Daniyɛl 9:3 - Ghena ta Shala

³ Ntake 'ya kamene səwəmayɛ, pa 'ya hwepahwe wəsə hwa hwə ba'a behweyi pəsəɗə mbe ghəa ɗa. Zhɛne ne, pa 'ya zhɛrave nda geva ke Nde sleke ŋkwa Shala kezha səkwə ŋkɛ ba'a kezha nehwene nda nehwene.

Daniyɛl 9:3 Iomraidhean Croise

2 Saməyɛl 12:16

Pa David səkwəte Shala kezha wəzegea shɛ. Ntake ŋkɛ kamene səwəmayɛ, ma kwa dzeki ghɛa ŋkɛ ŋkɛ heviɗi ne, hwa hɛɗi ɓelahe ŋkɛ.

Ɛsdras 10:6

Pa Ɛsdras slənyɛ te ŋkwa nya se ŋkɛ mɛa ghɛa Shala. Cape kadzembe cɛa Yohanan, wəzege ta Ɛliyashib. Ma kwa dzembe ŋkɛ, hɛreɗɛ ŋkɛ ɗema zeme wəsə kezeme ba'a ɗema sa yɛmə, kwa nza nde kebeze beze wənəa ŋkɛ kwele kwele va wəba ta beze ghena nya menete mbeli nyi kezhɛneke geva nyi.

Ɛsdras 8:21

Tagha mɛa hələa Ahava ne, pa 'ya zlapete səwəmayɛ kezha shifəmte ghəa n'yɛ kwa kema ta Shala ta n'yɛ, yitea nza dzeghwa ta n'yɛ le kwelɛŋe, ghen'yɛ le ŋwalea n'yɛ ba'a wəshia n'yɛ.

Ɛsdras 9:5

Ma te və nya dzeghe melɛ kwa tɛhwɛɗi mbeli ne, nahe wənəa ɗa kegweɗakwete geva, mba lekwesa ba'a karalamea ɗa nyi keŋkwahe ŋkwahe kənəa 'ya. Gwəɗəŋə 'ya sha ghəa shene mbe hɛɗi, kafe 'ya sha dzeve laka Shala Mahwətə ta ɗa,

Nɛhɛmi 9:1

Ma mbe hɛ kwa bakemsə wəfaɗeghəmbe te terea shɛnyɛ ne, pa ka Israyɛl tsenete geva kezha mene səwəmayɛ. Pa hɛ hwepahwe wəsə hwa hwə, kərəaghe keləwə kənəa ghəa nci.

Ɛstɛr 4:16

«Kwiɗi tsenete ka Zhəwif nyi mbe Səze pɛtɛ kamene səwəmayɛ te ghəa ɗa kahɛ mahekene kwa zemema wəsə ba'a kwa sama wəsə viɗi le veci. 'Ya perə, tsagha mene ghen'yɛ le ka kwaterashia ɗa. Ma tsagha, katelə 'ya sha meghe, ya 'ya nza katemte kala nya gezete wəsə mahalegə ne, kamtea shɛ 'ya.»

Palepa ta JOB 42:6

Vatse mpi dzeve 'ya te ghena nyi gezete 'ya. Mentishɛ hwa keləwə ba'a hwa pəsəɗə ɗepete fete ta ɗa 'ya.

Cimə 35:13

Ma vəa ŋkwa nya nza hɛ shewə ne, wəsə yahwepe 'ya hwa hwə. Kashifə ghəa ɗa 'ya laka səwə ma, kevə kevə se 'ya kasəkwə ghə.

Ɛzayi 22:12

Ma te vecia shɛ ne, nahe Shala Mahwətə nde berete kese kageze ŋayɛ kanehwene ba'a kaŋgaɗe ghə, kaŋsə ghə ba'a kahwepe zewe hwa hwə.

Zhɛrɛmi 33:3

Heka sləa ɗa, katezhɛne ŋa 'ya, katencɛ ŋa wəshi nyi jama jama nyi ɗepema na 'ya.

Ɛzɛkiyɛl 36:37

Wa nya ghena nya geze Shala Mahwətə nya: Wa nya wəsə nya temene 'ya nya ɓiyitsa: katepele nda hweŋkwa 'ya ke ka Israyɛl kasəkwə ɗa. Kateya hɛ 'ya kwele kwele kala wəvəsəa timɛti.

Daniyɛl 6:10

Tagha gɛ, pa meghe Dariyəs dɛkate lamba ta ŋkɛ te palepa ta wəsə mahalegəa shɛ.

Daniyɛl 9:2

te kwa ghate ta va ta ŋkɛ mbe meghe ne, ntake 'ya, 'ya Daniyɛl kazele ghena nya mbe palepa nyi keveyi geva tekeleke kezha fa ghena nya mbe ghena nya gezete nda Mahwətə ke nde mɛ ŋkwa Zhɛrɛmi, te ghəa va mberefaŋemsə nyi tenza Zhɛrəzalɛm kakwəfi.

Daniyɛl 9:20

Nda ghə yasəkwə 'ya, nda yɛ jaɗafa ta ɗa ba'a ŋa Israyɛl, hwelefe ta ɗa yancɛ 'ya ba'a nda dzeve yampi nda 'ya ke Shala Mahwətə ta ɗa, te ghəa ghweme nya keveyi geva tekeleke kaŋa Shala ta ɗa.

Daniyɛl 9:4

Ma 'ya ncɛte nda yɛ jaɗafa ta hwelefe ta ɗa ke Shala Mahwətə ta ɗa: «Nde sleke ŋkwa yawe, Shala nya wəba ba'a nya ghazlənə mbeli ve, kaya jikə geva ta ŋa na laka mbeli nyi keɗe ŋa ba'a kamene nda ganyɛ na ke mbeli nyi kehawe va ghena nyi gezete na.

Zhowɛl 1:13

Gheyɛ ka dzeghe Shala, hwepe mə wəsə hwa hwə ba'a ŋgaɗe mə ghə. Gheyɛ ka mene slene te reghwetɛ, tsa mə lewela. Gheyɛ ka mene slene ta Shala ta ɓəmə, nza mə le wəsə hwa hwə kahɛ, va nya zhɛnema mbeli kafə wəshi ba'a tɛ kase kadzembe ghɛa Shala.

Zhowɛl 2:12

Ma ke Mahwətə gezete: «Və ya shɛ tsetsenya, zhɛre ɗa mə geva kase le wənə kwetɛŋe. Mene mə səwəmayɛ, nehwene mə ba'a ŋgaɗe mə ghə.

Zhonas 3:5

Pa mbeli nyi mbe Ninive yɛte ghena ta Shala megela. Pa hɛ zlapete səwəmayɛ, kaseɗete lekwesa kenehwene se te meha mehɛɗi hwa'a te ŋwalea fəshi.

Matiye 17:21

Ama deke laka səkwə ghə ba'a səwəmayɛ nza mbeli kaŋkamte felehwe ta 'yi'yɛghwəa shɛ.»

Ləwke 2:37

Pa nde nza nda kawede, deghesemsə wəfaɗeghəmbe va ta nta. Kanehe geva nde le ghɛa Shala we, slene ta Shala yamene nde veci le viɗi, kamene səwəmayɛ nde ba'a kasəkwə ghə nde.

Slene 10:30

Ma ke Kornɛy: «Hɛ mahekene ɓeshi, kasəkwə ghə 'ya ki ghɛa ɗa kwa mtsa veci ŋkwa. Vəkə kwete wəndə kwa kema ta ɗa le lekwesa nya keslesla.