Daniyɛl 9:23 - Ghena ta Shala

²³ Ghatema ta ŋa kampi nda dzeve ke Shala ne, nahe ŋkɛ kegezete kwete ghena, nahe 'ya kese kezha ncɛ ŋa ŋkɛ, kwa nza ŋkɛ kaɗe ŋa Shala. Fave ghena nya tegeze ŋa 'ya te ghəa wəsə nya nakɛ nya na.

Daniyɛl 9:23 Iomraidhean Croise

2 Ka Meghea Kɛfi 19:20

Pa Ɛzayi wəzege ta Amots ghweneghe nda ghena nya ke Ɛzɛkiyas ɓiyitsa: «Wa nya ghena nya gezeke Mahwətə nya, Shala ta ka Israyɛl: Nahe 'ya kefate səkwə nya səkwəte ɗa na te ghena ta meghea ka Asiri, Sɛnakɛrib.

Yɛ Ghena Ŋela 15:8

Kaɗe melɛ nyi dzeghekɛ ka 'yaghwa mehele Mahwətə we. Ama səkwə ta mbeli nyi tiɗiɗi yaɗe ŋkɛ.

Cimə nya zeɗe ma 7:10

Nza mɛa ŋa zeɗekə kala tɛ ganyɛ. Kaganda ne, kala tɛ ganyɛ nya kewəmbəyi geva kaŋa wəndə nya ɗe 'ya ba'a nya kedzawa mɛa ɓə vəa ŋkwa nya nza gheɓə yitea hɛ.

Ɛzɛkiyɛl 14:14

Ya mbeli nyi mahekene nyi: Nowɛ, Daniyɛl ba'a Job nza te hɛɗia shɛ ne, deke ghenci ka tembele mpia nci laka nza tiɗiɗia nci. 'Ya Shala Mahwətə nde gezete.

Ɛzɛkiyɛl 24:16

«Wəndə ŋelɛ, 'ya katekelehwe male nya ɗehwe ntsə ta ŋa vəkə. Ama kateŋgaɗe ghə na we, katenehwene na ba'a katesawa nehwene yitea ntsə ta ŋa we.

Ɛzɛkiyɛl 26:12

Katefə mcɛləa ŋa ba'a wəshi nyi pamte na hɛ. Kateŋzla zlia ŋa ba'a ghɛa ŋa nyi ganji ganji hɛ. Katefə yɛ pelɛa nci, yɛ sheghwəa nci ba'a kwetiɓəa wəshi nyi ketene yitea hɛ hɛ kezha bete kwa zeweve ta ndərə.

Daniyɛl 10:1

Ma mbe kwa mahekene ta va ta Sirəs, meghe nya mbe Pɛrse te meghe ne, pa ghena ta Shala ncɛte nda geva ke Daniyɛl nya heka mbeli kaBɛltasar. Nahe ghena shɛ kenza kakaganda ba'a kaghena nya dzawe. Pa Daniyɛl zəzəve ghena shɛ ba'a fave ghena nya mbe wəsə nya nakɛ ŋkɛ.

Daniyɛl 10:19

Kwa sebe ta ŋkɛ, ma ke sha 'ya: «Wəndə nya ɗe Shala, ghazlənəma na gɛ ma! Nza gwezlayɛ gɛ! Hwepete ghə ba'a nza bereteke deŋwa!» Ma vəa ŋkwa nya geze ɗa ghena ŋkɛ ne, pa 'ya kemave berete, ma 'ya gezete: «Nde sleke ɗa yawe, wərə na kageze ɗa ghena, kwa nza ŋkɛ nahe na kendeke ɗa berete.»

Daniyɛl 6:3

Pa ŋkɛ nteyi mbeli nyi te ghə mahekene te ghəa nci. Ma kezha ɗema kabeze nda ghena ke meghe ne, kategeze nda dzeghwa ta slene mbe sla ta hɛɗia nci mbelia jama shɛhɛ ke hɛ. Nahe Daniyɛl kenza hwa mbeli nyi te ghəa shɛhɛ.

Matiye 24:15

Katenakɛ wəsə nya ndiremi kashasha yɛ mentare mbe ŋkwa nya keveyi geva tekeleke, nya gezete nde mɛ ŋkwa Daniyɛl. Ma wəndə nya kejaŋga ne, fave ghena nya ŋkɛ ndeɗekə.

Ləwke 1:28

Pa nde ghwene ta Shala dzeki sha Mari. Ma ke shɛ: Nza fare fare Mari, gha nya nza zlaɓa ta Shala kənəa gha, nahe Mahwətə kenza le gha.