Daniyɛl 8:25 - Ghena ta Shala

²⁵ Ma le ntsehwelea ŋkɛ ne, kateghwete ŋkwa ŋkɛ. Ma mbe kele ghə ta ŋkɛ ne, katempə mbeli kwele kwele ŋkɛ, mbeli nyi keve ghəa nci gwezlayɛ. Kateha nda mpa ŋkɛ ke wəndə nya te ghəa mbeli nyi te ghə. Ama katezamte geva sebe te kaɗema dzeve kekwaɗakɛ ŋkɛ.

Daniyɛl 8:25 Iomraidhean Croise

Palepa ta JOB 34:20

Taghanyɛ ne, kampə hɛ te tepe ta viɗi, ma kagaŋkəɗə mbeli ne, kampə mbeli nyi te ghə. Rayɛ sebe te ka ghwərə ghwərəa ntsə kaɗema gəli yite.

Zhɛrɛmi 48:26

Ma zəzəte Mowab ne, kwele ma ŋkɛ ke Mahwətə. Ghwəyimte ŋkɛ mbeli le tɛa ŋkɛ yitea vənəhwə ŋkɛ! Ma tsagha, mbeli pɛtɛ kateŋ'wəshi ŋkɛ.

Yɛ Ŋgaɗe ghə 4:6

Nahe fete ta hwelefe ta ɗa kenza wəba ma ke fete ta mbeli nyi mbe Sodome. Kala metɛ ta ntsə zamte geva melemea shɛ. Wəndə shɛ keslave kasate te ŋkwa yite we.

Daniyɛl 11:12

Ma vəa ŋkwa nya tehərəte ŋkwa meghe nya laka bela kwa zeme ne, katekele ghə ŋkɛ. Ya kwela tempə ka sewajɛ ŋkɛ tipə tipə ne, katetemə berete ta ŋkɛ we.

Daniyɛl 11:45

Katemɓe cɛ lekwesa meghea ŋkɛ ŋkɛ kwelɛ yɛ ndərə le ghweme nya keveyi geva tekeleke ta hɛɗi nya ganyɛ ma. Tagha teceha ŋkɛ mte kaɗema wəndə shɛ kezha kemane ŋkɛ.

Daniyɛl 7:26

Kwa sebe ta ŋkɛ ne, katemeha geva ghwə pelɛ ghweme ba'a katekelehwe berete ta ŋkɛ mbeli. Tsagha gɛ, kateza geva sebe te gheŋkɛ ba'a katenza ŋkɛ bətə fəyitekeghə.

Daniyɛl 7:8

Ma mba 'ya mbe newe teremea shɛhɛ ne, ntake kwete tereme mɛnɛfɛ, keɓɛhwɛnyɛ kapese kwelɛ kweci, pa nde betemte tereme mahekene. Ma te teremea shɛ ne, ntsə bake kala ŋa wəndə ŋelɛ ba'a mɛ nya kegeze ghena ŋkele ntsə ya shɛ.»

Daniyɛl 8:11

Ya wəndə nya te ghəa ka sewajɛ nyi pelɛ ghweme ne, pa teremea shɛ have nda mpa, pa nde fɛamte melɛ nyi dzeghe nda mbeli keveci keveci ba'a zhɛrete ghɛa Shala wale wale.

Daniyɛl 9:25

Wa nya wəsə nya hi na kaɗepete ba'a kafave nya: Ma se te və nya gezete geva ghena te ghəa zhɛne geva ta mbeli nyi kefəhwe geva kase ba'a ŋa ta Zhɛrəzalɛm zhɛkwa, hwa'a te nca ta wəndə nya te ghə nya ntave Shala ne, va mberefaŋe zhigə mberefaŋemsə ya shɛ. Ma mbe va ŋkwaŋemsə bakeghəmbe zhigə mberefaŋe ne, kateŋa geva meleme ba'a zli nya yite, ama dzawe dzawe tenza yɛ va shɛhɛ.

Slene 12:23

Ama te ŋkwa shɛnyɛ ne, pa nde ghwene ta Shala mpave Hɛrode va nya ɗema ŋkɛ kevate zləvə te Shala. Pa menciɗi zehwe ŋkɛ, mtiwə ŋkɛ.

2 Tɛsalonike 2:3

Pelave nda ma ghəa ŋayɛ yɛ ke kwete wəndə kaghwete ŋayɛ tɛape ma. Katese vecia shɛ kaɗema fama ghena nya wəba laka Shala kemenete geva we. Nda Nde 'yaghwa mehele nya keveyi geva kezha za kancake geva kaba.

2 Tɛsalonike 2:8

Tagha gɛ, katenca Nde 'yaghwa mehele nya teza sebe Nde sleke ŋkwa Yɛsə le sefə nya kesame kwa mɛa ŋkɛ ba'a nya tepesle ŋkɛ laka ɓele ta se ta ŋkɛ.

Ghena Kelɛŋə 17:14

Katempa hɛ le zhɛgwəa təmə, ama katehərə hɛ zhɛgwəa shɛ, kwa nza ŋkɛ nahe ŋkɛ kenza kaNde sleke ka sleke ŋkwa ba'a kameghea ka meghea kɛfi. Katehərə hɛ ŋkɛ le mbeli nyi hekakɛ ba'a nyi tsehave ŋkɛ, mbeli nyi dɛŋe dɛŋe te.»

Ghena Kelɛŋə 19:16

Ma te karalamea ŋkɛ ba'a te basa ta ŋkɛ ne, ma ke slə rafete geva: «Meghea ka meghea kɛfi ba'a Nde sleke ka sleke ŋkwa.»