Daniyɛl 8:23 - Ghena ta Shala

²³ Ma te kwa keɗaŋe ta meghea nci, vəa ŋkwa nya nza ka ndiremia mehele mbe kwa keɗaŋe ta ndiremia mehele ta nci ne, katedzete meghe wəndə nya kekele ghə ba'a nya keɗepemte ghwete ŋkwa.

Daniyɛl 8:23 Iomraidhean Croise

Gha ta Wəshi 15:16

Te kwa wəfaɗe ta shi tezhɛne geva hwelefe ta ŋa kase teke, kwa nza ŋkɛ ne, kenaka 'yaghwa mehele ta ka Amor kancɛte geva kezha ŋkamte hɛ 'ya we.»

Yɛ Ghena Ŋela 1:6

Katefave ghena nya tewəfərə mbe kweci ghena ŋela ba'a ghena nya dzawe mbe ghena nyi geze ka ntsehwele ntsehwele hɛ.

Ɛzɛkiyɛl 38:16

Kateha nda mpa na ke ka Israyɛl, mbelia ɗa, katenza na kənəa hɛɗia ŋkɛ kala meləkwə ləkwə nya kenza dibə dibə kənəa hɛɗi. Te kwa keɗaŋe ta və temene geva ŋkɛ. Kateghwene ŋa 'ya kase kampa le hɛɗia ɗa. Ma tsagha ne, kateɗepete kweci hwelefefi 'ya ya kaShala nya kaganda. Katencɛ nda 'ya ke hɛ laka slene nya menete ɗa na Gog.

Ɛzɛkiyɛl 38:8

Ma kwa sebe ta va kwele kwele ne, kateghwene ŋa 'ya kampa le Israyɛl. Ma vəa ŋkwa shɛ ne, nahe mbeli nyi mbe ketembelenji va mpa ba'a keteshavenji mbe kweci hɛɗi nyi se hɛ. Nahe hɛ ketsenete geva dzeyi hwa ghweme nyi mbe Israyɛl nyi keteməakɛ temə keŋzla ŋzla. Ma kwa sebe ta nya shavenji hɛ hwa kweci hwelefefi ne, mbe kwelɛŋe tenza hɛ.

Daniyɛl 10:14

Ma tsetsenya ne, 'ya se kezha fave ŋa wəsə nya ketemene nda geva ke hwelefe ta ŋa te kwete hɛ, kwa nza ŋkɛ kwete wəsə nya ketemene geva te vəa shɛ ya shɛ.»

Daniyɛl 11:21

Ma wəndə nya ketedzete meghe te ŋkwa ŋkɛ ne, wəndə nya ɓelama mbeli, wəndə nya hima mbeli kave nda meghe. Ama katedzete meghe ŋkɛ laka ntsehwelea ŋkɛ vəa ŋkwa nya nza hɛɗi gwezlayɛ.

Daniyɛl 11:24

Ma vəa ŋkwa nya nza hɛɗi gwezlayɛ ne, katedzete hɛɗi nyi ganji ma mbe sla ta hɛɗi ŋkɛ. Katemene wəsə nya ghama ka shihɛnyɛ, ya ka shihɛnyɛa ka shihɛnyɛ kamenete ŋkɛ: katefə wəshi nyi te hɛɗi ŋkɛ ba'a katenehe nda wəshia shɛhɛ ŋkɛ ke mbeli nyi yite. Katezəzə ŋkɛ kaha nda mpa ke meleme nyi berete berete. Ama kavə ɓɛhwɛ tetemə ŋkɛ.

Daniyɛl 7:11

Mba 'ya mbe newe ŋkwa, tewəmbəreke gaka ta ghena ŋkele ntsə nya geze nya tereme nya ɓɛhwɛa shɛ. Ma mba 'ya kanewe ŋkwa ne, pa mbeli peslekɛ kwa wəfaɗe ta wəsə keseɗa. Pa mbeli zamte geva ta ŋkɛ laka negha ŋkɛ mbe ghwə nya wəba.

Daniyɛl 7:20

Pa 'ya 'yɛwete ghena nya mbe tereme nyi meŋe kwa ghəa wəsə keseɗa shɛ, ghena nya mbe tereme nya kepesenyɛ ba'a nya kebetemte kweci tereme mahekene. Yɛ ntsə ba'a mɛ nya kegeze ghena ŋkele ntsə ya te teremea shɛ. Nahe ŋkɛ kenza wəba ma ke kweci.

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Daniyɛl 7:8

Ma mba 'ya mbe newe teremea shɛhɛ ne, ntake kwete tereme mɛnɛfɛ, keɓɛhwɛnyɛ kapese kwelɛ kweci, pa nde betemte tereme mahekene. Ma te teremea shɛ ne, ntsə bake kala ŋa wəndə ŋelɛ ba'a mɛ nya kegeze ghena ŋkele ntsə ya shɛ.»

Daniyɛl 8:22

Ma tereme nya keɓelenyɛ ba'a tereme wəfaɗe nyi kepesenji te ŋkwa ŋkɛ ne, ka meghea kɛfi wəfaɗe nyi ketedzete ŋkwa ŋkɛ yancɛ hɛ, ama katekemave berete ta ŋkɛ hɛ we.

Daniyɛl 8:24

Katemtsehe berete ta ŋkɛ, ama ve se ŋkɛ we. Katebeze wəshi ŋkɛ ndiremike mike ba'a katejive ŋkɛ mbe kema mbe yayata wəsə nya temene ŋkɛ. Kateza sebe ŋkɛ te mbeli nyi berete berete, geze ta ŋkɛ mbeli nyi kaŋa Shala.

Daniyɛl 8:25

Ma le ntsehwelea ŋkɛ ne, kateghwete ŋkwa ŋkɛ. Ma mbe kele ghə ta ŋkɛ ne, katempə mbeli kwele kwele ŋkɛ, mbeli nyi keve ghəa nci gwezlayɛ. Kateha nda mpa ŋkɛ ke wəndə nya te ghəa mbeli nyi te ghə. Ama katezamte geva sebe te kaɗema dzeve kekwaɗakɛ ŋkɛ.

Ɓela 24:24

Katese yɛ kwambelə mbe Shipre. Katesa nda yaka hɛ ke ka Asiri ba'a ke hwelefefia Ɛbɛr. Ama ghenci perə ne, kateza sebe te hɛ.»

Matiye 23:32

Yawa, ntsə mə geva kakeɗaŋe slene nya ghate ka shihɛ ŋayɛ.

Zhɛne Ghwelə yitea Wəshi Mahalegə 28:50

Kambeli nyi ndiremi ndiremia mehele tenza hɛ, katehawe hɛ va meha mehɛɗi we, katezhɛ heli hɛ yitea ŋwale we.

1 Ka Tɛsalonike 2:16

Kaɗe hɛ kafɛa n'yɛ kegeze nda ghena ta Shala ke mbeli nyi keɗema kaka Zhəwif, kezha mbele mbelia shɛhɛ Shala. Ama tsetsenya ne, nahe hɛ kemtsehete mene jaɗafa ta nci zhɛkwa. Vatse me hwepe wənəa Shala kənəa hɛ kakwa keɗaŋe.

1 Timotɛ 4:1

Ma ke Sefəa Shala gezete dazhɛ dazhɛ: ma te ka keɗaŋe ta və ne, katesərə yɛ ta nci kweci mbeli kalə yitea yɛ zəzə tseŋwə ba'a wəshi nyi kese va 'yi'yɛghwə.

Ghena Kelɛŋə 19:20

Pa mbeli kesawa wəsə keseɗa kwa daŋgayɛ, tsagha nde mɛ ŋkwa nde tseŋwə nya kemenete wəshi meŋele kwa kema ta ŋkɛ kezha ghwete mbeli nyi nza lamba ta wəsə keseɗa te hɛ ba'a nyi kehawe va pa ta ŋkɛ. Pa yɛ wəsə keseɗa le nde mɛ ŋkwa tseŋwə beteyi geva le mpi kwa ndərəa ghwə ta gezla.