israyɛl ɗema ghena ta ɗa. Pa hɛ peleyite se yitea wəshi nyi gezete 'ya ba'a ɗema ɓela wəshi mahalegəa ɗa. Keveci keveci se hɛ kakele zləvə te veci kezhɛne mpi. Zhɛkwa ne, nahe 'ya ketarete kave hwepe wənəa ɗa kənəa hɛ kwamte te ɓerama kezha za sebe te hɛ.

Daniyɛl 9:5

Nahe ghen'yɛ kemenete jaɗafa, nahe ghen'yɛ kemenete fete, nahe ghen'yɛ kese kaka ndiremia mehele ba'a kaka fama ghena, nahe ghen'yɛ kezhɛrave nda wəmbə ke ghena ba'a ke wəshi nyi gezete na.

Daniyɛl 9:6

Kese ghen'yɛ kafa nda ghena ke ka mene slene ta ŋa nyi kaka mɛ ŋkwa nyi kese kageze nda ghena te sləa ŋa ke ka meghea kɛfia n'yɛ, mbeli nyi te ghəa n'yɛ, ka shihɛ n'yɛ ba'a mbeli pɛtɛ we.

Daniyɛl 9:7

Ma gha, gha Mahwətə ne, tiɗiɗi na. Ma ghen'yɛ le ŋa n'yɛ ne, hawe ya te ghen'yɛ tsetsenya, ghen'yɛ ka Zhɛrəzalɛm, ka Zhəwda ba'a pɛtɛa kweci ka Israyɛl nyi dekwede dekwede keɗema nyi cakeɗa cakeɗa, dzeyi te pɛtɛa hɛɗi nyi ŋkeyi hɛ na tewəmbəreke beze ghena nya menete ŋa hɛ.

Daniyɛl 9:8

Mahwətə yawe, hawe ya te ghen'yɛ, ka meghea kɛfia n'yɛ, mbeli nyi te ghəa n'yɛ ba'a ka shihɛ n'yɛ, va nya menete ŋa jaɗafa ghen'yɛ.

Zhonas 4:2

Pa səkwəte ghə sha Mahwətə le geze: «Mahwətə, wəsə nya yase 'ya kaghazlənə ve shɛ 'ya mba mbe meleme ta ɗa, vatse se 'ya kahwɛ kadzawa Tarsis. Nahe 'ya keɗepe Shala nya ganyɛa mehele nya kezhɛ heli na, nya ɗema wənəa ŋkɛ kahwepe kahe kahe, nya nza ɗe kwele kwele ve, nya ɗeke ɗeke kazhɛre geva seyi te ndiremi nyi tarete na.