Daniyɛl 8:17 - Ghena ta Shala

¹⁷ Pa Gabriyɛl hendeke geva kase kadzete ŋkwa nya ghereŋe ɗa 'ya te. Ma vəa ŋkwa nya hende geva ŋkɛ kase ne, pa ghazlənə keseve ɗa, pa 'ya teɗe ɗa njifə kema mbe hɛɗi. Ma ke sha 'ya: Wəndə ŋelɛ, fave kiɗi ta və yancɛ wəsə nya.

Daniyɛl 8:17 Iomraidhean Croise

Gha ta Wəshi 17:3

Pa Abram ŋame ghə mbe hɛɗi, ma ke Shala gezete nda:

Ɛzɛkiyɛl 1:28

Ma waŋe nya kedzaslete ŋkɛ ne, yipə yipə ŋkɛ le maɓelɛaŋe nya kewaŋe ŋkwa dzate te ləmbəa kwa nza va katese. Gheŋkɛ ya kawaŋea zləvəa Mahwətə. Ma kwa nakɛ 'ya ne, tehwepərə 'ya njifə kema mbe hɛɗi. Tagha gɛ, ma fa 'ya ne, kageze ɗa ghena kwete wəndə.

Ɛzɛkiyɛl 2:1

Ma ke sha 'ya: «Wəndə ŋelɛ, sate meslete, kwa nza ŋkɛ 'ya kategeze ŋa ghena.»

Ɛzɛkiyɛl 44:4

Kwetere wəmbəa ŋkɛ, shilimə wəndəa shɛ le 'ya dzeki kwa mɛ ŋkwa nya laka bela kwa gwela va ghɛa Shala. Ma newe 'ya ne, kaɓele zləvəa Mahwətə, rayɛ ŋkwa nya mbe ghɛa Mahwətə ve. Ntiŋə 'ya sha kema mbe hɛɗi.

Ɛzɛkiyɛl 6:2

«Wəndə ŋelɛ, zhɛrete kema laka ghweme nyi mbe Israyɛl shɛ na gezete nda ghena ta ɗa ke hɛ.

Daniyɛl 10:11

Ma ke wəndəa shɛ sha 'ya: «Daniyɛl, gha nya ɗe Shala, fave ghena nya mbe ghena nyi geze ŋa 'ya. Sate ŋa meslete, kwa nza ŋkɛ ke gha ghweneke ŋa geva 'ya tsetsenya.» Ma mba ŋkɛ kageze ɗa ghena ne, pelɛhetɛme 'ya sate te ŋkwa le bare bare.

Daniyɛl 10:16

Ama pa kwete wəsə kala wəndə ŋelɛ kwaɗakɛ bəzhia mɛa ɗa. Pa 'ya ghwenemte mɛ ba'a ntake 'ya kageze ghena. Ma 'ya sha wəndə nya meslete kwa kema ta ɗa: «Nde sleke ɗa yawe, ma tewəmbəreke wəsə nya nakɛ 'ya ne, nahe 'ya kenza keyirə yirə ba'a kedene dene.

Daniyɛl 11:27

Katezeme wəsə kezeme ka meghea kɛfi nyi bake nyi te ŋkwa nya kwetɛŋe, ama va ndiremia mehele ta nci ne, katesla nda tseŋwə hɛ ke ghəa nci. Katefa deme mbeli te ghena ta nci we, kwa nza ŋkɛ ne, te və nya kesləyi geva tekiɗi ghena shɛ.

Daniyɛl 11:40

Ma te keɗaŋe ta və ne, kateha nda mpa meghe nya laka bela kwa zeme ke meghe nya laka bela kwa gwela. Ama katentsa ŋkɛ yitea meghe nya laka bela kwa zeme le yɛ wəmata kempa ta ŋkɛ, ka zleɗe gədəwəa lɛməa ŋkɛ ba'a kwambelə kwele kwele. Katedzete hɛɗi kwele kwele ŋkɛ le ka sewajɛa ŋkɛ. Katedzawa ŋkɛ wəmbəa yɛ ghala kala hələ nya paca paca.

Daniyɛl 12:13

Ma gha, gha Daniyɛl ne, nza dɛŋe dɛŋe hwa'a te keɗaŋe. Tagha gɛ, katekemave zhɛne mpi na ba'a katesame na kwa kwele kezha ŋ'we zhɛme ta ŋa te keɗaŋe ta və.»

Daniyɛl 12:4

Ma gha gɛ Daniyɛl, wəfərəakɛ ghena shɛhɛ ba'a ŋzlete palepa nya hwa'a te keɗaŋe ta və. Ma vəa ŋkwa shɛ ne, kwele kwele mbeli nyi ketejaŋga, katemtsehe geva ɗepe wəsə ta nci.»

Daniyɛl 2:46

Tagha gɛ, pa meghe Nabəkodonozor gwəɗəŋə ntiŋə ghə mbe hɛɗi kezha hawe va Daniyɛl. Pa ŋkɛ gezete kezha fə nda wəshi ba'a 'wərdə mbeli ke Daniyɛl.

Daniyɛl 7:16

Pa 'ya hendave nda geva ke kwete hwa mbeli nyi tagha ba'a 'yɛwete kaganda ta ghena nya mbe wəsə nya nakɛ 'ya. Tagha gɛ, ma ke ncɛte ɗa ghena nya mbe:

Daniyɛl 8:15

Ma mba 'ya, 'ya Daniyɛl kanewe wəsəa shɛ ne, ntake 'ya kazele fa ta ŋkɛ. Pa 'ya nakɛ wəsə kala pa ta wəndə. Pa ŋkɛ se ba'a ghereŋenyɛ kwa kema ta ɗa.

Daniyɛl 8:19

Kwa sebe ta ŋkɛ, ma ke sha 'ya: 'Ya katencɛ ŋa wəsə nya ketemene geva te kiɗi ta və nya kesləyi geva, və nya tekiɗi hwepe wənə ta Shala.

Daniyɛl 8:27

Tagha gɛ, ma 'ya, 'ya Daniyɛl ne, pa geva ta ɗa tanyɛ ba'a pa zereghwe kesehwe ɗa kahɛ kwele kwele. Kwa sebe ta ŋkɛ, pa 'ya mbe ɗa, zhɛne 'ya kamene slene ta meghe. Nahe mehele ta ɗa kenza ketaze taze va wəsə nya nakɛ 'ya, tewəmbəreke nya favema ŋkɛ 'ya.

Daniyɛl 9:23

Ghatema ta ŋa kampi nda dzeve ke Shala ne, nahe ŋkɛ kegezete kwete ghena, nahe 'ya kese kezha ncɛ ŋa ŋkɛ, kwa nza ŋkɛ kaɗe ŋa Shala. Fave ghena nya tegeze ŋa 'ya te ghəa wəsə nya nakɛ nya na.

Daniyɛl 9:27

Ma mbe kwa keɗaŋe ta vəa yɛ va mberefaŋe ne, kateŋka mbeli kwele kwele ŋkɛ le berete yitea mene wəsə nya ɗema hɛ. Ma kwa sebe ta yɛ va mahekene ba'a kwete yite ne, katefɛa yɛ melɛ ba'a wəshi nyi fə mbeli kase ŋkɛ. Katemene wəshi nyi ndiremi ndiremi kashasha ta ŋkɛ nde beze wəshia shɛhɛ kahe kahe hwa'a te və nya teza sebe te gheŋkɛ le ghəa ŋkɛ kala nya ketarete geva.»

Habakək 2:3

Kenaka və kase kezha mene geva wəsəa shɛ we, ama takwa takwa ŋkɛ kamene geva, kenza ŋkɛ katseŋwə we. Ya gheŋkɛ dera ne, neghe ŋkɛ, kwa nza ŋkɛ kaganda tese ŋkɛ, kaɗema vəa ŋkɛ kambeɗemte geva.

Matiye 17:8

Kafe hɛ sha ghə ne, deke Yɛsə yanakɛ hɛ kwetɛŋenyɛ.

Ghena Kelɛŋə 1:17

Ma kwa nakɛ 'ya ne, terərəmə 'ya teɗe ɗa yitea seɗa ta ŋkɛ kala wəndə kemte mte. Pa ŋkɛ dapeyi ɗa dzeve kwa zeme ta ŋkɛ kwa ghə, ma ke sha 'ya: «Ghazlənəma na ma, 'ya ya kande ghate ba'a kande keɗaŋe.

Ghena Kelɛŋə 22:8

Ma 'ya Zhaŋe ne, nahe 'ya kefate ba'a kenakɛ wəshia shɛhɛ. Ma kwa sebe nya fate ba'a nya nakɛ hɛ 'ya ne, nahe 'ya kegwəɗəŋə yitea seɗa ta nde ghwene ta Shala nya kencɛte ɗa hɛ kezha hawe ve.