Daniyɛl 8:24 - Ghena ta Shala

²⁴ Katemtsehe berete ta ŋkɛ, ama ve se ŋkɛ we. Katebeze wəshi ŋkɛ ndiremike mike ba'a katejive ŋkɛ mbe kema mbe yayata wəsə nya temene ŋkɛ. Kateza sebe ŋkɛ te mbeli nyi berete berete, geze ta ŋkɛ mbeli nyi kaŋa Shala.

Daniyɛl 8:24 Iomraidhean Croise

Cimə 37:35

Nahe 'ya kenakɛ nde 'yaghwa mehele kazhɛre kande ghwərə ghwərəa ntsə ba'a kapesle dzeve kala wəfe nya gwəzləmə.

Daniyɛl 11:23

Te zlaɓa ta jikə geva nyi kemenete geva le ne, kateghwete ŋkwa ŋkɛ. Kateha nda mpa ŋkɛ ke mbeli ba'a katehərə ŋkwa ŋkɛ le mbeli ɓɛhwɛ.

Daniyɛl 12:7

Pa wəndə nya mbe lekwesa pawa shɛ kafete dzeve bake nci yitea ghweme, ma ke gezete ghena kafefa 'ya: «Kazeme 'ya kafela le Shala teghweme nya kaghala ghala, katetemə wəshia shɛhɛ kava mahekene ba'a kwete yite. Katekiɗi hɛ vəa ŋkwa nya denenyɛ pɛtɛa berete ta mbelia Shala.»

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Daniyɛl 8:10

Pa nde kelenyɛ hwa'a pelɛagha sha ka sewajɛ nyi pelɛ ghweme, pa nde mpəate kweci ka sewajɛa shɛhɛ ba'a yɛ saseregwa te hɛɗi, pa nde ŋkeɗemte hɛ.

Daniyɛl 8:11

Ya wəndə nya te ghəa ka sewajɛ nyi pelɛ ghweme ne, pa teremea shɛ have nda mpa, pa nde fɛamte melɛ nyi dzeghe nda mbeli keveci keveci ba'a zhɛrete ghɛa Shala wale wale.

Daniyɛl 8:12

Ma laka slene nyi ndiremi ndiremia shɛhɛ ne, pa melɛ nya keveci keveci ndeke nda geva, tsagha ka sewajɛ nyi pelɛ ghweme. Pa teremea shɛ neghate kaganda te hɛɗi ba'a pa nde jive mbe kema mbe yayata wəsə nya mene nde.

Daniyɛl 8:23

Ma te kwa keɗaŋe ta meghea nci, vəa ŋkwa nya nza ka ndiremia mehele mbe kwa keɗaŋe ta ndiremia mehele ta nci ne, katedzete meghe wəndə nya kekele ghə ba'a nya keɗepemte ghwete ŋkwa.

Ghena Kelɛŋə 16:6

Ma kwa nza ŋkɛ nahe hɛ keshekeyi mimia mbelia ŋa ba'a ŋa ka mɛ ŋkwa ta ŋa te hɛɗi ne, nahe na kendeke nda mimi ke hɛ kezha sa hɛ. Yawa, nahe wəsəa shɛ kehi va hɛ.»

Ghena Kelɛŋə 17:17

Kwa nza ŋkɛ nahe Shala keveyi zəzə kemene ɗe ta ŋkɛ mbe ghəa nci. Ma tereme meŋe, geze ta ŋkɛ, ka meghea kɛfi tsa ghena ne, katejikə mehele ta nci kezha mene nda slene le berete ta nci ke wəsə keseɗa, hwa'a te və nya teyipə geva ghena nyi gezete Shala kadzawa.

Ghena Kelɛŋə 17:6

Nahe 'ya kenakɛ malea shɛ keghwəyi ghwəyi va mimia mbelia Shala ba'a mimia mbeli nyi mpəmte mbeli va nza ta nci dɛŋe dɛŋe te Yɛsə. Ma vəa ŋkwa nya newe malea shɛ 'ya ne, hake 'ya nza ɗa.

Ghena Kelɛŋə 19:2

Nahe yɛ meha ghwə ta ŋkɛ kenza kaganda ba'a tiɗiɗi. Nahe ŋkɛ kendeke nda fete ke male mefətekwə nya kebezemte hɛɗi le male mefətekwəa nta. Nahe ŋkɛ kevate ɗa te va nya mpəmte ka mene slene ta ŋkɛ nde.»