Daniyɛl 8:13 - Ghena ta Shala

¹³ Tagha gɛ, pa 'ya fate nde ghwene ta Shala kageze ghena. Ma ke kwete nde ghwene ta Shala sha gezete nda ghena: Pa te nyama və tetemə melɛ nya keveci keveci, slene nyi ndiremi ndiremi nyi kebeze wəshi pɛtɛ, nza ta ghɛa Shala wale wale ba'a ŋkeɗe ta ka sewajɛ nyi pelɛ ghweme, nyi kenakɛ geva nyi tse wa?

Daniyɛl 8:13 Iomraidhean Croise

Cimə 74:10

Shala yawe, pa te nyama və tesərə nde jaga na kaghweze mɛ hwa gha wa? Mba tenza nde ghema kaŋ'wəshi ŋa kajive kajive na?

Cimə 74:9

Kazhɛne n'yɛ kanakɛ wəshi kencɛ wəshia n'yɛ we, kezhɛne ka mɛ ŋkwa kanza shɛ we, wəndə shɛ hwa ghen'yɛ keɗepe temə ta vəa shɛ we.

Cimə 79:5

Pa te nyama və tenza wənəa ŋa tehwepe wa Mahwətə? Kaghala ghala tetse hwepe ta wənəa ŋa kala ghwə na?

Ɛzayi 28:18

Katenehemte geva jikə geva nya menete yɛ le mte, katedzehwe ghena nya tsahwe yɛ le ghɛa mbelia kwahɛɗi we. Ma vəa ŋkwa nya tese ndiremi nya wəba ne, katempə ŋayɛ ŋkɛ kadzete hɛɗi.

Ɛzayi 6:11

Tagha gɛ, ma 'ya 'yɛwete: «Pa te nyama və wa Shala?» Ma ke zhɛnete: «Pa te və nya tetazemte geva yɛ meleme ba'a nya teɗema mbeli mbe hɛ, nya tenza yɛ ghɛ shaka shaka ba'a nya tezhɛre yɛ wəve kaɓerama nya dɛrɛŋe rɛŋe.»

Ɛzayi 63:18

Ma ghen'yɛ mbelia ŋa nyi keveyi geva tekeleke ne, kavə ɓɛhwɛ se hɛɗi kaŋa n'yɛ. Nahe ka ghema ta n'yɛ kekelemte zləvə te ghɛa ŋa nya keveyi geva tekeleke.

Ɛzayi 9:6

Katembake meghea ŋkɛ ŋkɛ ba'a katekeseyi kwelɛŋe nya keɗema kakiɗi ŋkɛ. Katenza ŋkɛ pelɛ pasla ta meghe David ba'a katesleke hɛɗi meghea ŋkɛ ŋkɛ. Katehi ŋkɛ ba'a katezhɛre ŋkɛ bereteke laka hawe va wəsə nya kehi ba'a nya tiɗiɗi, se tsetsenya pa kaghala ghala. Nya ya kawəsə nya temene Mahwətə nde berete va wəba ta ɗe ta ŋkɛ.

Zhɛrɛmi 12:10

Nahe wəvəsəa ka ya wəshi kebezemte wəvea rɛzɛŋea ɗa, keŋkeɗemte wəvea ɗa. Nahe hɛ kezhɛremte wəvea ɗa nya ganyɛ nya kaɓerama dɛrɛŋe rɛŋe.

Daniyɛl 11:31

Kateghereŋe ka sewajɛ nyi ghweneke ŋkɛ, katezhɛre ŋkwa nya keveyi tekeleke nya berete hɛ wale wale. Katefɛa melɛ nyi dzeghe mbeli keveci keveci hɛ ba'a kateve wəsə nya ndiremi kashasha hɛ te reghwetɛ.

Daniyɛl 12:11

Ma se te və nya tefɛa geva melɛ nya keveci keveci ba'a nya teve geva wəsə kwa ndiremi kashasha te reghwetɛ ne, katenza hɛ shɛ 1.290.

Daniyɛl 12:8

Ma 'ya, 'ya Daniyɛl ne, nahe 'ya kefate ghena shɛhɛ, ama kefave ghena nya mbe hɛ 'ya we. Tagha gɛ, ma 'ya 'yɛwete: «Nde sleke ɗa yawe, tsema tenza kiɗi ta wəshia shɛhɛ wa?»

Daniyɛl 4:10

Ma mba 'ya meɓelahe te gezle ta ɗa ne, pa 'ya nakɛ nde ghwene ta Shala, nde ya hɛɗi lema kasawa pelɛ ghweme.

Daniyɛl 4:13

Katembeɗemte geva wənə wəndə ŋelɛ ta ŋkɛ, kateve nda geva wənəa wəsə keseɗa. Katenza ŋkɛ tsagha kava mberefaŋe.

Daniyɛl 4:23

Wa nya ghena nya mbe sərə dəŋwə ba'a yɛ slərə mbe hɛɗi nya: katezhɛnave ŋa geva meghea ŋa ɗepetema ta ŋa Shala nya pelɛ ghweme ya kande sleke ŋkwa.

Daniyɛl 7:16

Pa 'ya hendave nda geva ke kwete hwa mbeli nyi tagha ba'a 'yɛwete kaganda ta ghena nya mbe wəsə nya nakɛ 'ya. Tagha gɛ, ma ke ncɛte ɗa ghena nya mbe:

Daniyɛl 7:23

Wa nya ghena nya gezete ɗa ŋkɛ nya: Ma kwa wəfaɗe ta wəsə keseɗa ne, nde wəfaɗe ta meghe nya kwake te hɛɗi, nya tekeleke le pɛtɛa kweci nde. Katezeme pɛtɛa hɛɗi ŋkɛ, kateŋkeɗe ŋkɛ ba'a katencɛhwe ŋkɛ.

Daniyɛl 9:27

Ma mbe kwa keɗaŋe ta vəa yɛ va mberefaŋe ne, kateŋka mbeli kwele kwele ŋkɛ le berete yitea mene wəsə nya ɗema hɛ. Ma kwa sebe ta yɛ va mahekene ba'a kwete yite ne, katefɛa yɛ melɛ ba'a wəshi nyi fə mbeli kase ŋkɛ. Katemene wəshi nyi ndiremi ndiremi kashasha ta ŋkɛ nde beze wəshia shɛhɛ kahe kahe hwa'a te və nya teza sebe te gheŋkɛ le ghəa ŋkɛ kala nya ketarete geva.»

Zakari 14:5

Katehwɛ yɛ dzeyi kwelɛ zlərə nya kemenete geva nya kwelɛ yɛ ghweme, kwa nza ŋkɛ hwa'a mbe Asal tentsehe ŋkɛ. Katehwɛ yɛ kala ka shihɛ ŋayɛ te vəa Oziyas, meghea ka Zhəwda va gaŋkəɗə ta hɛɗi. Tagha gɛ, katese Shala Mahwətə ta ɗa, le ka ghwene nyi kemene nda slene pɛtɛ.

Matiye 11:27

Nahe Yiteyɛ ɗa kedapate ɗa pɛtɛa wəshi te dzeve. Wəndə shɛ keɗepe Wəzege keɗema Yita we, wəndə shɛ keɗepe Yita keɗema Wəzege we, nda wəndə nya ɗe Wəzege kancɛ nda ŋkɛ.

Matiye 24:15

Katenakɛ wəsə nya ndiremi kashasha yɛ mentare mbe ŋkwa nya keveyi geva tekeleke, nya gezete nde mɛ ŋkwa Daniyɛl. Ma wəndə nya kejaŋga ne, fave ghena nya ŋkɛ ndeɗekə.

Mark 13:14

Katenewe wəsə nya ndiremi kashasha yɛ mentare mbe ŋkwa nya keveyi geva tekeleke. Ma wəndə nya kejaŋga ne, fave ghena nya ŋkɛ ndeɗekə. Ma mbeli nyi mbe Zhəwdɛ ne, hwɛ hɛ kadzeme hwa ghweme.

Ləwke 10:22

Nahe Yiteyɛ ɗa kedapate ɗa pɛtɛa wəshi te dzeve, wəndə shɛ keɗepe Wəzege keɗema Yita we, wəndə shɛ keɗepe Yita keɗema Wəzege we, nda wəndə nya ɗe Wəzege kancɛ nda ŋkɛ.»

Ləwke 21:20

Ma vəa ŋkwa nya tenewe Zhɛrəzalɛm yɛ ntəslə kwa ka sewajɛ ne, wərə yɛ kaɗepe nahe və keŋzla ta ŋkɛ kese.

Ləwke 21:24

Katempə hɛ ka jaga ta nci le kafayɛ, katekese hɛ mbeli kaka mavashi kalə kadzete kweci hɛɗi. Kateŋkeɗe Zhɛrəzalɛm kweci hwelefefi hwa'a te və nya tekiɗi zlɛa nci.

Zhaŋe 1:18

Wəndə shɛ kegha kanakɛ Shala we. Ama nahe Wəzege kwetɛ nya kaShala ba'a nya kenza le Yita kencɛte ɓəmə Shala.

Zhɛne Ghwelə yitea Wəshi Mahalegə 33:2

«Nahe Mahwətə kesawa pelɛ ghweme ta Sinay. Kala veci samenyɛ ŋkɛ te hɛɗia Sɛyir. Sawa pelɛ ghweme ta Paran ne, nahe ŋkɛ kewaŋete nda ŋkwa ke mbelia ŋkɛ. Nahe ŋkɛ kese sha mbelia ŋkɛ, zlaɓe le ka ghwene ta ŋkɛ kwele kwele. Wəsə mahalegə nya ketse kala ghwə ya mbe dzeve ta ŋkɛ.

1 Ka Tɛsalonike 3:13

Ma tsagha gɛ, katemtsehe nda berete ŋkɛ ke wənəa ŋayɛ, kezha nza kambeli nyi keveyi geva tekeleke, yagha wəsə kwa ndiremi kanza mbe gheyɛ ya ɓɛhwɛ kwa kema ta Shala Yita, vəa ŋkwa nya tesawa Nde sleke ɓəmə Yɛsə le mbelia ŋkɛ. Amɛn.

Ka Ɛbrə 10:29

Tsema tenza ŋa wəndə nya keɓelama Wəzege ta Shala tsagha wa? Kwa nza ŋkɛ ne, nahe ŋkɛ kezhɛrete mimia jikə geva nya keyaɓemte ŋkɛ va jaɗafa ta ŋkɛ kawəsə kesehwe zeweve. Ŋele yaŋele Sefəa Shala nya kencɛ ɓəmə ganyɛa Shala ŋkɛ.

1 Piyɛre 1:12

Nahe Shala kencɛte nda ke ka mɛ ŋkwa kaɗema ghena nya zlape hɛ kenza kezha ghəa nci, ama kezha gheyɛ. Nahe ghena shɛ kegezete ŋayɛ geva tsetsenya laka ka zlape Ghena kwatenca nya ganyɛ, nyi kegezete ghena le berete ta Sefəa Shala nya kesawa pelɛ ghweme. Kamawe ɗepe ta ŋkɛ kwele kwele ka ghwene ta Shala le ghəa nci.

Zhəwde 1:14

Ma ke Ɛnok, nde mberefaŋe ta hwelefe ta Adam gezete ghena kelɛŋə te ghəa nci vəashi: «Fatema mə, katese Nde sleke ŋkwa le ka ghwene ta ŋkɛ slibə slibə meŋe zhigə,

Ghena Kelɛŋə 11:2

Ama ŋwela nya pelɛke pelɛke ta ghɛa Shala ne, dzeghema na ma. Kwa nza ŋkɛ ne, nahe ŋkɛ kendeke nda geva ke kweci hwelefefi nyi keteŋkeɗe meleme nya keveyi geva tekeleke katere wəfaɗemsə bakeghəmbe.

Ghena Kelɛŋə 6:10

Ma ke hɛ zlapete le berete: «Nde sleke ŋkwa nya keveyi geva tekeleke nya kaganda, hweŋkwa temeha ghwə na te mbeli nyi te hɛɗi kezha wa dewa ta mimia n'yɛ wa?»

Ka Meha ghwə 13:18

Ma ke nde ghwene ta Mahwətə zhɛnete nda: «Yitea wa ɗe na kaɗepe slə ɗa wa? Kaslə meŋele sləa shɛ.»