Daniyɛl 8:5 - Ghena ta Shala

⁵ Ma mba 'ya kazəzə wəsəa shɛ ne, pa 'ya nakɛ zhɛfa kashave laka ŋkwa kepəkwə ta veci. Pa nde dzeghwamte hɛɗi lema kaɗema seɗa ta ŋkɛ kekwaɗakɛ hɛɗi. Tereme nya ve ntsə mbeli te ya kwelɛ ntsə va zhɛfa shɛ.

Daniyɛl 8:5 Iomraidhean Croise

Daniyɛl 11:3

Ama katedzete meghe katsala sewajɛ mbe Grɛse. Katesleke hɛɗi nya bezle ŋkɛ ba'a katemene wəsə nya ɗe ŋkɛ.

Daniyɛl 2:32

Nahe ghəa pa ta wəndəa shɛ kenza kamze kwa tere tere ganyɛ, hate ta ŋkɛ ba'a yɛ dzeve ta ŋkɛ kamze kwa tɛawetɛa, hwəa ŋkɛ ba'a yɛ basa ta ŋkɛ kamze kwa ghwə ghwə,

Daniyɛl 2:39

Ma kwa sebe ta ŋa ne, katese kwete meghe nya dewə berete ma ke ŋa ŋa. Zhɛne ne, kwa mahekene ta meghe nya ncɛ mze kwa ghwə ghwə nde tehərə ŋkwa nya te hɛɗi lema.

Daniyɛl 7:6

Ma newe 'ya kwa sebe ta ŋkɛ ne, pa 'ya nakɛ kwete wəsə keseɗa nya kala deghwava. Yɛ bidzəa 'yɛ ya wəfaɗe te wəmbəa ŋkɛ ba'a ghə wəfaɗe ya te wəsə keseɗa shɛ. Pa berete kesleke ŋkwa ndeke nda geva.

Daniyɛl 8:21

Ma zhɛfa ne, meghea ka Grɛk ŋkɛ. Ma tereme nya wəba nya kwelɛ ntsə ta ŋkɛ nya ne, nde ghate ta meghe yancɛ ŋkɛ.

Daniyɛl 8:6

Pa nde hendave nda geva ke game nya nakɛ nya 'ya bake tereme kwa ghəa ŋkɛ mɛa hələ. Tereŋe ŋkɛ yitea hwɛ kalə shɛ le pɛtɛa berete ta ŋkɛ.

Daniyɛl 8:8

Pa zhɛfa shɛ kelenyɛ kewəbanyɛ. Ama vəa ŋkwa nya nza ŋkɛ bereteke ne, pa tereme nya wəba ɓelenyɛ. Ma te ŋkwa ŋkɛ ne, pa kweci tereme nyi ve ntsə mbeli te hɛ wəfaɗe pesenji jive laka bela ta hɛɗi nyi wəfaɗe.