Daniyɛl 7:6 - Ghena ta Shala

⁶ Ma newe 'ya kwa sebe ta ŋkɛ ne, pa 'ya nakɛ kwete wəsə keseɗa nya kala deghwava. Yɛ bidzəa 'yɛ ya wəfaɗe te wəmbəa ŋkɛ ba'a ghə wəfaɗe ya te wəsə keseɗa shɛ. Pa berete kesleke ŋkwa ndeke nda geva.

Daniyɛl 7:6 Iomraidhean Croise

Ɛzɛkiyɛl 17:3

Ma pa na sha tegeze nda ke hɛ: Wa nya ghena nya geze Shala Mahwətə nya: Pa kwete zele kewəbanyɛ, nya nza bidzə kejama jamanji, shinti kebiya biyanji ba'a kendeɗe ndeɗenji te. Ntəŋə nde le zlə kadzeme ghweme ta Liban, pa nde ɓeleve dzeve nya biya ma hwa dzeve ta wəfe ta lekeleke.

Daniyɛl 10:20

Ma ke gezete ɗa: Nahe na keɗepe tewəmbəreke wa se 'ya sha gha na? 'Ya kampa tsetsenya le nde ya Pɛrse. Ma vəa ŋkwa nya teslə 'ya ne, nde ya Grɛse nde tese.

Daniyɛl 2:39

Ma kwa sebe ta ŋa ne, katese kwete meghe nya dewə berete ma ke ŋa ŋa. Zhɛne ne, kwa mahekene ta meghe nya ncɛ mze kwa ghwə ghwə nde tehərə ŋkwa nya te hɛɗi lema.

Daniyɛl 7:4

Nahe kwa ghate kenza kala nivɛrə ba'a nahe yɛ bidzəa zele kenza yite. Ma newe 'ya ne, pa yɛ bidzəa ŋkɛ nteɗehwe geva, pa sletakate geva sate te hɛɗi ba'a ghereŋenyɛ te seɗa bake kala wəndə ŋelɛ. Pa mehele ta wəndə ŋelɛ ndeke nda geva.

Daniyɛl 7:5

Nahe kwa bake ta wəsə keseɗa kenza kala mtsekwele. Pa nde ghereŋenyɛ te bela kwetɛŋe ba'a 'yɛ'yɛa slerepe mahekene ya mbe mɛ ve. Ma ke mbeli gezete nda: Sate megela gɛ ga! Zeme sli kwele kwele gɛ!

Palepa ta Ozɛ 13:7

Tagha gɛ, pa 'ya zhɛre ɗa kala nivɛrə kaŋa ŋayɛ pɛtɛ, kala deghwava nya ɗeke ɗeke kezha ɗa ŋkwa kwa hweŋkwa.

Ghena Kelɛŋə 13:2

Nahe wəsə keseɗa nya nakɛa shɛ 'ya kenza kala deghwava, yɛ seɗa ta ŋkɛ kenza kala ŋa mtsekwele ba'a mɛa ŋkɛ kenza kala ŋa nivɛrə. Pa shishi meŋele ndeke nda berete ta ŋkɛ, pasla ta ŋkɛ ba'a kwelea ŋkɛ nya wəba.