Daniyɛl 8:19 - Ghena ta Shala

¹⁹ Kwa sebe ta ŋkɛ, ma ke sha 'ya: 'Ya katencɛ ŋa wəsə nya ketemene geva te kiɗi ta və nya kesləyi geva, və nya tekiɗi hwepe wənə ta Shala.

Daniyɛl 8:19 Iomraidhean Croise

Cimə 102:13

Ama gha gɛ Mahwətə, meghe nya kaghala ghala na, keshi keshi tezəzə ŋa mbeli.

Daniyɛl 11:27

Katezeme wəsə kezeme ka meghea kɛfi nyi bake nyi te ŋkwa nya kwetɛŋe, ama va ndiremia mehele ta nci ne, katesla nda tseŋwə hɛ ke ghəa nci. Katefa deme mbeli te ghena ta nci we, kwa nza ŋkɛ ne, te və nya kesləyi geva tekiɗi ghena shɛ.

Daniyɛl 12:4

Ma gha gɛ Daniyɛl, wəfərəakɛ ghena shɛhɛ ba'a ŋzlete palepa nya hwa'a te keɗaŋe ta və. Ma vəa ŋkwa shɛ ne, kwele kwele mbeli nyi ketejaŋga, katemtsehe geva ɗepe wəsə ta nci.»

Daniyɛl 8:23

Ma te kwa keɗaŋe ta meghea nci, vəa ŋkwa nya nza ka ndiremia mehele mbe kwa keɗaŋe ta ndiremia mehele ta nci ne, katedzete meghe wəndə nya kekele ghə ba'a nya keɗepemte ghwete ŋkwa.

Habakək 2:3

Kenaka və kase kezha mene geva wəsəa shɛ we, ama takwa takwa ŋkɛ kamene geva, kenza ŋkɛ katseŋwə we. Ya gheŋkɛ dera ne, neghe ŋkɛ, kwa nza ŋkɛ kaganda tese ŋkɛ, kaɗema vəa ŋkɛ kambeɗemte geva.

Ləwke 21:23

Te veci shɛ ne, yaka nde tenza te mi nyi le hwə ba'a nyi nza ŋwale te ŋ'wa va hɛ. Va nya nza ŋkɛ kwele kwele tesa yaka mbeli nyi te hɛɗia shɛ, kwele kwele tehwepe wənəa Shala va mbelia shɛhɛ.

Ghena Kelɛŋə 1:1

Wəshi nyi tewəfərə nyi ncɛte Yɛsə Kriste dazhɛ dazhɛ ya mbe palepa nya. Nahe Shala kencɛte nda wəshia shɛhɛ kezha ncɛ nda wəsə nya takwa takwa kase ŋkɛ ke ka mene slene ta ŋkɛ. Nahe Kriste keghweneghe nda nde ghwene ta ŋkɛ ke nde mene slene ta ŋkɛ Zhaŋe kezha ncɛ nda wəsəa shɛ.

Ghena Kelɛŋə 10:7

Ma vəa ŋkwa nya tevɛ veke nde mberefaŋe ta nde ghwene ta Shala ne, kateyipə zəzə ta ŋkɛ nya tewəfərə Shala kadzawa, kala nya gezete nda ŋkɛ ke ka mene slene ta ŋkɛ nyi kaka mɛ ŋkwa.»

Ghena Kelɛŋə 11:18

Kazhɛ nda wənəa hwelefefi va gha, ama hwepe wənəa ŋa nde mene geva, nahe vəa meha ghwə te ka mpə mpə kese, vəa nya teve nda zhɛme na ke ka mene slene ta ŋa nyi kaka mɛ ŋkwa, mbeli nyi kaŋa ŋa ba'a mbeli nyi kehawe va gha, mbeli nyi jama jama keɗema nyi ɓɛhwɛ ɓɛhwɛ. Gheŋkɛ ya kavə nya teza sebe na te mbeli nyi kebeze hɛɗi na kwa.»

Ghena Kelɛŋə 15:1

Kwa sebe ta ŋkɛ, pa 'ya nakɛ kwete wəsə kencɛ wəsə pelɛ ghweme. Kewəbanyɛ ŋkɛ ba'a kave nda nza heɓake ŋkɛ ke wəndə: ka ghwene ta Shala mberefaŋe nyi nza ndiremi mberefaŋe va hɛ, kwa nza ŋkɛ ghenci ya kaka keɗaŋe ta wəshi nyi kencɛ hwepe wənəa Shala.

Ghena Kelɛŋə 17:17

Kwa nza ŋkɛ nahe Shala keveyi zəzə kemene ɗe ta ŋkɛ mbe ghəa nci. Ma tereme meŋe, geze ta ŋkɛ, ka meghea kɛfi tsa ghena ne, katejikə mehele ta nci kezha mene nda slene le berete ta nci ke wəsə keseɗa, hwa'a te və nya teyipə geva ghena nyi gezete Shala kadzawa.