Daniyɛl 7:5 - Ghena ta Shala

⁵ Nahe kwa bake ta wəsə keseɗa kenza kala mtsekwele. Pa nde ghereŋenyɛ te bela kwetɛŋe ba'a 'yɛ'yɛa slerepe mahekene ya mbe mɛ ve. Ma ke mbeli gezete nda: Sate megela gɛ ga! Zeme sli kwele kwele gɛ!

Daniyɛl 7:5 Iomraidhean Croise

2 Ka Meghea Kɛfi 2:24

Pa ŋkɛ zhɛrete geva, newakɛ hɛ ba'a bezlamte hɛ te sləa Mahwətə. Pa ŋemia mtsekwele bake shave mbe ghɛa wəfe ba'a slekwemte kweci ŋwalea shɛhɛ wəfaɗemsə bakeghəmbe.

Yɛ Ghena Ŋela 17:12

Za ma begeme le deghwava nya ɗema ŋwale yite ke begeme le nde dewə mehele mbe gezhia ŋkɛ.

Ɛzayi 56:9

Gheyɛ wəshi keseɗa pɛtɛ nyi hwa gamba ba'a gheyɛ wəshi keseɗa nyi mbe ghɛa wəfe, se mə yitea wəsə kezeme gɛ ga!

Daniyɛl 11:2

Ma tsetsenya gɛ ne, 'ya kageze ŋa kaganda. Katedzedzete meghe ka meghea kɛfi mahekene mbe Pɛrse, zhɛne ne, katetsene mcɛlə nde wəfaɗe za ma ke pɛtɛa kweci. Ma vəa ŋkwa nya tendeke nda berete mcɛləa ŋkɛ ne, katezele yayata ntsehwele ŋkɛ kezha ha nda mpa ke hɛɗia Grɛse.

Daniyɛl 2:39

Ma kwa sebe ta ŋa ne, katese kwete meghe nya dewə berete ma ke ŋa ŋa. Zhɛne ne, kwa mahekene ta meghe nya ncɛ mze kwa ghwə ghwə nde tehərə ŋkwa nya te hɛɗi lema.

Daniyɛl 5:28

PERƐS, geze ta ŋkɛ, “kenehe nehe”: nahe meghea ŋa keneheve geva ba'a nahe ŋkɛ kendeke nda geva ke ka Mɛde ba'a ka Pɛrse.»

Daniyɛl 7:4

Nahe kwa ghate kenza kala nivɛrə ba'a nahe yɛ bidzəa zele kenza yite. Ma newe 'ya ne, pa yɛ bidzəa ŋkɛ nteɗehwe geva, pa sletakate geva sate te hɛɗi ba'a ghereŋenyɛ te seɗa bake kala wəndə ŋelɛ. Pa mehele ta wəndə ŋelɛ ndeke nda geva.

Daniyɛl 7:6

Ma newe 'ya kwa sebe ta ŋkɛ ne, pa 'ya nakɛ kwete wəsə keseɗa nya kala deghwava. Yɛ bidzəa 'yɛ ya wəfaɗe te wəmbəa ŋkɛ ba'a ghə wəfaɗe ya te wəsə keseɗa shɛ. Pa berete kesleke ŋkwa ndeke nda geva.

Palepa ta Ozɛ 13:8

Kaha ŋayɛ mpa 'ya kala mtsekwele nya fəhwe ŋwale mbeli yite. Pa 'ya ŋkwahemte hate te gheyɛ. Tagha gɛ, kaslekwe ŋayɛ 'ya kala ŋemalea nivɛrə, Katemcɛhwe ŋayɛ wəshi keseɗa nyi hwa gamba mbe.

Ghena Kelɛŋə 13:2

Nahe wəsə keseɗa nya nakɛa shɛ 'ya kenza kala deghwava, yɛ seɗa ta ŋkɛ kenza kala ŋa mtsekwele ba'a mɛa ŋkɛ kenza kala ŋa nivɛrə. Pa shishi meŋele ndeke nda berete ta ŋkɛ, pasla ta ŋkɛ ba'a kwelea ŋkɛ nya wəba.