Daniyɛl 9:6 - Ghena ta Shala

⁶ Kese ghen'yɛ kafa nda ghena ke ka mene slene ta ŋa nyi kaka mɛ ŋkwa nyi kese kageze nda ghena te sləa ŋa ke ka meghea kɛfia n'yɛ, mbeli nyi te ghəa n'yɛ, ka shihɛ n'yɛ ba'a mbeli pɛtɛ we.

Daniyɛl 9:6 Iomraidhean Croise

2 Ka Meghea Kɛfi 18:12

Ma nda menete nda geva wəshi nyi ke ka Israyɛl ne, va nya ɗema hɛ fa ghena nya gezeke Shala Mahwətə ta nci kese hɛ kayipə jikə geva le we. Kese hɛ kafa we, kese hɛ kamene kala ghena nyi gezeke Shala laka Moyize, nde mene slene ta Mahwətə we.

2 Wəshi nyi Mene Ka Meghe 33:10

Pa Mahwətə gezete nda ghena ke yɛ Manasɛ le mbelia ŋkɛ, ama kese hɛ kave sleme yite we.

Ɛsdras 9:7

Se te vəa ka shihɛ n'yɛ pa ɓeshi ne, kwele kwele beze ghena nyi menete ghen'yɛ. Tewəmbəreke jaɗafa ta n'yɛ se ghen'yɛ, ka meghea n'yɛ ba'a ka dzeghe Shala ta n'yɛ mbe dzeve ta ka meghe nyi te kweci hɛɗi. Nahe hɛ kempəmte n'yɛ, kefəhwe n'yɛ, kefəhwe wəshia n'yɛ ba'a kevate hawe te ghen'yɛ kala nya ɓeshi nya.

Nɛhɛmi 9:30

Nahe na kesəwəhwe ghena yitea hɛ kava kwele kwele. Nahe na kendeke nda sefəa ŋa ke ka mɛ ŋkwa ta ŋa nyi kese kaheka hɛ te sləa ŋa, ama hɛreɗɛ hɛ ɗema fa. Vatse pelame hɛ na mbe dzeve ta mbeli nyi te kweci hɛɗi.

Nɛhɛmi 9:32

Tsetsenya gɛ Shala ta n'yɛ, Shala nya wəba, nya berete ba'a nya ghazlənə mbeli ve, nya kekeseyi ghena ta jikə geva nya menete na le ghen'yɛ tsape tsape. Newevema ndiremi nya te ghen'yɛ, te ka meghea n'yɛ ba'a mbeli nyi te ghəa n'yɛ, te ka dzeghe Shala ta n'yɛ ba'a ka mɛ ŋkwa ta n'yɛ, te ka shihɛ n'yɛ ba'a te ghen'yɛ se mbe vəa ka meghea ka Asiri pa ɓeshi.

Nɛhɛmi 9:34

Ma ka meghea kɛfia n'yɛ le mbeli nyi te ghəa n'yɛ, ka dzeghe Shala ta n'yɛ le ka shihɛ n'yɛ ne, kese hɛ kahawe va wəsə mahalegəa ŋa we. Nahe hɛ kepeleyite se yitea ghena nyi gezeke nda na ke hɛ ba'a nyi fɛake hɛ nyi na yite.

Zhɛrɛmi 26:5

ma keɗema yɛ fa ghena nyi geze ka mene slene ta ɗa nyi kaka mɛ ŋkwa nyi ghweneke ŋayɛ nyi 'ya kevə kevə, kaɗema yɛ kese kafa nda ghena ke hɛ ne,

Zhɛrɛmi 29:19

Kwa nza ŋkɛ, kese hɛ kafa ɗa ghena we, wa'a ke Mahwətə. Ndagwara kevə kevə se 'ya kaghwene nda ka mene slene ta ɗa nyi kaka mɛ ŋkwa ke hɛ. Ama kese hɛ kafa nda ghena ke hɛ we, wa'a ke Mahwətə.

Zhɛrɛmi 44:16

«Ya tsemanyɛ geze n'yɛ ghena na te sləa Mahwətə ne, kafa ghena ta ŋa ghen'yɛ we.

Zhɛrɛmi 7:13

Ma ke Mahwətə: «Ma tsetsenya kwa menete wəshi nyi yɛ pɛtɛ, kwa se 'ya leɓakwe va geze ŋayɛ shaŋe yɛ kafa. Kwa se 'ya kaheka ŋayɛ kaɗema yɛ kese kazhɛne gɛ,

Zhɛrɛmi 7:24

Ama kese hɛ kafa we, kese hɛ kave sleme yite we, pa hɛ menete kwalɛ zəzə nyi ndiremia nci, pa hɛ zhɛrave ɗa wəmbə kaɗema zhɛre ɗa kema.

Daniyɛl 9:10

Kese ghen'yɛ kafa ghena ta ŋa, gha Shala Mahwətə ta n'yɛ kezha dzeghwa kala wəshi mahalegəa ŋa nyi kegezete n'yɛ geva laka ka mene slene ta ŋa nyi kaka mɛ ŋkwa we.

Daniyɛl 9:9

Ama gha Nde sleke ŋkwa Shala ta n'yɛ nya kezhɛ heli ne, kelemte n'yɛ fete ta n'yɛ te wənə, ya ghen'yɛ se kaka fama ŋa ghena.

Matiye 23:37

Zhɛrəzalɛm, Zhɛrəzalɛm, ma gha nya kempə ka mɛ ŋkwa ba'a nya kebeza mbeli nyi ghweneke ŋa Shala le pelɛ ne, nahe 'ya keɗe katsene ŋwalea ŋa kala nya tsene ŋwalea ŋkɛ ghenda mbe bidzəa ŋkɛ, ama nahe yɛ kesema kaɗe.

Slene 13:27

Kefate ghena ta nza ta Yɛsə ka Zhɛrəzalɛm ba'a mbeli nyi te ghəa nci we. Kwa ndeke nda fete hɛ ne, nahe hɛ keyipəte ghena ta ka mɛ ŋkwa ta Shala nyi jaŋga mbeli keveci keveci te veci kezhɛne mpi.