Daniyɛl 9:16 - Ghena ta Shala

¹⁶ Shala yawe, ma laka tiɗiɗia ŋa ne, kelemte ghwə ta hwepe wənəa ŋa seyi kənəa Zhɛrəzalɛm, meleme ta ŋa, ghweme ta ŋa nya keveyi geva tekeleke. Ma tewəmbəreke yɛ fete ta n'yɛ ba'a yɛ jaɗafa ta ka shihɛ n'yɛ ne, Zhɛrəzalɛm ba'a mbelia ŋa yaŋele pɛtɛa hwelefefi nyi dzeyi yitea ghen'yɛ.

Daniyɛl 9:16 Iomraidhean Croise

Nɛhɛmi 9:8

Nahe na keneweve nza ta ŋkɛ dɛŋe dɛŋe te gha. Nahe na kemenete jikə geva le gheŋkɛ: nahe na kemeɗeyi kave nda hɛɗia ka Kanan, ŋa ka Hava, ŋa ka Amor, ŋa ka Pɛrɛs, ŋa ka Zhɛbəs ba'a ŋa ka Girgash ke ka shihɛnyɛ. Nahe na keyipəyi meɗe mɛa ŋa kwa, kwa nza na kawəndə nya tiɗiɗi.

Cimə 143:1

Ciməa David. Mahwətə yawe, fa səkwə ta ɗa, ve sleme yitea lewela ta ɗa. Ma laka ganyɛa ŋa ba'a tiɗiɗia ŋa ne, zhɛnete ɗa.

Cimə 31:1

Se va wəndə nya te ghəa cimə. Ciməa David.

Cimə 41:13

Nahe na kekemanakɛ ɗa, kendeke ɗa lɛŋelɛ, nahe na keveyi ɗa kwa kema ta ŋa kaghala ghala.

Cimə 71:2

Katembele ɗa na ba'a katepele ɗa na werete mbe nza tiɗiɗia ŋa. Ve sleme laka 'ya ba'a mbele ɗa.

Cimə 79:4

Kaŋele n'yɛ hwelefefi nyi dzeyi yitea ghen'yɛ, kaŋ'wəshi n'yɛ ba'a kayiɗə n'yɛ mbeli nyi dzeyi yitea ghen'yɛ.

Cimə 85:4

Nahe na keghereŋete beze ta wənəa ŋa, nahe na kesərəakɛ ghwə ta hwepe wənəa ŋa.

Cimə 89:51

Shala yawe, zəzəte ka mene slene ta ŋa nyi ŋ'wəshi mbeli, pɛtɛa mbeli nyi te dzeve nyi va 'ya.

Shave 20:5

Gwəɗəŋəma na kwa kema ta pa ta wəshia shɛhɛ ma, hawema na va hɛ ma. Kwa nza ŋkɛ ne, 'ya ya kaMahwətə Shala ta ŋa, Shala nya kezlɛ. Ma kebezemte ɗa ghena wəndə ne, kateme 'ya te wəndəa shɛ, te ŋwalea ŋkɛ, hwa'a te kwa maheke keɗema kwa wəfaɗe ta hwelefe.

Ɛzayi 5:25

Vatse hwepete wənə Mahwətə va mbelia ŋkɛ. Nahe ŋkɛ kekafete dzeve kezha ɗa hɛ. Kagaŋkəɗə yɛ ghweme, təɗəmə təɗəmə mbeli nyi kempə mpə dzeyi kwa yɛ hweŋkwa kala kəsə. Ya tsagha shɛ ŋkɛ ne, kegweɗakwe wənəa Mahwətə ba'a kekelakawa dzeve ta ŋkɛ ŋkɛ we.

Zhɛrɛmi 24:9

Ma tsagha, pɛtɛ teghazlənə ŋkwa nyi te hɛɗi lema kenakɛ hɛ hɛ. Te yayata ŋkwa nya tazeyi hɛ 'ya ne, hɛ ya kaghena heca nyi sla mbeli keɗema kaghena keyiɗə ŋkwa, kacimə keŋele ŋkwa keɗema kaghena kebezla ŋkwa.

Zhɛrɛmi 29:18

Katekeka hɛ 'ya le mpa, ma ba'a ba. Katebare bare mbeli nyi te hɛɗi nyi ketenakɛ hɛ pɛtɛ te hɛɗi lema va ghazlənə. Mbe hɛɗi nyi tetazeyi hɛ 'ya ne, hɛ katenza kawəsə kebezla ŋkwa keɗema kawəsə kwa ndiremi, kawəsə keghazlənə keɗema kawəsə hawe.

Zhɛrɛmi 32:31

Nahe meleme nya kehwepete ɗa wənə ba'a kebezemte ɗa wənə se te veci nya ŋslete mbeli pa ɓeshi. Nda 'ya kakelemte kwa kema ta ɗa.

Zhɛrɛmi 32:32

Nahe wənəa ɗa kebezenyɛ va wəshi nyi ndiremi nyi menete ka Israyɛl le ka Zhəwda, tsagha va ka meghea nci, mbelia nci nyi te ghə, ka dzeghe Shala ta nci, ka mɛ ŋkwa ta nci, ka Zhəwda ba'a va mbeli nyi mbe Zhɛrəzalɛm.

Ɛzɛkiyɛl 22:4

Nde beze ghena na va mimia mbeli nyi kempə mpə nyi, nahe na kezhɛre ŋa wale wale va wəshi nyi zhɛre mbeli kashala nyi mene mbeli nyi mbe gha. Tsagha ne, nahe na kentamte hɛa ŋa ba'a kentsehe te kwa keɗaŋe ta hɛa ŋa. Vatse vate hawe 'ya te gha kwa kema ta kweci hwelefefi ba'a ŋ'wəshi ŋa mbeli nyi te kweci hɛɗi.

Ɛzɛkiyɛl 5:14

Katenewe kweci hwelefefi nyi dzeyi yitea gheyɛ ba'a pɛtɛa mbeli nyi ketedzeyi vare tsema tsema ŋzlamte Zhɛrəzalɛm 'ya ba'a vate hawe 'ya te.

Daniyɛl 11:45

Katemɓe cɛ lekwesa meghea ŋkɛ ŋkɛ kwelɛ yɛ ndərə le ghweme nya keveyi geva tekeleke ta hɛɗi nya ganyɛ ma. Tagha teceha ŋkɛ mte kaɗema wəndə shɛ kezha kemane ŋkɛ.

Daniyɛl 9:20

Nda ghə yasəkwə 'ya, nda yɛ jaɗafa ta ɗa ba'a ŋa Israyɛl, hwelefe ta ɗa yancɛ 'ya ba'a nda dzeve yampi nda 'ya ke Shala Mahwətə ta ɗa, te ghəa ghweme nya keveyi geva tekeleke kaŋa Shala ta ɗa.

Zakari 8:3

Vatse gɛ, ma 'ya, 'ya Mahwətə: Katezhɛne geva 'ya kadzembe Siyon, katenza 'ya mbe Zhɛrəzalɛm zhɛkwa. Kateheka nda slə mbeli ke Zhɛrəzalɛm ‹kaMeleme ta kaganda› ba'a ke ghweme ta Mahwətə nde berete ‹kaGhweme nya keveyi geva tekeleke.›

2 Tɛsalonike 1:6

Ghəpə yite we, katemene wəsə nya tiɗiɗi Shala. Ma kala nya sahwe yaka yɛ va mbeli ne, tsagha shɛ tesa yaka hɛ va Shala perə.

1 Zhaŋe 1:9

Ama kencɛte jaɗafa ta ɓəmə gheɓəmə ne, wərə gheɓəmə kavate ghə te Shala, kwa nza ŋkɛ nahe ŋkɛ kenza tiɗiɗi: katekele jaɗafa ta ɓəmə ŋkɛ seyi te wənə ba'a kateyaɓe ɓəmə ŋkɛ va yayata wəsə kwa ndiremi.

1 Saməyɛl 2:7

Kazhɛre wəndə Mahwətə kande titikwə, kazhɛre wəndə ŋkɛ kande mcɛlə, kashifə ŋkwa ŋkɛ, kakafe ŋkwa ŋkɛ.