Daniyɛl 9:5 - Ghena ta Shala

⁵ Nahe ghen'yɛ kemenete jaɗafa, nahe ghen'yɛ kemenete fete, nahe ghen'yɛ kese kaka ndiremia mehele ba'a kaka fama ghena, nahe ghen'yɛ kezhɛrave nda wəmbə ke ghena ba'a ke wəshi nyi gezete na.

Daniyɛl 9:5 Iomraidhean Croise

2 Ka Meghea Kɛfi 18:12

Ma nda menete nda geva wəshi nyi ke ka Israyɛl ne, va nya ɗema hɛ fa ghena nya gezeke Shala Mahwətə ta nci kese hɛ kayipə jikə geva le we. Kese hɛ kafa we, kese hɛ kamene kala ghena nyi gezeke Shala laka Moyize, nde mene slene ta Mahwətə we.

2 Ka Meghea Kɛfi 21:15

Ma nda mene 'ya kala nya ne, va nya ɗema mbelia ɗa kesərəakɛ mene wəsə kwa ndiremi ba'a hwepe ɗa wənəa ɗa, ghala shave ka shihɛ nci mbe Ɛzhipte pa tsetsenya.›»

Ɛsdras 9:6

ma 'ya shɛ: «Shala yawe, kwele kwele zhɛ ɗa hawe ba'a ketaze taze mehele ta ɗa kezha kafe kema laka gha Shala ta ɗa, va nya nza nde nahe fete ta n'yɛ kembakeyi geva kənəa ghəa n'yɛ ba'a nahe beze ghena ta n'yɛ kedzeme pa pelɛ ghweme.

Cimə 106:6

Nahe n'yɛ kemenete jaɗafa kala ka shihɛ n'yɛ, nahe n'yɛ kemenete wəsə kwa ndiremi, nahe n'yɛ kenza kaka mene fete.

Cimə 119:102

Kaslə 'ya te ghena nyi tarete na we. Kwa nza ŋkɛ ne, gha nde tekete ɗa ghena.

Cimə 119:176

Ndeŋe yandeŋe 'ya kala təmə nya keza za, se kasepa ɗa, 'ya nya kande mene slene ta ŋa, kwa nza ŋkɛ kazaghə ghena nyi gezete na 'ya we.

Cimə 18:21

Kala nza ta ɗa tiɗiɗi mene ɗa Mahwətə, kala ganyɛ nya mene 'ya ve ɗa zhɛme ŋkɛ.

Ɛzayi 53:6

Kala timɛti nyi kendeŋenji se gheɓəmə, yayata wəndə kese kakele ŋa ŋkɛ hweŋkwa. Ama nahe Mahwətə keveyi fete ta pɛtɛa ɓəmə kwa ghəa ŋkɛ.

Ɛzayi 59:13

Mahwətə, nahe n'yɛ kefatema ghena ta ŋa, nahe ghen'yɛ kepamte ŋa, nahe ghen'yɛ kehwɛ n'yɛ cakeɗake yitea gha, gha nya kaShala ta n'yɛ. Deke sa nda yaka ke mbeli ba'a fama ghena ya te mɛ va ghen'yɛ. Yɛ tseŋwə ya viɗi te hwə va ghen'yɛ ba'a mbe ghəa n'yɛ.

Ɛzayi 64:4

Kase na kezha begeme le mbeli nyi kezlama yitea mene wəsə nya kehi, mbeli nyi kezəzə zele hweŋkwa ta ŋa. Nahe na kehwepete wənə va nya nza ghen'yɛ kaka mene fete. Ama kwa hweŋkwa nyi vəashi nza ghen'yɛ kambele.

Zhɛrɛmi 14:20

Mahwətə, nahe ghen'yɛ keɗepete fete ta n'yɛ ba'a yɛ beze ghena ta ka shihɛ n'yɛ, kwa nza ŋkɛ nahe n'yɛ kemenete ŋa jaɗafa.

Zhɛrɛmi 14:7

Ma ke hɛ: «Kaganda nza jaɗafa ta n'yɛ ɗaŋe ɗaŋe, ama gha gɛ Mahwətə, menete kwete wəsə kazləvəa ŋa! Kwele kwele zhigə pamte ŋa ghen'yɛ, ka mene ŋa fete ghen'yɛ.

Zhɛrɛmi 3:25

Nza ɓəmə mbe hawe ta ɓəmə, yɛhwe nza kambeli ɗema zləvə te, kwa nza ŋkɛ, kaka jaɗafa gheɓəmə laka Shala Mahwətə ta ɓəmə. Ma gheɓəmə le shihɛ ɓəmə ne, kese mə kafa ghena nyi gezeke ɓəmə Shala Mahwətə ta ɓəmə se kaŋwale pa ɓeshi nya we.»

Zhɛrɛmi 30:14

Pɛtɛa ka meghwateshia ŋa kezaghəyite ŋa, kezhɛne hɛ kaɓela ŋa we. Kwa nza ŋkɛ ne, nahe 'ya keɗate ŋa kala wəsə nya nza 'ya kande jaga ta ŋa, dzawe se 'ya ka'yɛ ŋa tewəmbəreke wəba ta fete ta ŋa, tewəmbəreke kwelea jaɗafa ta ŋa.

Zhɛrɛmi 44:3

Va nya ghwezakɛ mɛ hɛ hwa 'ya laka wəshi nyi ndiremi ndiremi nyi menete hɛ. Kwa nza ŋkɛ nahe hɛ kelənji yitea tere nda 'wərdə ke kweci shala ba'a hawe va hɛ. Ndagwara wəsə shɛ kejikəte hɛ le yɛ shala shɛhɛ, ya gheyɛ, ya ka shihɛ ŋayɛ ŋkɛ we.

Yɛ Ŋgaɗe ghə 1:18

Nahe Mahwətə kenza tiɗiɗi, va nya fate nda ma ghena 'ya. Gheyɛ mbeli pɛtɛ, fama mə ba'a newema mə yaka nya te 'ya. Ma deghelɛshia ɗa ba'a mempɛhwetɛtia ɗa ne, nahe mbeli kefəhwe hɛ.

Yɛ Ŋgaɗe ghə 1:20

Mahwətə yawe, newema ndiremi nya te 'ya gi! Kawəvaɗe wəvaɗe ŋkwa nya kwa hwəa ɗa. Nahe mehele ta ɗa kenza keyirə yirə, va nya fatema ŋa ghena 'ya tsape tsape. Ma pelɛ te ŋwela ne, nahe kafayɛ kempəmte ŋwalea ɗa, ma ki ghɛ ne, kala wəsə nya ki ghɛa mte mbeli.

Yɛ Ŋgaɗe ghə 3:42

Nahe ghen'yɛ kese kaka mene fete, nahe ghen'yɛ kese kaka fama ghena. Ama gha ne, kekelemte n'yɛ na te wənə we.

Ɛzɛkiyɛl 5:6

Nahe mbeli nyi mbe keɗema yɛ fete yitea wəshi nyi gezete 'ya ba'a yitea wəshi mahalegə nyi ndeke nda 'ya ke hɛ. Ma tsagha ne, nahe hɛ kendamte kweci hwelefefi ba'a kweci hɛɗi nyi dzeyi yitea hɛ le 'yaghwa mehele.

Ɛzɛkiyɛl 6:9

Katezəzə ɗa mbelia ŋayɛ nyi ketene teghweme hwa kweci hwelefefi nyi fəghe geva hɛ, ghenci nyi mpəmte wənə kebeze ghena ta nci nyi kezhɛremte geva vare 'ya ba'a ntsə ta nci nyi kevate geva te kweci shala 'ya. Ma tsagha, kateheɗe kema hɛ va wəshi nyi ndiremi ndiremi kashasha nyi menete hɛ.

Daniyɛl 9:11

Nahe pɛtɛa ka Israyɛl kedzawanji wəmbəa wəsə mahalegəa ŋa ba'a kazhɛrete wəmbə kezha fama ghena ta ŋa. Nahe ghen'yɛ kemenete ŋa jaɗafa. Tagha gɛ, pa bezla nya kemeɗeyi geva mbe wəsə mahalegəa Moyize, nde mene slene ta ŋa, dzeghənyɛ kənəa ghen'yɛ.

Daniyɛl 9:15

Nde sleke ŋkwa Shala ta n'yɛ yawe, ma kwa fəakave mbelia ŋa na shave mbe Ɛzhipte laka berete ta ŋa nya wəba ne, nahe zləvəa ŋa kedzemte ɓeshi nya. Ama ghen'yɛ ne, nahe ghen'yɛ kese kaka jaɗafa ba'a kaka 'yaghwa mehele.

Daniyɛl 9:9

Ama gha Nde sleke ŋkwa Shala ta n'yɛ nya kezhɛ heli ne, kelemte n'yɛ fete ta n'yɛ te wənə, ya ghen'yɛ se kaka fama ŋa ghena.

Palepa ta Ozɛ 1:2

Wa nya tsetse ghate geze nda ghena Mahwətə ke mbelia ŋkɛ laka Ozɛ. Ma ke Mahwətə sha Ozɛ: «Kwiɗi, wəmeve male nya kemene mefətekwə. Ma ŋwale nyi teya na hwe ne, kaŋwalea male nya kemene mefətekwə tenza hɛ. Kwa nza ŋkɛ ne, nahe mbeli nyi te hɛɗia ɗa kemenete mefətekwə nya kaganda, laka wəfəyite ɗa, 'ya Mahwətə.»

Malashi 3:7

Kala ka shihɛ ŋayɛ ne, nahe yɛ kehendemte geva vare wəshi nyi gezete 'ya, kese yɛ kamene slene le hɛ we. Zhɛne mə geva kase sha 'ya, tagha gɛ, katezhɛne geva 'ya kase sha gheyɛ, 'ya Mahwətə nde berete nde gezete. Ama ma pe yɛ sha geze: ‹Tsema nza ghen'yɛ kazhɛneke geva kase sha gha wa?›

Ka Ɛbrə 3:12

Ka kesaka ma, ya mə ghəa ŋayɛ yagha kwete wəndəa ŋayɛ kenza le zəzə kwa ndiremi nya keɗema kayɛ ghena, nya kezhɛre nda wəmbə ke Shala teghweme.