Daniyɛl 9:18 - Ghena ta Shala

¹⁸ Shala ta ɗa, fate megela gi! Pelakɛ ntsə ta ŋa shɛ na neweve nza ta meleme ta n'yɛ nya keŋzla ŋzla, meleme nya keveyi geva nya kaŋa ŋa gi! Kenza tewəmbəreke slene nyi tiɗiɗi tiɗiɗi ta n'yɛ mpi dzeve ghen'yɛ kwa kema ta ŋa we, ama tewəmbəreke wəba ta zhɛ helia ŋa.

Daniyɛl 9:18 Iomraidhean Croise

1 Ka Meghea Kɛfi 8:29

Pelaghe ntsə ta ŋa kənəa ghɛa Shala nya viɗi le veci, kwa nza ŋkɛ ma pa na gezete te ŋkwa shɛ: “Teke tenza sləa ɗa”. Fate səkwə nya səkwə mava ta ŋa laka ŋkwa nya.

2 Ka Meghea Kɛfi 19:16

Mahwətə, fate megela, neweve ndeɗekə, zəzətema ŋele nya ŋelekɛ ŋa nya wəndə nya ghweneke nya Sɛnakɛrib gi, gha Shala nya le mpi.

Cimə 116:1

Kaɗe Mahwətə 'ya, kwa nza ŋkɛ kafa ɗa ŋa ɗa ketsave nda lewela 'ya.

Cimə 25:6

Mahwətə, zəzəte ɗe ta ŋa ba'a ganyɛa ŋa nyi ncɛte na ghala veci!

Shave 3:7

Ma ke Mahwətə sha Moyize zhɛkwa: «Nahe 'ya kenakɛ yaka nya te mbelia ɗa kwa Ɛzhipte, nahe 'ya kefate lewela ta ka Israyɛl va ɗa ta mbeli nyi te ghəa slene. Kaganda ne, nahe 'ya keɗepe yaka ta nci.

Ɛzayi 37:17

Mahwətə, ghwenemte sleme shɛ na fave megela! Mahwətə, pelemte ntsə shɛ na neweve megela! Fa ŋele nya ŋele ŋa nyi mbeli nyi ghweneke nyi Sɛnakɛrib le hɛ gi Shala teghweme!

Ɛzayi 43:7

Zhɛneke mə pɛtɛa mbeli nyi nza sləa ɗa te hɛ, pɛtɛa mbeli nyi pate 'ya, nyi ŋate 'ya ba'a nyi menete 'ya kezha ncɛ zləvəa ɗa.»

Ɛzayi 64:6

Wəndə shɛ kazhɛne kahekɛme sləa ŋa we, wəndə shɛ kafeɗeghe kezha jikə geva le gha we. Kwa nza ŋkɛ ne, kaɗe na kazhɛne kanewe n'yɛ we, nahe na kepelave nda n'yɛ ke yɛ fete ta n'yɛ.

Zhɛrɛmi 14:7

Ma ke hɛ: «Kaganda nza jaɗafa ta n'yɛ ɗaŋe ɗaŋe, ama gha gɛ Mahwətə, menete kwete wəsə kazləvəa ŋa! Kwele kwele zhigə pamte ŋa ghen'yɛ, ka mene ŋa fete ghen'yɛ.

Zhɛrɛmi 14:9

Wa raberə nza na kala nde dewə berete, kala katsala nya keɗema mba kambelete ŋkwa wa? Ndagwara te tepe ta n'yɛ na Mahwətə, nahe n'yɛ keveyi ŋa geva tekeleke, mba na kesərəakɛ n'yɛ!»

Zhɛrɛmi 15:16

Ma sema ta ghena ta ŋa sha 'ya ne, pa 'ya veyite yitea ghə. Zlama ba'a farefa yave nda ghena ta ŋa ke wənəa ɗa, kwa nza ŋkɛ nahe 'ya keveyi geva tekeleke kaŋa ŋa Shala Mahwətə nde berete.

Zhɛrɛmi 25:29

Kwa nza ŋkɛ te meleme nya keveyi ɗa geva tekeleke gha ve ndiremi 'ya ne, pa 'ya ntaghe shimpə kənəa gheyɛ pe yɛ sha ŋa ŋayɛ na? Ewə, kantaghe geva shimpə kənəa gheyɛ we, kwa nza ŋkɛ 'ya kaghwene kafayɛ kadzehwa mbeli nyi te hɛɗi pɛtɛ, wa'a ke Mahwətə nde berete.»

Zhɛrɛmi 36:7

Nda kwete katefa səkwə ta nci Mahwətə ba'a nda kwete katesərə dzeghwa kwa ndiremia ŋkɛ yayata wəndə, kwa nza ŋkɛ dzawe hwepenyɛ ba'a bezenyɛ wənəa Mahwətə va mbelia shɛhɛ.»

Zhɛrɛmi 37:20

Ma ke Zhɛrɛmi keɗaŋemte ghena ta ŋkɛ: «Meghe yawe, kampi ŋa dzeve 'ya tsetsenya: kele ɗa ma na kadzeki ghɛa nde rafe wəshi Yonatan ma, katemte 'ya ki.»

Ɛzɛkiyɛl 36:22

Vatse gɛ, ma pa na sha ka Israyɛl: Wa nya ghena nya geze Shala Mahwətə nya: Ma nda mene wəsə nya 'ya ne ka Israyɛl ne, kenza tewəmbəreke gheyɛ we, ama tewəmbəreke sləa ɗa nya keveyi geva tekeleke nya kelemte zləvə yɛ te hwa kweci hwelefefi nyi se yɛ hwa hɛ.

Ɛzɛkiyɛl 36:32

Ɗepete mə megela, tewəmbəreke gheyɛ temene 'ya we, 'ya Shala Mahwətə nde gezete. Nda yɛ kanza shewə va hawe ba'a keyirə yirə va dzeghwa ta ŋayɛ, ka Israyɛl!

Daniyɛl 9:7

Ma gha, gha Mahwətə ne, tiɗiɗi na. Ma ghen'yɛ le ŋa n'yɛ ne, hawe ya te ghen'yɛ tsetsenya, ghen'yɛ ka Zhɛrəzalɛm, ka Zhəwda ba'a pɛtɛa kweci ka Israyɛl nyi dekwede dekwede keɗema nyi cakeɗa cakeɗa, dzeyi te pɛtɛa hɛɗi nyi ŋkeyi hɛ na tewəmbəreke beze ghena nya menete ŋa hɛ.

Ɓela 6:27

Ma vəa ŋkwa nya tehekɛame sləa ɗa ka dzeghe Shala kezha wəpi ka Israyɛl ne, kateve nda wəpi ta ɗa 'ya le ghəa ɗa ke hɛ.»

1 Ka Korɛnte 1:2

Ke Jikə ta ka Kriste nya kaŋa Shala mbe Korɛnte, ke mbeli nyi keveyi geva tekeleke laka Yɛsə Kriste, nyi hekakɛ Shala yitea nza kambelia ŋkɛ zlaɓe le mbeli nyi kehekɛme sləa Nde sleke ɓəmə Yɛsə Kriste te yayata ŋkwa. Yɛsə nde sleke hɛ kala nya sleke ɓəmə ŋkɛ.