Daniyɛl 9:8 - Ghena ta Shala

⁸ Mahwətə yawe, hawe ya te ghen'yɛ, ka meghea kɛfia n'yɛ, mbeli nyi te ghəa n'yɛ ba'a ka shihɛ n'yɛ, va nya menete ŋa jaɗafa ghen'yɛ.

Daniyɛl 9:8 Iomraidhean Croise

2 Ka Meghea Kɛfi 21:15

Ma nda mene 'ya kala nya ne, va nya ɗema mbelia ɗa kesərəakɛ mene wəsə kwa ndiremi ba'a hwepe ɗa wənəa ɗa, ghala shave ka shihɛ nci mbe Ɛzhipte pa tsetsenya.›»

2 Wəshi nyi Mene Ka Meghe 6:37

Ma te hɛɗi nya nza hɛ kaka mavashi ne, pa hɛ zəzəve ghena, mpiyi ŋa dzeve ba'a səkwəte ŋa, ma ke hɛ gezete: Nahe ghen'yɛ kebezemte ŋa ghena, jaɗafa yamenete ghen'yɛ, nahe fete kekeseve n'yɛ ke hɛ ne,

Nɛhɛmi 1:6

Zhɛrete kema ta ŋa laka 'ya, fate ndeɗekə, fa səkwə nya səkwə ŋa 'ya tsetsenya, 'ya nya kande mene ŋa slene. Veci le viɗi səkwə ŋa 'ya yitea ghen'yɛ ka Israyɛl, ka mene ŋa slene. Kasəkwə 'ya va gha kezha kelemte fete nyi menete ŋa ghen'yɛ na te wənə. E'e, 'ya le ghəa ɗa le ka shihɛ ɗa, nahe ghen'yɛ kemenete jaɗafa.

Ɛzayi 64:4

Kase na kezha begeme le mbeli nyi kezlama yitea mene wəsə nya kehi, mbeli nyi kezəzə zele hweŋkwa ta ŋa. Nahe na kehwepete wənə va nya nza ghen'yɛ kaka mene fete. Ama kwa hweŋkwa nyi vəashi nza ghen'yɛ kambele.

Zhɛrɛmi 14:20

Mahwətə, nahe ghen'yɛ keɗepete fete ta n'yɛ ba'a yɛ beze ghena ta ka shihɛ n'yɛ, kwa nza ŋkɛ nahe n'yɛ kemenete ŋa jaɗafa.

Zhɛrɛmi 32:32

Nahe wənəa ɗa kebezenyɛ va wəshi nyi ndiremi nyi menete ka Israyɛl le ka Zhəwda, tsagha va ka meghea nci, mbelia nci nyi te ghə, ka dzeghe Shala ta nci, ka mɛ ŋkwa ta nci, ka Zhəwda ba'a va mbeli nyi mbe Zhɛrəzalɛm.

Zhɛrɛmi 7:19

Ma ke Mahwətə: «Ke 'ya menete ɗa fete hɛ na? Ewə, ke ghəa nci, kahawe nya te hɛ ŋkɛ.»

Yɛ Ŋgaɗe ghə 1:18

Nahe Mahwətə kenza tiɗiɗi, va nya fate nda ma ghena 'ya. Gheyɛ mbeli pɛtɛ, fama mə ba'a newema mə yaka nya te 'ya. Ma deghelɛshia ɗa ba'a mempɛhwetɛtia ɗa ne, nahe mbeli kefəhwe hɛ.

Yɛ Ŋgaɗe ghə 3:42

Nahe ghen'yɛ kese kaka mene fete, nahe ghen'yɛ kese kaka fama ghena. Ama gha ne, kekelemte n'yɛ na te wənə we.

Yɛ Ŋgaɗe ghə 5:16

Nahe derə meghe kefelaŋe sawa mbe ghəa n'yɛ. Wa nya ndiremi te ghen'yɛ va nya menete jaɗafa ghen'yɛ gɛ!

Ɛzɛkiyɛl 16:63

Katezəzə wəshi nyi menete na na yitea nza na shewə va hawe ba'a yitea nza mɛa ŋa teŋzle va nya ɗema zləvə te gha. Ama 'ya ne, katekelemte wəshi nyi menete na 'ya te wənə. 'Ya Shala Mahwətə nde gezete.

Ɛzɛkiyɛl 5:6

Nahe mbeli nyi mbe keɗema yɛ fete yitea wəshi nyi gezete 'ya ba'a yitea wəshi mahalegə nyi ndeke nda 'ya ke hɛ. Ma tsagha ne, nahe hɛ kendamte kweci hwelefefi ba'a kweci hɛɗi nyi dzeyi yitea hɛ le 'yaghwa mehele.

Daniyɛl 9:9

Ama gha Nde sleke ŋkwa Shala ta n'yɛ nya kezhɛ heli ne, kelemte n'yɛ fete ta n'yɛ te wənə, ya ghen'yɛ se kaka fama ŋa ghena.