Daniyɛl 9:12 - Ghena ta Shala

¹² Nahe na kemenete wəsə nya gezete na te ghəa n'yɛ ba'a te ghəa mbeli nyi kese kasleke n'yɛ. Nahe na keghweneke ndiremi nyi jama jama kadzeghəa ghen'yɛ mbe Zhɛrəzalɛm. Wəndə shɛ kegha kanakɛ ndiremi nyi kala nyi te hɛɗi lema we.

Daniyɛl 9:12 Iomraidhean Croise

1 Ka Meghea Kɛfi 3:9

Ndeke ɗa ntsehwele ganyɛ 'ya nya kamava ta ŋa yitea nza 'ya le mehele kasleke mbelia ŋa, kezha ɗepe ghala kwelɛ wəsə nya ganyɛ le nya ndiremi, keɗema tsagha ne, tsema nza wəndə kaslekete mbelia ŋa nyi nza nyi zləvə te hɛ zlahe wa?»

2 Ka Meghea Kɛfi 22:16

«Wa nya ghena nya gezete Mahwətə nya: 'Ya kateɗa Zhɛrəzalɛm ba'a mbelia ŋkɛ le beze nya ndiremi kala nya kerafete geva mbe palepa nya jaŋgate meghea ka Zhəwda.

Palepa ta JOB 12:17

Kave nda dzeghwa le seɗa ŋkɛ ke ka sleke hɛɗi ba'a kave nda 'yi'yɛghwə ŋkɛ ke ka meha ghwə.

Cimə 148:11

ka meghea kɛfi nyi te hɛɗi ba'a mbeli pɛtɛ, mbeli nyi te ghə ba'a pɛtɛa ka meha ghwə nyi te hɛɗi,

Cimə 2:10

Ma tsetsenya gɛ ka meghea kɛfi, nza mə kentsehwele ntsehwele. Fate mə ghena, gheyɛ ka meha ghwə nyi te hɛɗi lema.

Yɛ Ghena Ŋela 8:16

Te zlaɓa ta ɗa ne, kasleke ŋkwa mbeli nyi te ghə ba'a kanza pɛtɛa mbelia jama kaka meha ghwə nyi tiɗiɗi.

Ɛzayi 43:28

Tagha gɛ, pa 'ya kelemte zləvə te mbeli nyi te ghəa ŋkwa nya keveyi geva tekeleke, pa 'ya pelave nda hwelefe ta Zhakob ke za ba'a wəfəyite nda Israyɛl ke ka jaga nyi keŋele ŋkɛ.»

Ɛzayi 44:26

Kateyipə ghena ta nde mene slene ta ɗa 'ya kadzawa, katemene wəsə nya gezete ka ghwene ta ɗa 'ya. Ma 'ya sha geze nda ke Zhɛrəzalɛm: ‹Katezhɛne mbeli kanza mbe gha.› Ma 'ya sha geze nda ke meleme nyi mbe Zhəwda: ‹Katezhɛne mbeli kaŋa ŋayɛ›, katezhɛne mbeli kaŋa ŋkwa nyi keŋzlanji.

Zhɛrɛmi 30:7

Ayaga! Veci nya dzawe ŋkɛ, kwete veci shɛ kayipə geva le we. Vəa yaka ŋkɛ sha mbelia Zhakob! Ama pɛtɛ tembele hɛ ve.»

Zhɛrɛmi 32:23

Nahe hɛ kese kakelete kaŋa nci, ama kese hɛ kafa ŋa ghena we, kese kamene slene le wəshi nyi tekete nda na ke hɛ we, hɛreɗɛ hɛ ɗema mene wəshi nyi 'yɛwete na va hɛ kamene. Vatse vate ndiremi nyi na pɛtɛ te hɛ.

Zhɛrɛmi 39:16

«Kwiɗi shɛ na gezete nda ke Ɛbɛd-Mɛlɛk nya kande Ɛtiyopi: ‹Wa nya ghena nya geze Mahwətə nde berete, Shala ta ka Israyɛl nya: Nahe 'ya kezlapete nda ndiremi ke mbeli nyi mbe meleme nya, ama zeɗe nza we. Vatse gɛ ne, 'ya katemene wəsə nya gezete 'ya, katenakɛ na le ntsə ta ŋa.

Zhɛrɛmi 44:23

Ma ndiremi nya te gheyɛ nya ɓeshi ne, va nya se yɛ kadzeghe nda melɛ ke kweci shala, nahe yɛ kemenete nda fete ke Mahwətə, kese yɛ kafa ghena ta ŋkɛ we, ya mene slene le wəshi nyi tekete ŋayɛ ŋkɛ, le ghena nyi gezeke ŋkɛ le yɛ ncɛ ntsehwelea ŋkɛ kala nya newe nya mbeli tsetsenya.»

Yɛ Ŋgaɗe ghə 1:12

Gheyɛ pɛtɛa mbeli nyi kedzeghwa, kekwaɗakɛ ŋayɛ ndiremi nya we. Newevema mə ba'a marevema mə: kwete yaka shɛ kala nya te 'ya, kala nya vate Mahwətə te 'ya te vecia ghwə ta hwepe wənəa ŋkɛ we.

Yɛ Ŋgaɗe ghə 2:13

Meleme ta Zhɛrəzalɛm, keɗepe ghena kegeze 'ya ŋa zhɛkwa we. Wəsə shɛ kayipəte geva nza ta ŋa le we. Meleme ta Siyon nya ganyɛ, wa wəsə keyipə pa nya geze ŋa 'ya kezha gweɗakwete ŋa wa? Nahe ndiremia ŋa kenza wəbake kala ndərə. Wa nde nza kambete ŋa wa?

Yɛ Ŋgaɗe ghə 2:17

Nahe Mahwətə kemenete wəsə nya zəzəte ŋkɛ, nahe ŋkɛ keyipəyi ghena ta ŋkɛ kwa, ghena nya tarete ŋkɛ vəashi. Nahe ŋkɛ keŋzlamte ŋa kakwa zhɛma heli. Nahe ŋkɛ kendeke nda zlama ke nde ghema laka ndiremia nya te gha, nahe ŋkɛ kemtsehete berete ke ka jaga ta ŋa.

Yɛ Ŋgaɗe ghə 4:6

Nahe fete ta hwelefe ta ɗa kenza wəba ma ke fete ta mbeli nyi mbe Sodome. Kala metɛ ta ntsə zamte geva melemea shɛ. Wəndə shɛ keslave kasate te ŋkwa yite we.

Ɛzɛkiyɛl 13:6

Wəshi tseŋwə ba'a ghena ghwete ŋkwa ya va hɛ. ‹Wa nya ghena nya geze Mahwətə nya› ke hɛ sha geze kaɗema 'ya Mahwətə keghwenakɛ hɛ. Ma zəzə hɛ ne, kateve ghə 'ya te ghena ta nci.

Ɛzɛkiyɛl 5:9

Ma va wəshi nyi ndiremi ndiremi kashasha pɛtɛ nyi menete yɛ ne, katemene ŋayɛ wəsə nya ghama 'ya kamenete 'ya, wəsə nya ɗema 'ya mba katemene tɛape.

Daniyɛl 12:1

Ma ke nde ghwene ta Shala sha 'ya zhɛkwa: «Ma te vəa shɛ ne, katenca Mishɛl, wəndə nya te ghəa ka ghwene ta Shala nya keya hwelefe ta ŋa. Katenza vəa shɛ kavəa yaka nya keghama kase ghala nza hwelefefi hwa'a te və nya. Tagha gɛ, katembele pɛtɛa hwelefefia ŋa nyi nza sləa nci kerafe rafe te palepa ta mpi.

Zhowɛl 2:2

Nahe ŋkɛ kenza kavecia ŋkwesle ba'a viɗi, kavecia ləmbə ba'a meləkwə ləkwə. Se yase ləmbəa yɛ dzale, nahe hɛ kenza kwele kwele ba'a keberete beretenji, yipə yipə le viɗi nya kedəpə geva kənəa yɛ ghweme. Kegha mbeli kanakɛ wəsə nya kala nyagha we, katezhɛne mbeli kanakɛ ŋkɛ tɛape we.

Amos 3:2

«Hwa hwelefe nyi te hɛɗi pɛtɛ ne, deke gheyɛ yaɗehwe 'ya. Vatse teme 'ya te gheyɛ te fete nyi menete yɛ pɛtɛ.»

Zakari 1:6

Ndagwara ma ghena ba'a wəshi nyi gezave nda 'ya ke ka mene slene ta ɗa nyi kaka mɛ ŋkwa ne, nahe hɛ kekeseke mehele ta ka shihɛ ŋayɛ. Pa hɛ zhɛrete nza ta nci, ma ke hɛ: ‹Nahe Mahwətə nde berete ketarete kamene ɓəmə kala dzeghwa ta ɓəmə ba'a slene ta ɓəmə, tsagha shɛ menete ɓəmə ŋkɛ.›»

Zakari 1:8

Ma heviɗia shɛ ne, pa 'ya nakɛ wəndə pelɛ gədəwə kwa gheme. Meghereŋe ŋkɛ hwa sewahe nyi kwa zlərə. Kwa sebe ta ŋkɛ ne, kweci gədəwə nyi ghemea ghemea, nyi mede mede ba'a nyi ghwaba ghwaba ya shɛ.

Zakari 7:12

Pa hɛ zhɛrete ghə ntɛaŋe ntɛaŋe kala kwacaregesla kezha ɗema fa wəshi nyi teke nda Mahwətə nde berete ke hɛ ba'a ghena nyi geze nda ŋkɛ ke hɛ laka sefəa ŋkɛ, le mɛa ka mɛ ŋkwa nyi vəashi. Vatse hwepenyɛ wənəa Mahwətə kwele kwele.

Matiye 24:21

Kwa nza ŋkɛ ma te vecia shɛ ne, za ma tenza yaka shɛ ke yaka nyi sahwe mbeli ghala ghate geva hɛɗi pa tsetsenya, katenza kwete shɛ kala gheŋkɛ we.

Matiye 5:18

Kaganda ne, ma 'ya sha gheyɛ: kala nya tetemə ghweme ba'a hɛɗi ne, katentamte geva kwete wəsə shave mbe wəshi mahalegəa Shala ya kala ghəa zhiwə ŋkɛ we. Tsagha tenza ŋkɛ hwa'a te kiɗi ta hɛɗi.

Mark 13:19

Kwa nza ŋkɛ ma te vecia shɛ ne, za ma tenza yaka shɛ ke yaka nyi sahwe mbeli ghala ghate geva hɛɗi, kwa ghala pate wəshi Shala pa tsetsenya, katenza kwete shɛ kala gheŋkɛ we.

Ləwke 21:22

Kwa nza ŋkɛ te vecia shɛ tewa dewa Shala, katemene geva wəshi nyi pɛtɛ kala nyi kerafete geva.

Ka Rome 15:8

Vatse nda geze 'ya fəyitekeghə, nahe Kriste kezhɛrete ghəa ŋkɛ kande mene slene ta ka Zhəwif kezha yipə meɗe mɛa Shala le ka shihɛ nci, nahe ŋkɛ kencɛte nda ke mbeli kaɗema Shala kazhɛre mehele.