Daniyɛl 9:14 - Ghena ta Shala

¹⁴ Vatse se na ɗeke ɗeke kezha ve ndiremia shɛhɛ te ghen'yɛ. Kwa nza ŋkɛ ma gha Shala Mahwətə ta n'yɛ ne, tiɗiɗi na mbe wəshi nyi mene na pɛtɛ, ama kefate ŋa ghena ta ŋa ghen'yɛ we.

Daniyɛl 9:14 Iomraidhean Croise

2 Wəshi nyi Mene Ka Meghe 12:6

Pa meghe le mbelia jama ta ka Israyɛl ɗepete fete ta nci: «Kaganda ghena ta Mahwətə!»

Ɛsdras 9:15

Shala Mahwətə ta ka Israyɛl, tiɗiɗi na: ɓeshi nya ne, mbeli nyi ketene yitea mte ghen'yɛ. Wa nyi ghen'yɛ nyi kwa kema ta ŋa le fete ta n'yɛ, ndagwara mbe nza nya kala nya ne, wəndə shɛ kanzate nza kwa kema ta ŋa we.»

Nɛhɛmi 9:33

Ma gha ne, le hweŋkwa ta ŋkɛ menete n'yɛ wəshi nyi na, kwa nza ŋkɛ kaganda yamenete na, ama ghen'yɛ ne, le 'yaghwa mehele menete n'yɛ.

Cimə 111:7

Nahe wəshi nyi mene ŋkɛ kenza kaganda ba'a tiɗiɗi, gezleŋe ghə shɛ mbe pɛtɛa ghena nyi geze ŋkɛ we.

Cimə 116:5

Mahwətə ya kande ganyɛa mehele nahe ŋkɛ kenza tiɗiɗi. Shala ta ɓəmə ya kande zhɛ heli.

Cimə 119:137

Mahwətə yawe, tiɗiɗi na, kaganda ghena nyi tarete na.

Cimə 51:14

Ndeke ɗa zlama ta nza kembele mbele, kemane ɗa laka mehele ganyɛ.

Shave 9:27

Hekakwe Farawon sha yɛ Moyize le Aron, ma ke sha hɛ: «Ma ɓeshi gɛ ne, nahe 'ya kebezemte ghena. Ka beze ghena ghen'yɛ le mbelia ɗa, ma Mahwətə le ŋa ŋkɛ ne, tiɗiɗi ŋkɛ.

Zhɛrɛmi 12:1

Mahwətə, ketiɗiɗi na kezha ghəpə 'ya le gha. Ndagwara kaɗe 'ya kaghəpə le gha te ghena ta nza tiɗiɗi. Wa raberə nda jive ka 'yagha mehele mbe kema mbe kema wa? Wa raberə nda nza ka mbəɗəkwə kwelɛŋe wa?

Zhɛrɛmi 31:28

Pa te və nya ne, nahe 'ya kezhɛrave nda wəmbə ke hɛ, nteɗe, tsasle, ŋzla, beze ba'a mene wəsə kwa ndiremi ya kaslene ta ɗa. Ama tsetsenya ne, 'ya katezhɛre nda kema ke hɛ, zhɛne kaŋa ba'a kamɓe ka tenza kaslene ta ɗa. 'Ya Mahwətə nde gezete.

Zhɛrɛmi 4:17

Kala ka ya wəve nyi kedzaslete wəve dzaslete Zhɛrəzalɛm hɛ. ‹Fama ghena ta ŋkɛ va 'ya nde ndave nda, wa'a ke Mahwətə.›

Zhɛrɛmi 44:27

Kateve ntsə 'ya te gheyɛ kezha ve ŋayɛ zeɗe nza we, ama kezha ve ndiremi. Rayɛ tenza sebe te ka Zhəwda nyi te hɛɗia Ɛzhipte va mpa keɗema va ma.

Yɛ Ŋgaɗe ghə 1:5

Nahe ka ghema ta ŋkɛ kese berete ma, nahe ka jaga ta ŋkɛ kenza gwezlayɛ. Kwa nza ŋkɛ Mahwətə nde sa nda yaka va kwele kwele ta fete ta ŋkɛ. Nahe ŋwalea ŋkɛ keslə kaka mavashi va ka ghema.

Ɛzɛkiyɛl 16:43

Ma kwa ɗema na kezəzəte və nyi se na kawəzege ba'a kwa bezemte ɗa wənə na le slene ta ŋa nyi ne, ma 'ya le ŋa ɗa gɛ, kateve dzeghwa ta ŋa 'ya kwa ghəa ŋa. 'Ya Shala Mahwətə nde gezete. Ashɛ wəsə nya wale wale nya zhɛ ŋkwa hawe ve yajikəave na vare wəshi nyi ndiremi ndiremi kashasha ta ŋa wəka?

Daniyɛl 4:34

Ma tsetsenya, 'ya Nabəkodonozor ne, 'ya katsa nda hana, katsahe ba'a kave zləvə te Meghe nya pelɛ ghweme. Kwa nza ŋkɛ ne, nahe yɛ slene ta ŋkɛ kenza kakaganda ba'a nahe yɛ dzeghwa ta ŋkɛ kenza kanza tiɗiɗi, wərə ŋkɛ kashifəmte mbeli nyi kekele ghəa nci.»

Daniyɛl 9:7

Ma gha, gha Mahwətə ne, tiɗiɗi na. Ma ghen'yɛ le ŋa n'yɛ ne, hawe ya te ghen'yɛ tsetsenya, ghen'yɛ ka Zhɛrəzalɛm, ka Zhəwda ba'a pɛtɛa kweci ka Israyɛl nyi dekwede dekwede keɗema nyi cakeɗa cakeɗa, dzeyi te pɛtɛa hɛɗi nyi ŋkeyi hɛ na tewəmbəreke beze ghena nya menete ŋa hɛ.