Daniyɛl 9:11 - Ghena ta Shala

¹¹ Nahe pɛtɛa ka Israyɛl kedzawanji wəmbəa wəsə mahalegəa ŋa ba'a kazhɛrete wəmbə kezha fama ghena ta ŋa. Nahe ghen'yɛ kemenete ŋa jaɗafa. Tagha gɛ, pa bezla nya kemeɗeyi geva mbe wəsə mahalegəa Moyize, nde mene slene ta ŋa, dzeghənyɛ kənəa ghen'yɛ.

Daniyɛl 9:11 Iomraidhean Croise

2 Ka Meghea Kɛfi 18:12

Ma nda menete nda geva wəshi nyi ke ka Israyɛl ne, va nya ɗema hɛ fa ghena nya gezeke Shala Mahwətə ta nci kese hɛ kayipə jikə geva le we. Kese hɛ kafa we, kese hɛ kamene kala ghena nyi gezeke Shala laka Moyize, nde mene slene ta Mahwətə we.

2 Ka Meghea Kɛfi 22:16

«Wa nya ghena nya gezete Mahwətə nya: 'Ya kateɗa Zhɛrəzalɛm ba'a mbelia ŋkɛ le beze nya ndiremi kala nya kerafete geva mbe palepa nya jaŋgate meghea ka Zhəwda.

Ɛzayi 1:3

Nahe mca keɗepe wəndə ke gheŋkɛ, nahe kwara keɗepe dzebene nya ve nda wəsə kezeme nde sleke ŋkɛ kwa. Ama wəsə shɛ keɗepe ka Israyɛl we, wəsə shɛ kafave mbelia ɗa we.»

Ɛzayi 43:28

Tagha gɛ, pa 'ya kelemte zləvə te mbeli nyi te ghəa ŋkwa nya keveyi geva tekeleke, pa 'ya pelave nda hwelefe ta Zhakob ke za ba'a wəfəyite nda Israyɛl ke ka jaga nyi keŋele ŋkɛ.»

Zhɛrɛmi 16:11

Ma tezhɛne nda na ke hɛ gɛ: ‹Wa nya ghena nya geze Mahwətə nya: Va nya wəfəyite ɗa ka shihɛ ŋayɛ kalənji yitea kweci shala kezha hawe va hɛ ba'a kezha gwəɗəŋə kwa kema ta nci. Nahe hɛ kewəfəyite ɗa, kese hɛ kave wəshi nyi tekete nda 'ya ke hɛ yitea ghə we.

Zhɛrɛmi 2:29

Yitea wa nehwene ɗa nehwene yɛ wa? Pɛtɛa ŋayɛ keɗema ghena ta ɗa, wa'a ke Mahwətə.

Zhɛrɛmi 30:14

Pɛtɛa ka meghwateshia ŋa kezaghəyite ŋa, kezhɛne hɛ kaɓela ŋa we. Kwa nza ŋkɛ ne, nahe 'ya keɗate ŋa kala wəsə nya nza 'ya kande jaga ta ŋa, dzawe se 'ya ka'yɛ ŋa tewəmbəreke wəba ta fete ta ŋa, tewəmbəreke kwelea jaɗafa ta ŋa.

Zhɛrɛmi 32:23

Nahe hɛ kese kakelete kaŋa nci, ama kese hɛ kafa ŋa ghena we, kese kamene slene le wəshi nyi tekete nda na ke hɛ we, hɛreɗɛ hɛ ɗema mene wəshi nyi 'yɛwete na va hɛ kamene. Vatse vate ndiremi nyi na pɛtɛ te hɛ.

Zhɛrɛmi 40:3

Ma tsetsenya ne, nahe ŋkɛ kemenete wəsə nya gezete ŋkɛ, kwa nza ŋkɛ fete ya va gheyɛ kwa ɗema yɛ kese kahawe va ghena nyi gezete ŋayɛ ŋkɛ. Vatse menete ŋayɛ geva wəshi nyi.

Zhɛrɛmi 44:22

Kazhɛne Mahwətə kasəwəte yɛ slene ba'a wəshi nyi ndiremi ndiremia ŋayɛ tɛape we, vatse nda zhɛrenyɛ hɛɗia ŋayɛ kakwəfi, kaɗema mbeli te. Nahe ŋkɛ kezhɛrenyɛ kawəsə kebezla ŋkwa kala nya newe nya mbeli tsetsenya.

Zhɛrɛmi 44:23

Ma ndiremi nya te gheyɛ nya ɓeshi ne, va nya se yɛ kadzeghe nda melɛ ke kweci shala, nahe yɛ kemenete nda fete ke Mahwətə, kese yɛ kafa ghena ta ŋkɛ we, ya mene slene le wəshi nyi tekete ŋayɛ ŋkɛ, le ghena nyi gezeke ŋkɛ le yɛ ncɛ ntsehwelea ŋkɛ kala nya newe nya mbeli tsetsenya.»

Zhɛrɛmi 6:19

Mbeli nyi te hɛɗi lema pɛtɛ, fate mə: 'Ya katekele ndiremi kase kadzete mbeli nyi kazhɛme ta wəshi nyi ndiremi ndiremia nci. Kese hɛ kave mehele te yɛ ghena ta ɗa we, tereke hɛ betakɛ wəshi nyi tekave nda 'ya ke hɛ.

Daniyɛl 9:13

Kala nya kerafete geva mbe wəsə mahalegəa Moyize ne, nahe pɛtɛa ndiremia shɛhɛ kedzeghəa ghen'yɛ. Ama kese ghen'yɛ kazele gweɗakwe ŋa wənəa ŋa, gha Shala Mahwətə ta n'yɛ we, kese ghen'yɛ kazhɛre nda wəmbə ke yɛ jaɗafa ta n'yɛ we, kese ghen'yɛ kaɓela kaganda ta ŋa we.

Daniyɛl 9:5

Nahe ghen'yɛ kemenete jaɗafa, nahe ghen'yɛ kemenete fete, nahe ghen'yɛ kese kaka ndiremia mehele ba'a kaka fama ghena, nahe ghen'yɛ kezhɛrave nda wəmbə ke ghena ba'a ke wəshi nyi gezete na.

Zakari 1:6

Ndagwara ma ghena ba'a wəshi nyi gezave nda 'ya ke ka mene slene ta ɗa nyi kaka mɛ ŋkwa ne, nahe hɛ kekeseke mehele ta ka shihɛ ŋayɛ. Pa hɛ zhɛrete nza ta nci, ma ke hɛ: ‹Nahe Mahwətə nde berete ketarete kamene ɓəmə kala dzeghwa ta ɓəmə ba'a slene ta ɓəmə, tsagha shɛ menete ɓəmə ŋkɛ.›»

Zakari 7:12

Pa hɛ zhɛrete ghə ntɛaŋe ntɛaŋe kala kwacaregesla kezha ɗema fa wəshi nyi teke nda Mahwətə nde berete ke hɛ ba'a ghena nyi geze nda ŋkɛ ke hɛ laka sefəa ŋkɛ, le mɛa ka mɛ ŋkwa nyi vəashi. Vatse hwepenyɛ wənəa Mahwətə kwele kwele.

Zakari 8:13

Ka Zhəwda ba'a ka Israyɛl, kala ka bezla bezla se yɛ hwa kweci hwelefefi. Ama tsetsenya ne, 'ya kambele ŋayɛ, katenza yɛ kambeli nyi kewəpi wəpi. Ghazlənəma yɛ ma, hwepe mə ghə!»

Zhɛne Ghwelə yitea Wəshi Mahalegə 8:20

Kateza sebe te gheyɛ kala kweci mbeli nyi zamte sebe Mahwətə te hɛ mbe kema ta ŋayɛ, va nya ɗema yɛ kese kafa nda ghena ke Shala Mahwətə ta ŋayɛ.