Daniyɛl 8:12 - Ghena ta Shala

¹² Ma laka slene nyi ndiremi ndiremia shɛhɛ ne, pa melɛ nya keveci keveci ndeke nda geva, tsagha ka sewajɛ nyi pelɛ ghweme. Pa teremea shɛ neghate kaganda te hɛɗi ba'a pa nde jive mbe kema mbe yayata wəsə nya mene nde.

Daniyɛl 8:12 Iomraidhean Croise

Palepa ta JOB 12:6

Kwelɛŋe ka mefətekwə ki ghɛa nci, gwezlayɛ nzanji ka ghweze mɛ hwa Shala. Kwete Shala shɛ keɗepe hɛ za ma ke berete ta nci we.

Cimə 119:142

Tiɗiɗia ŋa ya katiɗiɗi nya kaghala ghala, wəsə mahalegəa ŋa ya kakaganda.

Cimə 119:43

Kelemtema kaganda na kwa mɛa ɗa ma, kwa nza ŋkɛ ghena nyi tarete na yaneghe 'ya.

Cimə 28:5

Kafave wəshi nyi mene Mahwətə keɗema slene nyi mene dzeve ta ŋkɛ hɛ we. Yawa, zamte sebe ŋkɛ te hɛ, zhɛnema hɛ kasate te ŋkwa gɛ!

Ɛzayi 59:14

Vatse dzeyi wəsə nya tiɗiɗi te sebe, nza nza tiɗiɗi cakeɗake. Ma dzeyi te ŋkwa kebeke ne, kateɗe kaganda, kaza wəsə nya tiɗiɗi.

Zhɛrɛmi 12:1

Mahwətə, ketiɗiɗi na kezha ghəpə 'ya le gha. Ndagwara kaɗe 'ya kaghəpə le gha te ghena ta nza tiɗiɗi. Wa raberə nda jive ka 'yagha mehele mbe kema mbe kema wa? Wa raberə nda nza ka mbəɗəkwə kwelɛŋe wa?

Daniyɛl 11:28

Katezhɛne geva meghe nya laka bela kwa gwela kadzete hɛɗia ŋkɛ le wəshi kwele kwele. Ma kwa hweŋkwa ne, kateme ŋkɛ te hwelefe nya kemenete jikə geva le Shala kala nya zəzəte ŋkɛ. Kwa sebe ta ŋkɛ ne, katezhɛne ŋkɛ kadzete hɛɗia ŋkɛ.

Daniyɛl 7:21

Ma mba 'ya kanewe ŋkwa ne, ntake ŋkɛ kampa le mbelia Shala ba'a kahərə hɛ.

Daniyɛl 8:4

Ma newe 'ya ne, kaɗa ŋkwa gamea shɛ le tereme laka ŋkwa kepəkwə ta veci, laka bela kwa gwela ba'a laka bela kwa zeme. Wəsə keseɗa shɛ kaghereŋe kwa kema ta ŋkɛ we, wəndə shɛ kazləgwəke ŋkwa ve we. Wəsə nya ɗe ŋkɛ yamene ŋkɛ ba'a nda mtsehe yamtsehe berete ta ŋkɛ.

Ghena Kelɛŋə 13:7

Nahe hweŋkwa kendeke nda geva kezha mpa le mbelia Shala ba'a kezha hərə hɛ. Nahe nde kekemave berete te ghəa yayata yita, yayata hwelefe, yayata ghena ba'a yayata hɛɗi.

1 Saməyɛl 23:9

Nahe David kefate kezha kese ta ŋkɛ sleke geva Sawəl ndiremike mike, ma ke sha nde dzeghe Shala Abiyatar: «Keleke lekwesa nya kənəa rewebe.»