Daniyɛl 8:3 - Ghena ta Shala

³ Ma newe 'ya ne, pa 'ya nakɛ game nya meghereŋe mɛa hələ. Tereme nyi biya biya ya bake kwa ghəa ŋkɛ, ama biya ma nya kepese kakwa keɗaŋe ke kwete.

Daniyɛl 8:3 Iomraidhean Croise

1 Wəshi nyi Mene Ka Meghe 21:16

Pa David nakɛ nde ghwene ta Shala nyagha kwelɛ yɛ ghweme le hɛɗi kadzeme Zhɛrəzalɛm le kafayɛ yitea dzeve tekafe kenteɗe nteɗe shave mbe kwəɓə. Wəsə ya hwa hwə va yɛ David le mbelia jama, ntiŋə hɛ sha kema mbe hɛɗi.

Ɛsdras 1:2

«Wa nya ghena nya gezete Sirəs, meghea ka Pɛrse nya: Nahe Shala Mahwətə nya pelɛ ghweme keveyi ka meghe nyi te hɛɗi pɛtɛ mbe dzeve ta ɗa. Nahe ŋkɛ kendeke ɗa hweŋkwa kaŋa nda ghɛ mbe Zhɛrəzalɛm, te hɛɗia Zhəwda.

Ɛsdras 4:5

Pa hɛ ɗave nda cɛdɛ ke mbeli nyi yitea meghe kezha fɛake geva jive ta slene ta ka Zhəwif mbe kema, nda nzahwe nza ta ŋkɛ Sirəs, meghea ka Pɛrse te meghe pa te vəa Dariyəs, meghea ka Pɛrse.

Ɛzayi 13:17

Ma ke Shala: «'Ya kateghwene ka Mɛde nyi keɗema ghena ta cɛdɛ ba'a nyi keɓelama mze kwa tere tere yitea hɛ.

Ɛzayi 21:2

Wəsə nya ghazlənə mbeli nde ncɛte ɗa geva: kapa ŋkwa nde pamte ŋkwa, kaŋzla ŋkwa nde ŋzla ŋkwa. Ma ke Shala: «Ka Ɛlam, kwiɗi mə yitea mpa! Ka Mɛdi, kelehwe melemea shɛ. 'Ya katetereke kele ghəa nci.»

Ɛzayi 44:28

Ma 'ya sha Sirəs: ‹Nde ya wəshia ɗa na.› Katemene yayata wəsə nya ɗe 'ya ŋkɛ. Ma ke sha tegeze nda ke Zhɛrəzalɛm: ‹Katezhɛne mbeli kaŋa ŋa› ba'a ke ghɛa Shala: ‹Katezhɛne na kaŋa geva.›»

Zhɛrɛmi 51:11

Nahe Mahwətə kekelete zəzə kaza Babilone. Vatse mtsehe nda berete ŋkɛ ke ka meghea Mɛdi kezha yipə kadzawa. Mahwətə kawa dewa ta ŋkɛ, gheŋkɛ kawa ghena ta ghɛa ŋkɛ. Mɗɛ mə have ta ŋayɛ, viɗi mə gwecɛa ŋayɛ le hɛ.

Daniyɛl 10:5

Ma newe 'ya ne, pa 'ya nakɛ kwete wəndə mbe lekwesa pawa, zewe mze kwa tere tere nya ganyɛ ya hwa hwə ve.

Daniyɛl 2:39

Ma kwa sebe ta ŋa ne, katese kwete meghe nya dewə berete ma ke ŋa ŋa. Zhɛne ne, kwa mahekene ta meghe nya ncɛ mze kwa ghwə ghwə nde tehərə ŋkwa nya te hɛɗi lema.

Daniyɛl 6:28

Kambeɗe ŋkwa ŋkɛ ba'a kambele ŋkwa ŋkɛ, kamene wəshi kencɛ wəshi ba'a wəshi meŋele ŋkɛ pelɛ ghweme ba'a te hɛɗi. Gheŋkɛ nde mbeleke Daniyɛl shave mbe yɛ pela ta yɛ nivɛrə.»

Daniyɛl 7:5

Nahe kwa bake ta wəsə keseɗa kenza kala mtsekwele. Pa nde ghereŋenyɛ te bela kwetɛŋe ba'a 'yɛ'yɛa slerepe mahekene ya mbe mɛ ve. Ma ke mbeli gezete nda: Sate megela gɛ ga! Zeme sli kwele kwele gɛ!

Daniyɛl 8:2

Wa nya wəsə nya nakɛ 'ya nya: Ma newe ghəa ɗa 'ya ne, mbe Səze, meleme nya berete mbe sla ta hɛɗia Ɛlam, mɛa hələa Əwlay 'ya.

Daniyɛl 8:20

Ma game nya nakɛ nya na le tereme bake kwa ne, yɛ meghea ka Mɛde ba'a ka Pɛrse yancɛ ŋkɛ.

Zakari 2:1

Newe 'ya sha ŋkwa ne, dəkwə 'ya te tereme wəfaɗe.

Zakari 5:1

Ma newe 'ya sha ŋkwa zhɛkwa ne, dəkwə 'ya te palepa kwa peɗe peɗe nya kekapale geva yitea ghweme.

Zakari 5:5

Pa nde ghwene nya kegeze ɗa ghena hendave ɗa geva, ma ke sha 'ya: «Kafe pa sha ghə shɛ na newakɛ wəsə nya kenca nya pelɛke.»

Zakari 5:9

Ma kafe 'ya sha ghə ne, dəkwə 'ya te mi bake nyi kele sefə yitea ghweme kase. Kala bidzəa kwaghela bidzəa nci. Pa hɛ kelete kwaciga nyagha kadzeme yitea ghweme.

Zakari 6:1

Kafe 'ya sha ghə zhɛkwa ne, dəkwə 'ya te yɛ wəmata gədəwə wəfaɗe. Dzeghwa yadzeghwa hɛ kwelɛ yɛ ghweme mze kwa ghwə ghwə bake.

Ɓela 24:2

Ma newe ke sha ŋkwa ne, dəkwə ŋkɛ te ka Israyɛl nyi kenzanji keyita keyita. Tagha gɛ, pa Sefəa Shala dzembenyɛ mbe,

Zhozəwɛ 5:13

Ma te kwete hɛ kwa nza Zhozəwɛ dekwede yitea Zhɛriko ne, pa ŋkɛ nakɛ tagha kwete za kwa kema ta ŋkɛ le kafayɛ yitea dzeve ve, tenteɗe shave mbe kwəɓə. Pa Zhozəwɛ lə shɛ, ma ke 'yɛwete ve: «Yitea ghen'yɛ na na, na yitea ka ghema ta n'yɛ na na?»

Ghena Kelɛŋə 13:11

Kwa sebe ta ŋkɛ, pa 'ya nakɛ kwete wəsə keseɗa kasame kwa hɛɗi. Tereme ya bake kwa ghə ve kala ŋa zhɛgwəa təmə, ama kala shishi meŋele geze ghena ŋkɛ.

Ghena Kelɛŋə 5:6

Tagha gɛ, pa 'ya nakɛ Zhɛgwəa təmə meslete dzeme vare pasla, dzasle kwa wəshi keseɗa nyi wəfaɗe nyighɛ ba'a mbelia jama. Kala wəsə nya dzeghekɛ melɛ mbeli le ŋkɛ. Tereme ya mberefaŋe kwa ghə ve, tsagha ntsə mberefaŋe nyi kasefə mberefaŋe nyi kese va Shala, nyi keghweneghe geva kadzete hɛɗi lema.