Daniyɛl 9:7 - Ghena ta Shala

⁷ Ma gha, gha Mahwətə ne, tiɗiɗi na. Ma ghen'yɛ le ŋa n'yɛ ne, hawe ya te ghen'yɛ tsetsenya, ghen'yɛ ka Zhɛrəzalɛm, ka Zhəwda ba'a pɛtɛa kweci ka Israyɛl nyi dekwede dekwede keɗema nyi cakeɗa cakeɗa, dzeyi te pɛtɛa hɛɗi nyi ŋkeyi hɛ na tewəmbəreke beze ghena nya menete ŋa hɛ.

Daniyɛl 9:7 Iomraidhean Croise

Ɛsdras 9:13

Nahe wəshi nyi kemenete n'yɛ geva tewəmbəreke wəshi nyi ndiremi ndiremia n'yɛ ba'a va wəba ta fete ta n'yɛ. Ndagwara kese na, gha Shala, kaɗa n'yɛ kala nya kehi te fete ta n'yɛ we, nahe na kendeke n'yɛ hweŋkwa kezha nza te ghweme, ghen'yɛ nyi teke nyi.

Ɛsdras 9:15

Shala Mahwətə ta ka Israyɛl, tiɗiɗi na: ɓeshi nya ne, mbeli nyi ketene yitea mte ghen'yɛ. Wa nyi ghen'yɛ nyi kwa kema ta ŋa le fete ta n'yɛ, ndagwara mbe nza nya kala nya ne, wəndə shɛ kanzate nza kwa kema ta ŋa we.»

Nɛhɛmi 9:33

Ma gha ne, le hweŋkwa ta ŋkɛ menete n'yɛ wəshi nyi na, kwa nza ŋkɛ kaganda yamenete na, ama ghen'yɛ ne, le 'yaghwa mehele menete n'yɛ.

Cimə 119:137

Mahwətə yawe, tiɗiɗi na, kaganda ghena nyi tarete na.

Cimə 44:15

Kazhɛre n'yɛ kaghena heca ta hwelefefi, kandeŋe ghə mbeli va ghen'yɛ hwa mbeli.

Cimə 51:14

Ndeke ɗa zlama ta nza kembele mbele, kemane ɗa laka mehele ganyɛ.

Cimə 51:4

Yaɓemte ɗa wɛŋe va fete ta ɗa, pɛmte ɗa wɛŋe va jaɗafa ta ɗa.

Ɛzayi 11:11

Ma te vecia shɛ ne, katekafe dzeve Mahwətə kakwa bake zhigə kezha mbeɗe mbelia ŋkɛ nyi ketene, nyi ketetene teghweme mbe Asiri, Ɛzhipte, Patros, Kəwsh, Ɛlam, Shinɛyar, Hamat ba'a te hɛɗi nyi te ndərə.

Ɛzayi 45:16

Nyi hɛ nyi pɛtɛ kanya kwetɛŋe shewə va hawe, kwekweshame va ŋele, yitə yayitə hɛ le ghə teŋa teŋa, ghenci ka mene wəshi nyi zhɛre mbeli kashala.

Zhɛrɛmi 12:1

Mahwətə, ketiɗiɗi na kezha ghəpə 'ya le gha. Ndagwara kaɗe 'ya kaghəpə le gha te ghena ta nza tiɗiɗi. Wa raberə nda jive ka 'yagha mehele mbe kema mbe kema wa? Wa raberə nda nza ka mbəɗəkwə kwelɛŋe wa?

Zhɛrɛmi 23:6

Ma ketedzete meghe ŋkɛ ne, pələsə tenza Zhəwda, gwezlayɛ tenza Israyɛl. Wa nya slə nya teve nda mbeli nya: ‹Mahwətə ya kambele ta ɓəmə.›»

Zhɛrɛmi 24:9

Ma tsagha, pɛtɛ teghazlənə ŋkwa nyi te hɛɗi lema kenakɛ hɛ hɛ. Te yayata ŋkwa nya tazeyi hɛ 'ya ne, hɛ ya kaghena heca nyi sla mbeli keɗema kaghena keyiɗə ŋkwa, kacimə keŋele ŋkwa keɗema kaghena kebezla ŋkwa.

Zhɛrɛmi 3:25

Nza ɓəmə mbe hawe ta ɓəmə, yɛhwe nza kambeli ɗema zləvə te, kwa nza ŋkɛ, kaka jaɗafa gheɓəmə laka Shala Mahwətə ta ɓəmə. Ma gheɓəmə le shihɛ ɓəmə ne, kese mə kafa ghena nyi gezeke ɓəmə Shala Mahwətə ta ɓəmə se kaŋwale pa ɓeshi nya we.»

Zhɛrɛmi 32:32

Nahe wənəa ɗa kebezenyɛ va wəshi nyi ndiremi nyi menete ka Israyɛl le ka Zhəwda, tsagha va ka meghea nci, mbelia nci nyi te ghə, ka dzeghe Shala ta nci, ka mɛ ŋkwa ta nci, ka Zhəwda ba'a va mbeli nyi mbe Zhɛrəzalɛm.

Zhɛrɛmi 33:16

Te vəa shɛ gɛ, pələsə tembele Zhəwda ba'a gwezlayɛ tenza Zhɛrəzalɛm. ‹Mahwətə ya kambele ta n'yɛ›, teheka Zhɛrəzalɛm mbeli.»

Zhɛrɛmi 4:17

Kala ka ya wəve nyi kedzaslete wəve dzaslete Zhɛrəzalɛm hɛ. ‹Fama ghena ta ŋkɛ va 'ya nde ndave nda, wa'a ke Mahwətə.›

Zhɛrɛmi 7:19

Ma ke Mahwətə: «Ke 'ya menete ɗa fete hɛ na? Ewə, ke ghəa nci, kahawe nya te hɛ ŋkɛ.»

Ɛzɛkiyɛl 16:63

Katezəzə wəshi nyi menete na na yitea nza na shewə va hawe ba'a yitea nza mɛa ŋa teŋzle va nya ɗema zləvə te gha. Ama 'ya ne, katekelemte wəshi nyi menete na 'ya te wənə. 'Ya Shala Mahwətə nde gezete.

Ɛzɛkiyɛl 36:31

Tagha ne, katedzembe ghəa ŋayɛ dzeghwa kwa ndiremia ŋayɛ ba'a slene ta ŋayɛ nyi keɗema kehi. Kateheɗe kema yɛ va jaɗafa ta ŋayɛ ba'a va wəshi nyi ndiremi ndiremi kashasha nyi menete yɛ.

Ɛzɛkiyɛl 5:10

Ma mbe meleme ta ŋa gɛ, katezeme ŋwalea nci mbeli nyi keyake hɛ ba'a katezeme mbeli nyi keyake hɛ ŋwalea nci. Katemeha ghwə 'ya te gheyɛ ba'a katetaze mbeli nyi ketene mbe gha 'ya kwetɛ kwetɛŋe dzeyi te yayata bela.

Ɛzɛkiyɛl 6:12

Ma nyi cakeɗa ne, va ba tempə hɛ. Ma nyi dekwe ne, kwa mpa tempə hɛ. Ma nyi ketene yitea mpa ne, va ma tempə hɛ. Katendɛkwe hwepe wənəa ɗa 'ya te hɛ.

Daniyɛl 9:14

Vatse se na ɗeke ɗeke kezha ve ndiremia shɛhɛ te ghen'yɛ. Kwa nza ŋkɛ ma gha Shala Mahwətə ta n'yɛ ne, tiɗiɗi na mbe wəshi nyi mene na pɛtɛ, ama kefate ŋa ghena ta ŋa ghen'yɛ we.

Daniyɛl 9:18

Shala ta ɗa, fate megela gi! Pelakɛ ntsə ta ŋa shɛ na neweve nza ta meleme ta n'yɛ nya keŋzla ŋzla, meleme nya keveyi geva nya kaŋa ŋa gi! Kenza tewəmbəreke slene nyi tiɗiɗi tiɗiɗi ta n'yɛ mpi dzeve ghen'yɛ kwa kema ta ŋa we, ama tewəmbəreke wəba ta zhɛ helia ŋa.

Daniyɛl 9:8

Mahwətə yawe, hawe ya te ghen'yɛ, ka meghea kɛfia n'yɛ, mbeli nyi te ghəa n'yɛ ba'a ka shihɛ n'yɛ, va nya menete ŋa jaɗafa ghen'yɛ.

Amos 9:9

Kwa nza ŋkɛ ne, kategeze ghena ta ɗa 'ya: katetsake tsake ka Israyɛl 'ya kadzehwa kweci hwelefefi kala nya tsake tsake ndaleghe mbeli le lareya kaɗema ndaleghe nya ɓɛhwɛ kateɗe te hɛɗi.

Ka Rome 6:21

Wa zhɛme nya kemave yɛ te vecia shɛ wa? Kwa nza ŋkɛ kazhɛ ŋayɛ hawe tsetsenya ve. Kwa nza ŋkɛ mte ya kafəli nya mbe mene wəsə kwa ndiremi.

Zhɛne Ghwelə yitea Wəshi Mahalegə 32:4

Gheŋkɛ ya kakeleɓa, megela wəshi nyi mene ŋkɛ pɛtɛ, ganyɛke wəshi nyi zəzə ŋkɛ pɛtɛ. Shala nya dɛŋe dɛŋe te ghena ŋkɛ, kamene wəsə kwa ndiremi ŋkɛ tɛape we, keveci keveci nza ŋkɛ tiɗiɗi ba'a le kaganda.

Zhɛne Ghwelə yitea Wəshi Mahalegə 4:27

Katetaze ŋayɛ Mahwətə dzeyi hwa kweci hwelefefi. Kambeli ɓɛhwɛ tetene yɛ te hɛɗi nyi tefəghe ŋayɛ Mahwətə kadzete.