Daniyɛl 8:8 - Ghena ta Shala

⁸ Pa zhɛfa shɛ kelenyɛ kewəbanyɛ. Ama vəa ŋkwa nya nza ŋkɛ bereteke ne, pa tereme nya wəba ɓelenyɛ. Ma te ŋkwa ŋkɛ ne, pa kweci tereme nyi ve ntsə mbeli te hɛ wəfaɗe pesenji jive laka bela ta hɛɗi nyi wəfaɗe.

Daniyɛl 8:8 Iomraidhean Croise

2 Wəshi nyi Mene Ka Meghe 26:16

Ama pa berete nya ve ndeke nda kele ghə nya kevate teɗe te, pa ɗema nza dɛŋe dɛŋe te Shala Mahwətə ta ŋkɛ: ma te kwete hɛ, lahwe dzekinyɛ mbe ghɛa Shala katere 'wərdə te reghwetɛ ketere 'wərdə.

Ɛstɛr 9:4

Kwa nza ŋkɛ ŋkwa nya wəba ya va Mardoshɛ ki ghɛ meghe, nahe zləvəa ŋkɛ kepesleyi geva mbe sla ta hɛɗi pɛtɛ. Mtsehe yamtsehe kwelea Mardoshɛ.

Zhɛrɛmi 49:36

Se laka bela kwa gwela ba'a laka bela kwa zeme, laka ŋkwa kesame ta veci ba'a laka ŋkwa kepəkwə ta ŋkɛ ne, 'ya kaghwene sefə wəfaɗe kase kadzeghəa Ɛlam. Kwetɛ kwetɛŋe tetaze ka Ɛlam 'ya laka yayata bela. Hɛɗi shɛ nya ɗema ka Ɛlam nyi ketazemte geva katenza mbe we.

Zhɛrɛmi 5:27

Mpɛafe ghɛa nci va wəshi nyi fəke hɛ le mbəɗəkwə kala kwaciga nya nza 'yɛ pɛre te. Vatse zhɛrenji hɛ kaka berete ba'a kaka mcɛləa kɛfi,

Ɛzɛkiyɛl 16:7

Pa 'ya kelete ŋa kala wəsə nya kepese kwamte mbe wəve. Pa na pese, pa geva ta ŋa tsa ba'a pa na zhɛre ŋa kawəzha nya ndeɗe. Pa ŋ'wa shave te gha ba'a pa na hate shinti. Ama derelɛŋe lɛŋe na.

Ɛzɛkiyɛl 28:9

Kwa kema ta mbeli nyi ketepesle ŋa ne, kagezete na: ‹'Ya ya kashala› pa na? Wəndə ŋelɛ tenza na, kaɗema kashala mbe dzeve ta mbeli nyi ketepesle ŋa.

Daniyɛl 11:4

Ama vəa ŋkwa nya teheyi slərə ŋkɛ ne, katencɛhwe geva ba'a katenehe nda geva hɛɗia ŋkɛ ke bela ta hɛɗi wəfaɗe. Katedzete ŋkwa ŋkɛ ŋwalea ŋkɛ we. Kwa nza ŋkɛ ne, katenteɗemte geva meghea ŋkɛ ba'a katenza ŋkɛ kaŋa kweci mbeli sərə hɛ.

Daniyɛl 4:31

Kwa sebe ta və nya kesləyi geva ne, ma ke Nabəkodonozor: «Ma kiɗima ta va mberefaŋe ne, pa 'ya kafete kema dzeme yitea ghweme ba'a pa mehele zhɛneke ɗa geva. Ntake 'ya katsa nda hana ke Shala tehwə ghweme. Ntake 'ya katsahe ŋkɛ ba'a kave zləvə te sləa ŋkɛ. Nahe meghea ŋkɛ kenza kameghe nya kaghala ghala, nahe ŋkɛ kenza kameghe keshi keshi.

Daniyɛl 5:20

Ama pa zhɛrenyɛ kande kele ghə ba'a kande ntɛaŋentɛa ghə. Tagha gɛ, tseɗake ŋkɛ kelemte geva sawa te meghe ba'a rayɛ ŋkɛ zamte zləvəa ŋkɛ.

Daniyɛl 7:2

Wa nya nza ta wəsə nya ɓelate ŋkɛ nya: «Ma heviɗi ne, pa 'ya nakɛ sefə nya kese mbe bela ta hɛɗi wəfaɗe kawəvaɗe wəvaɗe ndərə nya wəba.

Daniyɛl 7:6

Ma newe 'ya kwa sebe ta ŋkɛ ne, pa 'ya nakɛ kwete wəsə keseɗa nya kala deghwava. Yɛ bidzəa 'yɛ ya wəfaɗe te wəmbəa ŋkɛ ba'a ghə wəfaɗe ya te wəsə keseɗa shɛ. Pa berete kesleke ŋkwa ndeke nda geva.

Daniyɛl 8:22

Ma tereme nya keɓelenyɛ ba'a tereme wəfaɗe nyi kepesenji te ŋkwa ŋkɛ ne, ka meghea kɛfi wəfaɗe nyi ketedzete ŋkwa ŋkɛ yancɛ hɛ, ama katekemave berete ta ŋkɛ hɛ we.

Daniyɛl 8:5

Ma mba 'ya kazəzə wəsəa shɛ ne, pa 'ya nakɛ zhɛfa kashave laka ŋkwa kepəkwə ta veci. Pa nde dzeghwamte hɛɗi lema kaɗema seɗa ta ŋkɛ kekwaɗakɛ hɛɗi. Tereme nya ve ntsə mbeli te ya kwelɛ ntsə va zhɛfa shɛ.

Daniyɛl 8:7

Kanewe ŋkɛ 'ya nda hendave nda geva nde ke gamea shɛ ba'a nda hwepete wənə nde ve. Pa ŋkɛ ɗate gamea shɛ ba'a felaŋemte tereme ta ŋkɛ nyi bake. Kapesle gamea shɛ yitea ɗa ŋkɛ we. Tagha gɛ, pa nde neghate ŋkɛ te hɛɗi ba'a ŋkeɗemte ŋkɛ. Wəndə shɛ kazləgwəke gamea shɛ ve we.

Matiye 24:31

Ma vəa ŋkwa shɛ ne, katevɛ geva veke, kateghwene ka ghwene ta ŋkɛ ŋkɛ kalə laka pɛtɛa bela ta hɛɗi wəfaɗe, katetsene mbelia ŋkɛ nyi tsehave ŋkɛ se te kwete mendɛkwe ta hɛɗi hwa'a te kwete.

Mark 13:27

Kateghwene ka ghwene ta ŋkɛ Shala kalə laka pɛtɛa bela ta hɛɗi wəfaɗe, katetsene mbelia ŋkɛ nyi tsehave ŋkɛ se te kwete mendɛkwe ta hɛɗi hwa'a te kwete.

Zhɛne Ghwelə yitea Wəshi Mahalegə 31:20

Kwa nza ŋkɛ ne, katefə mbelia shɛhɛ 'ya kadzete hɛɗi nya hwɛ ŋ'wa ba'a yɛməa mze, hɛɗi nya zemete 'ya kafela kave nda ke ka shihɛ nci. Katezeme wəshi kezeme hɛ behe behe ba'a katetsa geva ta nci. Ma kwa sebe ta ŋkɛ ne, katezhɛre nda geva hɛ ke kweci shala ba'a katemene nda slene hɛ ke hɛ. Kateɓelama ɗa hɛ ba'a katenehe jikə geva ta ɗa hɛ.

Ghena Kelɛŋə 7:1

Ma kwetere wəmbəa ŋkɛ, pa 'ya nakɛ ka ghwene ta Shala wəfaɗe meghereŋe laka bela nyi wəfaɗe ta hɛɗi. Pa hɛ keseve sefə nyi wəfaɗe te hɛɗi, yitea ɗema sefə kavɛ te hɛɗi, ya te ndərə ya kənəa yɛ wəfe.