Daniyɛl 8:15 - Ghena ta Shala

¹⁵ Ma mba 'ya, 'ya Daniyɛl kanewe wəsəa shɛ ne, ntake 'ya kazele fa ta ŋkɛ. Pa 'ya nakɛ wəsə kala pa ta wəndə. Pa ŋkɛ se ba'a ghereŋenyɛ kwa kema ta ɗa.

Daniyɛl 8:15 Iomraidhean Croise

Ɛzayi 9:6

Katembake meghea ŋkɛ ŋkɛ ba'a katekeseyi kwelɛŋe nya keɗema kakiɗi ŋkɛ. Katenza ŋkɛ pelɛ pasla ta meghe David ba'a katesleke hɛɗi meghea ŋkɛ ŋkɛ. Katehi ŋkɛ ba'a katezhɛre ŋkɛ bereteke laka hawe va wəsə nya kehi ba'a nya tiɗiɗi, se tsetsenya pa kaghala ghala. Nya ya kawəsə nya temene Mahwətə nde berete va wəba ta ɗe ta ŋkɛ.

Daniyɛl 10:16

Ama pa kwete wəsə kala wəndə ŋelɛ kwaɗakɛ bəzhia mɛa ɗa. Pa 'ya ghwenemte mɛ ba'a ntake 'ya kageze ghena. Ma 'ya sha wəndə nya meslete kwa kema ta ɗa: «Nde sleke ɗa yawe, ma tewəmbəreke wəsə nya nakɛ 'ya ne, nahe 'ya kenza keyirə yirə ba'a kedene dene.

Daniyɛl 10:18

Tagha gɛ, pa wəsə nya kala wəndə ŋelɛ zhɛne kakwaɗakɛ ɗa ba'a ndeke ɗa berete.

Daniyɛl 10:5

Ma newe 'ya ne, pa 'ya nakɛ kwete wəndə mbe lekwesa pawa, zewe mze kwa tere tere nya ganyɛ ya hwa hwə ve.

Daniyɛl 12:8

Ma 'ya, 'ya Daniyɛl ne, nahe 'ya kefate ghena shɛhɛ, ama kefave ghena nya mbe hɛ 'ya we. Tagha gɛ, ma 'ya 'yɛwete: «Nde sleke ɗa yawe, tsema tenza kiɗi ta wəshia shɛhɛ wa?»

Daniyɛl 7:13

Ma mba 'ya kanewe wəshi nyi kencɛ ɗa geva nyi heviɗi ne, pa 'ya nakɛ kwete wəsə kala wəndə ŋelɛ kase mbe ləmbə nya te ghweme. Hwa'a ŋkɛ ntsehe sha meha za, pa mbeli hendeyi ŋkɛ kwa kema ta ŋkɛ.

Daniyɛl 7:28

Teke kiɗi ghena shɛ. Ma 'ya, 'ya Daniyɛl ne, kwele kwele tazenji yɛ zəzə ta ɗa. Pa 'ya zhɛre ɗa tɛarawe rawe ba'a ntake 'ya kazəzə wəsəa shɛ.

Daniyɛl 8:1

Ma mbe kwa mahekene ta va ta Baltazar te meghe ne, pa 'ya, 'ya Daniyɛl zhɛne kanakɛ kwete wəsə, kwa sebe ta nya ghate 'ya kanakɛ.

Daniyɛl 8:19

Kwa sebe ta ŋkɛ, ma ke sha 'ya: 'Ya katencɛ ŋa wəsə nya ketemene geva te kiɗi ta və nya kesləyi geva, və nya tekiɗi hwepe wənə ta Shala.

Zakari 1:9

Ma 'ya 'yɛwete va wəndə nya pelɛ gədəwə: «Wa wəsə nya ɗe gədəwə nyi kancɛ wa nde sleke ɗa?» Ma ke nde ghwene ta Shala nya kegeze ɗa ghena zhɛnete ɗa: «Katencɛ ŋa 'ya.»

Matiye 13:36

Pa Yɛsə sərəakɛ mbeli te ŋkwa shɛ, pa ŋkɛ lənyɛ sha ghɛ. Pa mbeli nyi ketəkwə təkwə hendave nda geva, ma ke hɛ shɛ: «Ncɛte n'yɛ ghena nyi se na kageze mbe yipə pa te cɛŋə nya mbe wəve gi!»

Matiye 24:15

Katenakɛ wəsə nya ndiremi kashasha yɛ mentare mbe ŋkwa nya keveyi geva tekeleke, nya gezete nde mɛ ŋkwa Daniyɛl. Ma wəndə nya kejaŋga ne, fave ghena nya ŋkɛ ndeɗekə.

Matiye 24:30

Ma tsagha, katencɛ geva wəsə kencɛ se ta Wəzege ta za dzeyi te ghweme. Kateŋgaɗe ghə ba'a katenehwene pɛtɛa mbeli nyi te hɛɗi, katenewe Wəzege ta za mbeli sawa te ləmbə le berete ba'a zləvə kwele kwele.

Mark 13:14

Katenewe wəsə nya ndiremi kashasha yɛ mentare mbe ŋkwa nya keveyi geva tekeleke. Ma wəndə nya kejaŋga ne, fave ghena nya ŋkɛ ndeɗekə. Ma mbeli nyi mbe Zhəwdɛ ne, hwɛ hɛ kadzeme hwa ghweme.

Mark 4:12

Tsagha ne, kanewe ŋkwa hɛ, kaveregheve hɛ we, kafa ghena hɛ, ama kafave ghena nya mbe hɛ we. Ma kenza ŋkɛ tsagha ne, katezhɛre geva hɛ kase sha Shala ba'a katekelemte jaɗafa ta nci Shala te wənə.»

Zhozəwɛ 5:14

Ma ke: «Ewə, nahe 'ya kenza kawəndə nya te ghəa ka sewajɛa Mahwətə, se ta ɗa nya tsetsenya.» Gwəɗəŋə Zhozəwɛ ntiŋə ghə mbe hɛɗi, ma ke shɛ: «Wa ghena nya geze ɗa na, 'ya nya kande mene slene ta ŋa wa?»

Ghena Kelɛŋə 1:13

Ma te tepe ta paterela shɛhɛ ne, kwete wəsə nya kala wəndə ŋelɛ ya shɛ meslete. Lekwesa nya kenza hwa'a te wəmbəa seɗa ya kənə ba'a zewe mze kwa tere tere ya hwa hwə ve.

Ghena Kelɛŋə 13:18

Nya ya kavə kencɛ ntsehwelea ŋkɛ: Wərə wəndə nya keɗepe wəshi kaɗepete ghena nya mbe lamba ta wəsə keseɗa shɛ, kwa nza ŋkɛ lamba ta sləa wəndə ŋkɛ: nahe lamba ta ŋkɛa shɛ kenza kalamba gwəmsə ŋkwaŋe ba'a ŋkwaŋemsə ŋkwaŋeghəmbe (666).