Daniyɛl 7:7 - Ghena ta Shala

⁷ Ma newe 'ya heviɗi zhɛne ne, pa 'ya nakɛ kwa wəfaɗe ta wəsə keseɗa nya ghazlənə mbeli ve, nya kedake ŋkwa ba'a nya bereteke. Nahe slene nyi kwa mɛa ŋkɛ kenza kalɛ, kazeme ba'a kaslekwe yayata wəsə nya sləyi ŋkɛ, kaŋkeɗe nya ketene ŋkɛ le seɗa. Nahe ŋkɛ kenza tekeleke le kweci wəshi keseɗa nyi mahekene, tereme meŋe ya kwa.

Daniyɛl 7:7 Iomraidhean Croise

2 Saməyɛl 22:43

'Ya kahə hɛ kakeləwə, kaŋkeɗe hɛ kala rekɛ nyi kwa hweŋkwa.

Palepa ta JOB 41:14

Mbe welɛa ŋkɛ berete ta ŋkɛ. Kwa kema ta ŋkɛ ne, pɛtɛ mbeli kahwɛ.

Ɛzɛkiyɛl 40:2

Ma newe 'ya ne, laŋe Shala te 'ya kajive hɛɗia Israyɛl. Pa ŋkɛ veyi ɗa kwa ghəa ghweme nya biya nya nza kweci ghɛ dzeɓakwe kala ghɛ nyi mbe meleme laka bela kwa zeme ta ŋkɛ.

Daniyɛl 2:19

Tagha gɛ, pa shiwə nya tewəfərəa shɛ ncɛte nda geva ke Daniyɛl heviɗi. Kwa sebe ta ŋkɛ, pa Daniyɛl tsahekɛ Shala nya pelɛ ghweme.

Daniyɛl 7:13

Ma mba 'ya kanewe wəshi nyi kencɛ ɗa geva nyi heviɗi ne, pa 'ya nakɛ kwete wəsə kala wəndə ŋelɛ kase mbe ləmbə nya te ghweme. Hwa'a ŋkɛ ntsehe sha meha za, pa mbeli hendeyi ŋkɛ kwa kema ta ŋkɛ.

Daniyɛl 7:2

Wa nya nza ta wəsə nya ɓelate ŋkɛ nya: «Ma heviɗi ne, pa 'ya nakɛ sefə nya kese mbe bela ta hɛɗi wəfaɗe kawəvaɗe wəvaɗe ndərə nya wəba.

Daniyɛl 8:10

Pa nde kelenyɛ hwa'a pelɛagha sha ka sewajɛ nyi pelɛ ghweme, pa nde mpəate kweci ka sewajɛa shɛhɛ ba'a yɛ saseregwa te hɛɗi, pa nde ŋkeɗemte hɛ.

Daniyɛl 8:22

Ma tereme nya keɓelenyɛ ba'a tereme wəfaɗe nyi kepesenji te ŋkwa ŋkɛ ne, ka meghea kɛfi wəfaɗe nyi ketedzete ŋkwa ŋkɛ yancɛ hɛ, ama katekemave berete ta ŋkɛ hɛ we.

Zakari 2:1

Newe 'ya sha ŋkwa ne, dəkwə 'ya te tereme wəfaɗe.

Ghena Kelɛŋə 12:3

Kwa sebe ta ŋkɛ, pa kwete wəsə ncake geva pelɛ ghweme: shishi meŋele nya wəba. Nahe ŋkɛ kenza gheme kala ghwə, ghə mberefaŋe ba'a tereme meŋe ya te, derə meghe ya mbe yayata ghə.

Ghena Kelɛŋə 13:1

Kwa sebe ta ŋkɛ, pa 'ya nakɛ wəsə keseɗa kasame kwa ndərə. Meŋe tereme ba'a mberefaŋe ghə te. Derə meghe ya te yayata tereme, slə nya keŋele Shala ya te yayata ghə.

Ghena Kelɛŋə 17:12

Ma tereme nyi nakɛ nyi na meŋe ne, ka meghea kɛfi nyi kenakama kadzembe meghe. Ama katekemave berete kemene meghe hɛ le wəsə keseɗa kalerə kwetɛŋe.

Ghena Kelɛŋə 17:7

Tagha gɛ, ma ke nde ghwene ta Shala sha 'ya: «Va wa nza na hake wa? 'Ya katencɛ ŋa wəsə nya tewəfərə mbe ghena ta malea shɛ ba'a ŋa wəsə keseɗa nya nza ghə mberefaŋe ba'a tereme meŋe te, nya kekele ŋkɛ.

Ghena Kelɛŋə 17:8

Nahe wəsə keseɗa nya nakɛ nya na kese teghweme, ama mba ŋkɛ we. Katesame ŋkɛ kwa ki nya ɗema ghala kwa, ama kezha lə kaza. Ma mbeli nyi te hɛɗi nyi rafetema geva sləa nci te palepa ta mpi ghala pate geva yɛ hɛɗi le ghweme ne, katenza hɛ heheɓake va newe wəsə keseɗa shɛ. Kwa nza ŋkɛ teghweme se ŋkɛ vəashi, tsetsenya ne, mba ŋkɛ we, ama katezhɛne ŋkɛ kase.