Daniyɛl 9:2 - Ghena ta Shala

² te kwa ghate ta va ta ŋkɛ mbe meghe ne, ntake 'ya, 'ya Daniyɛl kazele ghena nya mbe palepa nyi keveyi geva tekeleke kezha fa ghena nya mbe ghena nya gezete nda Mahwətə ke nde mɛ ŋkwa Zhɛrɛmi, te ghəa va mberefaŋemsə nyi tenza Zhɛrəzalɛm kakwəfi.

Daniyɛl 9:2 Iomraidhean Croise

2 Wəshi nyi Mene Ka Meghe 36:21

Tsetse yipəte geva ghena ta Mahwətə nya gezeke ŋkɛ le mɛa Zhɛrɛmi nde mɛ ŋkwa: «Mba tenza hɛɗi kaɗema wəndə te kava mberefaŋemsə, pa te və nya tekiɗi vəa zhɛne mpia ŋkɛ, kezha ŋki yɛ vəa zhɛne mpi nyi sema hɛ kaya.»

Ɛsdras 1:1

Ma te kwa ghate ta va ta Sirəs, meghea ka Pɛrse mbe meghe ne, pa Mahwətə zəzəte kayipə ghena nya gezeke ŋkɛ laka mɛa nde mɛ ŋkwa Zhɛrɛmi kadzawa. Pa ŋkɛ vame zəzə mbe mehele ta Sirəs kezha zlapete ŋkɛ te hɛɗia ŋkɛ ba'a kezha rafete palepa kala nya:

Cimə 119:24

Kave ɗa zlama ghena nyi tekete na, ghenci ya kaka ncɛ ɗa ntsehwele.

Ɛzayi 64:10

Ma ghɛa n'yɛ nya keveyi geva tekeleke ba'a nya ganyɛ nya se ka shihɛ n'yɛ katsahe ŋa mbe ne, nahe ghwə keteremte ŋkɛ. Nahe ŋkwa nya ɗehwe nya n'yɛ kenza kakwəfi.

Zhɛrɛmi 1:1

Ma palepa nya ne, ghena nyi gezete ba'a wəshi nyi menete Zhɛrɛmi, wəzege ta Hilkiya, kwete wəndəa ka dzeghe Shala nyi mbe Anatot, te hɛɗia Bɛnjamɛn yageze ŋkɛ.

Zhɛrɛmi 25:18

Pa 'ya ghate te yɛ Zhɛrəzalɛm le meleme nyi mbe Zhəwda, ka meghea ŋkɛ ba'a mbelia jama ta ŋkɛ. Pa 'ya zhɛremte melemea shɛhɛ kakwəfi, kaŋkwa nya tsa lewela ba'a nya mcakwe mcakwe mbeli ve, kaghena kebezla ŋkwa. Tsagha mene geva ŋkɛ pa ɓeshi.

Zhɛrɛmi 26:18

«Te vəa Ɛzɛkiyas, meghea ka Zhəwda ne, kwete nde mɛ ŋkwa nya nza sləa Mishɛ, kande Morɛshɛt ya shɛ. Ma ke sha ka Zhəwda pɛtɛ: Wa nya ghena nya geze Mahwətə nde berete nya: ‹Kawəve kwa wəza wəza tenza Siyon, kakwəfi tenza Zhɛrəzalɛm ba'a kagamba tenza ghweme ta ghɛa Mahwətə.›

Zhɛrɛmi 26:6

ma tsagha gɛ, kateŋzlamte ghɛ nya 'ya kala nya ŋzlamte Silo 'ya ba'a katezhɛre meleme nya 'ya kawəsə nya bezla ŋkwa mbeli nyi te hɛɗi pɛtɛ le.›»

Zhɛrɛmi 27:7

Pɛtɛ tenza hwelefefi mbe dzeve ta ŋkɛ, kwa sebe ta ŋkɛ, mbe dzeve ta wəzege ta ŋkɛ ba'a mbe ŋa shinyɛ, pa te və nya tenza hɛɗia ŋkɛ mbe dzeve ta kweci hɛɗi nyi berete berete ba'a ka meghe nyi jama jama.»

Zhɛrɛmi 29:10

Wa nya ghena nya geze Mahwətə nya: Ma kemenete va mberefaŋemsə berete ta Babilone ne, katezhɛ heli 'ya yitea gheyɛ ba'a kateyipə wəsə ganyɛ nya meɗeyi 'ya 'ya kadzawa: katezhɛne ŋayɛ kase teke, mbe Zhɛrəzalɛm.

Zhɛrɛmi 7:34

Ma mbe yɛ meleme ta Zhəwda ba'a dzeyi kwa hweŋkwa nyi mbe Zhɛrəzalɛm ne, katefɛamte yɛ zlewezla nyi hwa gəsəkə, yɛ cimə zlama ba'a yɛ ciməa makwa 'ya, kwa nza ŋkɛ kakwəfi tenza hɛɗia shɛ.»

Yɛ Ŋgaɗe ghə 1:1

Amaga! Nahe nde kenza kewəfə wəfə, meleme nya se nya mbeli kwele kwele mbe gɛ wa! Nahe nde kenza kala wede, ghenta nya kese wəbake hwa pɛtɛa hwelefefi. Ma ghenta nya kawəzha ta meghe hwa yɛ sla ta hɛɗi ne, wa nya nde kakwatera gɛ!

Ɛzɛkiyɛl 29:11

Wəndə ŋelɛ keɗema wəsə keseɗa shɛ katedzeghwa te we, va wəfaɗemsə temene ŋkɛ kaɗema mbeli mbe.

Daniyɛl 9:3

Ntake 'ya kamene səwəmayɛ, pa 'ya hwepahwe wəsə hwa hwə ba'a behweyi pəsəɗə mbe ghəa ɗa. Zhɛne ne, pa 'ya zhɛrave nda geva ke Nde sleke ŋkwa Shala kezha səkwə ŋkɛ ba'a kezha nehwene nda nehwene.

Mishɛ 3:12

Vatse gɛ, kawəve kwa wəza wəza tezhɛre Siyon, kakwəfi tenza Zhɛrəzalɛm ba'a katigə tenza ghweme ta ghɛa Shala tewəmbəreke gheyɛ.

Zakari 1:12

Ma ke nde ghwene ta Mahwətə zhɛkwa: «Mahwətə nde berete, va mberefaŋemsə menete na le wənə tehwepe va Zhɛrəzalɛm ba'a va kweci meleme nyi mbe Zhəwda. Hwa'a te nyama və teneghe na kazhɛ heli yitea hɛ wa?»

Zakari 7:5

«Ma pa na sha ka dzeghe Shala ba'a pɛtɛa mbeli nyi te hɛɗi: Va mberefaŋemsə ɓeshi ne, kamene səwəmayɛ yɛ ba'a kaŋgaɗe ghə yɛ mbe yɛ tere kwa mcɛfe le kwa mberefaŋe, ama kezha 'ya menete səwəmayɛa shɛ yɛ na?

Matiye 24:15

Katenakɛ wəsə nya ndiremi kashasha yɛ mentare mbe ŋkwa nya keveyi geva tekeleke, nya gezete nde mɛ ŋkwa Daniyɛl. Ma wəndə nya kejaŋga ne, fave ghena nya ŋkɛ ndeɗekə.

Mark 13:14

Katenewe wəsə nya ndiremi kashasha yɛ mentare mbe ŋkwa nya keveyi geva tekeleke. Ma wəndə nya kejaŋga ne, fave ghena nya ŋkɛ ndeɗekə. Ma mbeli nyi mbe Zhəwdɛ ne, hwɛ hɛ kadzeme hwa ghweme.

Slene 8:34

Ma ke nde Ɛtiyopi sha Filipe: «Təhwə təhwə gezete, te ghəa wa geze ghena nya nde mɛ ŋkwa teke wa? Te ghəa ŋkɛ na, na te kwete wəndə na?»

1 Timotɛ 4:13

Ma nda telə 'ya sha gha ne, ndeke nda ghə ke jaŋga nda Ghena ta Shala ke mbeli darahwe rahwe, ke mtsehe nda berete ke hɛ ba'a ke teke nda wəshi ke hɛ.

Ghena Kelɛŋə 1:3

Zlama ya va wəndə nya kejaŋga palepa nya, zlama ya va mbeli nyi keve sleme yitea ghena kelɛŋə nya ba'a nyi kehawe va ghena nyi kerafete geva teke. Kwa nza ŋkɛ takwa takwa və nya kesleyi geva kezha wəshia shɛhɛ.