Daniyɛl 8:4 - Ghena ta Shala

⁴ Ma newe 'ya ne, kaɗa ŋkwa gamea shɛ le tereme laka ŋkwa kepəkwə ta veci, laka bela kwa gwela ba'a laka bela kwa zeme. Wəsə keseɗa shɛ kaghereŋe kwa kema ta ŋkɛ we, wəndə shɛ kazləgwəke ŋkwa ve we. Wəsə nya ɗe ŋkɛ yamene ŋkɛ ba'a nda mtsehe yamtsehe berete ta ŋkɛ.

Daniyɛl 8:4 Iomraidhean Croise

1 Ka Meghea Kɛfi 22:11

Pa Sidekiya, wəzege ta Kenana gezlate tereme kwa lɛ lɛ, ma ke: «Wa nya ghena nya gezeke Mahwətə nya: ‹Le tereme kwa lɛ lɛ ten'yi ka Siri na kala vələa mca.›»

Palepa ta JOB 10:7

Ndagwara nahe na keɗepe kaɗema 'ya kande jaɗafa ba'a kawəndə nya keɗema kambele va gha.

Cimə 44:5

Shala yawe, gha ya kameghea ɗa, gha nde ve nda hərə ŋkwa ke mbelia ŋa.

Cimə 50:22

Fave mə wəshi nyi, gheyɛ mbeli nyi kezaghə Shala. Ma keɗema nde tsagha ne, kateslekwe ŋayɛ 'ya. Tagha, wəndə shɛ katembele ŋayɛ we.

Cimə 7:2

Shala Mahwətə yawe, gha ya kaŋkwa kewəfərə ta ɗa. Mbele ɗa ba'a ya ɗa va pɛtɛa ka ghweze mɛ hwa 'ya.

Ɛzɛkiyɛl 34:21

Va nya tsetsəkwə nyi dewə berete yɛ le paslɛ paslɛa ba'a le slerepe, va nya mpə nda tereme yɛ ke nyi kese shewə va zereghwe yitea tazemte hɛ kwetɛ kwetɛŋe te ŋkwa nya nza gwəzə ne,

Daniyɛl 11:16

Ma wəndə nya ketelə shɛ ne, wəsə nya ɗe meghea shɛ yatemene ŋkɛ, wəndə shɛ kateghereŋe kwa kema ta ŋkɛ we. Katenza ŋkɛ te hɛɗi nya ganyɛ ma, kwa sebe ta nya mpəakawa ŋkwa ŋkɛ.

Daniyɛl 11:36

Wəsə nya zeɗehwe nda yamene meghea shɛ. Katekele ghəa ŋkɛ ŋkɛ ba'a kateve ghəa ŋkɛ te ghəa pɛtɛa yɛ shala. Kategeze ghena nyi ndiremi ndiremi te Shala ta yɛ shala. Katejive ŋkɛ mbe kema hwa'a te və nya tenca hwepe wənə ta Shala, kwa nza ŋkɛ katemene geva wəsə nya tarete Shala.

Daniyɛl 5:19

Ma tewəmbəreke kwele nya ndeke nda Shala ne, nahe pɛtɛa hɛɗi, pɛtɛa hwelefefi ba'a pɛtɛa ghena kese kabare bare va ghazlənə kwa kema ta ŋkɛ. Kapesle wəndə nya ɗe ŋkɛ ŋkɛ ba'a kasərə wəndə nya ɗe ŋkɛ ŋkɛ teghweme. Kave zləvə ŋkɛ te wəndə nya ɗe ŋkɛ ba'a kashifə wəndə nya ɗe ŋkɛ.

Daniyɛl 5:30

Ma mbe viɗia shɛ ne, pa mbeli peslekɛ Baltazar, meghe nya mbe Babilone.

Daniyɛl 7:5

Nahe kwa bake ta wəsə keseɗa kenza kala mtsekwele. Pa nde ghereŋenyɛ te bela kwetɛŋe ba'a 'yɛ'yɛa slerepe mahekene ya mbe mɛ ve. Ma ke mbeli gezete nda: Sate megela gɛ ga! Zeme sli kwele kwele gɛ!

Daniyɛl 8:7

Kanewe ŋkɛ 'ya nda hendave nda geva nde ke gamea shɛ ba'a nda hwepete wənə nde ve. Pa ŋkɛ ɗate gamea shɛ ba'a felaŋemte tereme ta ŋkɛ nyi bake. Kapesle gamea shɛ yitea ɗa ŋkɛ we. Tagha gɛ, pa nde neghate ŋkɛ te hɛɗi ba'a ŋkeɗemte ŋkɛ. Wəndə shɛ kazləgwəke gamea shɛ ve we.

Mishɛ 5:8

Ka Israyɛl, ɗa mə ka ghema ta ŋayɛ, za mə sebe te hɛ pɛtɛ!

Zhɛne Ghwelə yitea Wəshi Mahalegə 33:17

Nza zləvə te Zhozɛf! Bereteke ŋkɛ kala mca. Keberete beretenji tereme ta ŋkɛ nyi bake kala yɛ tereme ta sla gamba. Kateŋka hwelefefi nyi te hɛɗi ŋkɛ le hɛ hwa'a te mendɛkwe ta hɛɗi. Hwelefe ta Ɛfrayim nya kwele kwele kwete teremea shɛ. Wəvəsəa hwelefe ta Manasɛ nya kwele kwele kwete.»