Daniyɛl 8:11 - Ghena ta Shala

¹¹ Ya wəndə nya te ghəa ka sewajɛ nyi pelɛ ghweme ne, pa teremea shɛ have nda mpa, pa nde fɛamte melɛ nyi dzeghe nda mbeli keveci keveci ba'a zhɛrete ghɛa Shala wale wale.

Daniyɛl 8:11 Iomraidhean Croise

Ɛzayi 37:23

Wa yaŋelekɛ na ba'a yayiɗəkɛ na wa? Kənəa wa se na kaŋgezle wa? Wa yase na kanewe le ŋkele ntsə wa? 'Ya Shala nya kaganda ta Israyɛl gɛ na!

Ɛzayi 37:29

Ma va nya hwepete wənə na va 'ya ba'a nya fate ghena ŋkele ntsə ta ŋa 'ya ne, 'ya kateve ŋa hiwə hiwə mbe ŋshi ba'a lɛ mbe mɛ. Katezhɛne ŋa 'ya dzeyi te sebe kwa hweŋkwa nya se nya na.

Zhɛrɛmi 48:26

Ma zəzəte Mowab ne, kwele ma ŋkɛ ke Mahwətə. Ghwəyimte ŋkɛ mbeli le tɛa ŋkɛ yitea vənəhwə ŋkɛ! Ma tsagha, mbeli pɛtɛ kateŋ'wəshi ŋkɛ.

Zhɛrɛmi 48:42

Nahe Mowab keŋzla, mba kahwelefe, va nya veyi ghəa ŋkɛ ŋkɛ kwele ma ke Mahwətə we.

Ɛzɛkiyɛl 46:14

Kala same ta veci kwa ghɛ ɓiyitsa ne, katekele nda kiləwəa hə mcɛfe ba'a litrəa n'yi bake mbeli ke Mahwətə kezha gweɗə hwa hə shɛ. Ma ghena nyi kegezete geva te ghəa melɛ nya dzeghe nya mbeli keveci keveci ne, kaghala ghala temene slene hɛ.

Daniyɛl 11:22

Wəvəsəa ka sewajɛ shɛ katehərə ŋkɛ we. Katempə hɛ ŋkɛ pɛtɛ ba'a katepesle wəndə nya te ghəa hwelefe ta jikə geva ŋkɛ.

Daniyɛl 11:31

Kateghereŋe ka sewajɛ nyi ghweneke ŋkɛ, katezhɛre ŋkwa nya keveyi tekeleke nya berete hɛ wale wale. Katefɛa melɛ nyi dzeghe mbeli keveci keveci hɛ ba'a kateve wəsə nya ndiremi kashasha hɛ te reghwetɛ.

Daniyɛl 12:11

Ma se te və nya tefɛa geva melɛ nya keveci keveci ba'a nya teve geva wəsə kwa ndiremi kashasha te reghwetɛ ne, katenza hɛ shɛ 1.290.

Daniyɛl 5:23

Nahe na kese kavereslə le Shala nya pelɛ ghweme, te və nya fəke wəshi kesa wəshi nyi kese mbe ghɛa Shala na. Nahe yɛ kese kasa tɛ kwa hɛ, gha, mbelia jama yitea gha, ka meghwateshia ŋa ba'a kweci mia ŋa. Nahe na ketsahekɛ yɛ shala mze kwa tɛawetɛa, mze kwa tere tere, mze kwa ghwə ghwə, lɛ, sheghwə ba'a pelɛ, shala nyi keɗema kanakɛ ŋkwa, kafa ghena keɗema nyi keɗepema wəshi. Nahe na kesema kave zləvə te Shala nya nza mpia ŋa ba'a pɛtɛa dzeghwa ta ŋa mbe dzeve ta ŋkɛ.

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Daniyɛl 8:12

Ma laka slene nyi ndiremi ndiremia shɛhɛ ne, pa melɛ nya keveci keveci ndeke nda geva, tsagha ka sewajɛ nyi pelɛ ghweme. Pa teremea shɛ neghate kaganda te hɛɗi ba'a pa nde jive mbe kema mbe yayata wəsə nya mene nde.

Daniyɛl 8:24

Katemtsehe berete ta ŋkɛ, ama ve se ŋkɛ we. Katebeze wəshi ŋkɛ ndiremike mike ba'a katejive ŋkɛ mbe kema mbe yayata wəsə nya temene ŋkɛ. Kateza sebe ŋkɛ te mbeli nyi berete berete, geze ta ŋkɛ mbeli nyi kaŋa Shala.

Daniyɛl 8:25

Ma le ntsehwelea ŋkɛ ne, kateghwete ŋkwa ŋkɛ. Ma mbe kele ghə ta ŋkɛ ne, katempə mbeli kwele kwele ŋkɛ, mbeli nyi keve ghəa nci gwezlayɛ. Kateha nda mpa ŋkɛ ke wəndə nya te ghəa mbeli nyi te ghə. Ama katezamte geva sebe te kaɗema dzeve kekwaɗakɛ ŋkɛ.

Daniyɛl 9:25

Wa nya wəsə nya hi na kaɗepete ba'a kafave nya: Ma se te və nya gezete geva ghena te ghəa zhɛne geva ta mbeli nyi kefəhwe geva kase ba'a ŋa ta Zhɛrəzalɛm zhɛkwa, hwa'a te nca ta wəndə nya te ghə nya ntave Shala ne, va mberefaŋe zhigə mberefaŋemsə ya shɛ. Ma mbe va ŋkwaŋemsə bakeghəmbe zhigə mberefaŋe ne, kateŋa geva meleme ba'a zli nya yite, ama dzawe dzawe tenza yɛ va shɛhɛ.

Ɓela 28:3

Ma pa na sha tegeze nda ke hɛ: Wa nyi wəshi kezeme nyi teve nda yɛ ke Mahwətə nyi: keveci keveci ne, zhɛgwəa lɛməa timɛti nyi same va bake, nyi ɗema beze te hɛ kezha melɛ kwa tere tere nya kaghala ghala.

Ləwke 21:24

Katempə hɛ ka jaga ta nci le kafayɛ, katekese hɛ mbeli kaka mavashi kalə kadzete kweci hɛɗi. Kateŋkeɗe Zhɛrəzalɛm kweci hwelefefi hwa'a te və nya tekiɗi zlɛa nci.

2 Tɛsalonike 2:4

Gheŋkɛ ya kande ghema. Kateɗema yayata wəsə nya keveyi geva tekeleke ba'a nya hawe mbeli ve ŋkɛ. Katedzeghe ntishɛ ŋkɛ le ghəa ŋkɛ mbe ghɛa Shala ba'a kategeze ŋkɛ nahe ŋkɛ kenza kaShala.

Ka Ɛbrə 2:10

Kwa nza ŋkɛ Shala nde pate wəshi pɛtɛ, nahe pɛtɛa wəshi kenza kezha Shala, vatse nda ndeke zləvə Shala ke Yɛsə laka yaka nya sahwe ŋkɛ, kezha fə ŋwale kwele kwele kadzembe zləvəa ŋkɛ. Kwa nza ŋkɛ ne, Yɛsə nde mbele hɛ.

Ghena Kelɛŋə 17:14

Katempa hɛ le zhɛgwəa təmə, ama katehərə hɛ zhɛgwəa shɛ, kwa nza ŋkɛ nahe ŋkɛ kenza kaNde sleke ka sleke ŋkwa ba'a kameghea ka meghea kɛfi. Katehərə hɛ ŋkɛ le mbeli nyi hekakɛ ba'a nyi tsehave ŋkɛ, mbeli nyi dɛŋe dɛŋe te.»