Daniyɛl 8:9 - Ghena ta Shala

⁹ Pa kwete tereme pesenyɛ shave mbe nya ɓɛhwɛ ma hwa teremea shɛhɛ ba'a kelenyɛ kebiyanyɛ dzawa laka bela kwa zeme, jive laka ŋkwa kesame ta veci ba'a jive laka hɛɗi nya ganyɛ ma.

Daniyɛl 8:9 Iomraidhean Croise

Cimə 105:24

Pa Shala ndeke ŋwale kwele kwele ke mbelia ŋkɛ, pa zhɛrete hɛ berete ma ke ka ghema ta nci.

Cimə 48:2

Mahwətə ya wəba, nahe ŋkɛ kehi katsahe ŋkɛ mbeli mbe meleme ta Shala ta ɓəmə, pelɛ ghweme ta ŋkɛ nya keveyi geva tekeleke.

Zhɛrɛmi 3:19

Ma se 'ya kageze mbe ghəa: «Kaɗe 'ya kaveyi ŋa kande ghate hwa ŋwalea ɗa, kandeke ŋa hɛɗi nya shiwə mbeli le, ŋkwa nya ganyɛ ma te hɛɗi pɛtɛ!» Ma zəzə 'ya ne, kateheka ɗa na “Kayita yawe”, mba na katezhɛre ɗa wəmbə we.

Ɛzɛkiyɛl 20:15

Ɓiyitsa ne, pa 'ya gezete nda gheci gheci ke hɛ kwamte te ɓerama kezha ɗema kafə hɛ kadzete hɛɗi nya ndeke nda 'ya ke hɛ, hɛɗi ganyɛ nya mene wəshi te, nya ganyɛ ma hwa hɛɗi pɛtɛ.

Ɛzɛkiyɛl 20:6

Ma te vecia shɛ ne, nahe 'ya kegezete nda gheci gheci ke hɛ kezha fə hɛ shave mbe hɛɗia Ɛzhipte kadzete hɛɗi nya ntave 'ya kezha hɛ: hɛɗi ganyɛ nya mene wəshi te, nya ganyɛ ma hwa hɛɗi pɛtɛ.

Daniyɛl 11:16

Ma wəndə nya ketelə shɛ ne, wəsə nya ɗe meghea shɛ yatemene ŋkɛ, wəndə shɛ kateghereŋe kwa kema ta ŋkɛ we. Katenza ŋkɛ te hɛɗi nya ganyɛ ma, kwa sebe ta nya mpəakawa ŋkwa ŋkɛ.

Daniyɛl 11:21

Ma wəndə nya ketedzete meghe te ŋkwa ŋkɛ ne, wəndə nya ɓelama mbeli, wəndə nya hima mbeli kave nda meghe. Ama katedzete meghe ŋkɛ laka ntsehwelea ŋkɛ vəa ŋkwa nya nza hɛɗi gwezlayɛ.

Daniyɛl 7:8

Ma mba 'ya mbe newe teremea shɛhɛ ne, ntake kwete tereme mɛnɛfɛ, keɓɛhwɛnyɛ kapese kwelɛ kweci, pa nde betemte tereme mahekene. Ma te teremea shɛ ne, ntsə bake kala ŋa wəndə ŋelɛ ba'a mɛ nya kegeze ghena ŋkele ntsə ya shɛ.»

Zakari 7:14

Pa 'ya tetazeyi hɛ hwa mama ta hwelefe nyi ɗepema hɛ. Shalala nzanyɛ hɛɗia nci kwa sebe ta nci. Wəndə shɛ kadzembe, ya kashave mbe we. Pa hɛ zhɛremte hɛɗi nya ndeɗe nya kakwəfi.»