Daniyɛl 7:4 - Ghena ta Shala

⁴ Nahe kwa ghate kenza kala nivɛrə ba'a nahe yɛ bidzəa zele kenza yite. Ma newe 'ya ne, pa yɛ bidzəa ŋkɛ nteɗehwe geva, pa sletakate geva sate te hɛɗi ba'a ghereŋenyɛ te seɗa bake kala wəndə ŋelɛ. Pa mehele ta wəndə ŋelɛ ndeke nda geva.

Daniyɛl 7:4 Iomraidhean Croise

2 Saməyɛl 1:23

Mbe nza ta nci teghweme ne, kwele kwele ɗe ghəa nci yɛ Sawəl le Zhonatan, mbe mte ta nci perə ne, keneheve geva hɛ we. Wɛrewɛ ma hɛ ke yɛ zele, ghyana ma hɛ ke yɛ nivɛrə!

Palepa ta JOB 25:6

Tsema tenza nza ta wəndə ŋelɛ tsagha wa? Ma kwa ntsə ta ŋkɛ ne, deke menteɗa nya kawəsəa kwadanyɛ ŋkɛ!»

Cimə 9:20

Mahwətə, sate te ŋkwa, yagha wəndə ŋelɛ kahərəte ŋkwa! Mehate geva ghwə te hwelefefi kwa kema ta ŋa!

Zhɛrɛmi 25:38

Nahe ŋkɛ kewəfəyite mbelia ŋkɛ kala nivɛrə nya kesate te ghweɓea ŋkɛ. Kaɓerama zhɛrenyɛ hɛɗia nci va mpa kwa zhɛma heli ba'a va ghwə ta hwepe wənəa ŋkɛ.

Zhɛrɛmi 4:13

«Wa nya nde jaga nya kase kala ləmbəa ghapeha, kala masefafele hwɛ yɛ wəmata gədəwəa ŋkɛ, hwɛ ma yɛ gədəwəa ŋkɛ ke yɛ zele. Awema! Rayɛ sebe te ghen'yɛ!»

Zhɛrɛmi 4:7

Nahe nivɛrə keshave mbe gamba ta ŋkɛ, nahe nde za sebe te kweci hwelefefi kedzawa hweŋkwa, Nahe ŋkɛ kesate te ghweɓea ŋkɛ kezha za sebe te hɛɗia ŋayɛ. Kakwəfi tenza yɛ meleme ta ŋayɛ, kaɗema mbeli katenza mbe.

Zhɛrɛmi 48:40

Wa nya ghena nya geze Mahwətə nya: «Ma nde jaga ne, kala zele nya kezlə ba'a nya kepelakeyi bidzəa ŋkɛ kənəa Mowab ŋkɛ.»

Zhɛrɛmi 49:19

Katenza 'ya kala nivɛrə nya keshave mbe gamba nya mɛa Zhəwrdɛŋe kadzete ɗasle. Katefəmte mbeli 'ya pɛtɛ kala metɛ ta ntsə, kateve meghe nya ɗe 'ya 'ya mbe Ɛdom. Kwa nza ŋkɛ ne, wa wəndə nya kala 'ya wa? Wa wəndə nya nza 'ya kaghereŋe te ghwə le wa? Wa wəndə nya te ghə nya kenza kazhɛnete ɗa ghə wa?

Yɛ Ŋgaɗe ghə 4:19

Ma mbeli nyi kekeka n'yɛ ne, wɛrewɛ ma hɛ ke zele nyi yitea ghweme. Kakeka n'yɛ hɛ dzeme hwa yɛ ghweme, kaŋsle n'yɛ ghweɓe hɛ te ɓerama.

Ɛzɛkiyɛl 17:3

Ma pa na sha tegeze nda ke hɛ: Wa nya ghena nya geze Shala Mahwətə nya: Pa kwete zele kewəbanyɛ, nya nza bidzə kejama jamanji, shinti kebiya biyanji ba'a kendeɗe ndeɗenji te. Ntəŋə nde le zlə kadzeme ghweme ta Liban, pa nde ɓeleve dzeve nya biya ma hwa dzeve ta wəfe ta lekeleke.

Ɛzɛkiyɛl 28:2

«Wəndə ŋelɛ, ma pa na sha meghea ka Tir: Wa nya ghena ta Shala Mahwətə nya: Nahe na keveyi kele ghə kwa wənəa ŋa, ma pa na sha geze: ‹shala 'ya. Ŋkwa nya kehi va yɛ shala yanza 'ya te te tepe ta ndərə.› Kala shala newe ghəa ŋa na, ama deke wəndə ŋelɛ na, kaɗema kashala.

Ɛzɛkiyɛl 28:9

Kwa kema ta mbeli nyi ketepesle ŋa ne, kagezete na: ‹'Ya ya kashala› pa na? Wəndə ŋelɛ tenza na, kaɗema kashala mbe dzeve ta mbeli nyi ketepesle ŋa.

Daniyɛl 2:38

Nahe ŋkɛ keveyi mbeli, wəshi keseɗa ba'a yɛ 'yɛ, te yayata ŋkwa nya nza hɛ mbe dzeve ta ŋa. Nahe ŋkɛ keveyi ŋa kande sleke hɛ. Gha ya kaghə mze kwa tere tere nya gɛ!

Daniyɛl 7:12

Pa berete ta kweci wəshi keseɗa shɛhɛ zamte geva, ama pa temə teghweme kavə ɓɛhwɛ ndeke nda geva ke hɛ hwa'a te və nya kesləyi geva.

Daniyɛl 7:5

Nahe kwa bake ta wəsə keseɗa kenza kala mtsekwele. Pa nde ghereŋenyɛ te bela kwetɛŋe ba'a 'yɛ'yɛa slerepe mahekene ya mbe mɛ ve. Ma ke mbeli gezete nda: Sate megela gɛ ga! Zeme sli kwele kwele gɛ!

Matiye 24:28

Te ŋkwa nya nza wəsə kwa mte mte tsene geva yɛ zleŋa.

Zhɛne Ghwelə yitea Wəshi Mahalegə 28:49

Kateghwene ŋayɛ kwete hwelefe Mahwətə se cakeɗake, se te mendɛkwe ta hɛɗi, kala nya me zele kənəa zhɛgwə. Kateɗepe ghena ta hwelefea shɛ yɛ we.

Ghena Kelɛŋə 13:2

Nahe wəsə keseɗa nya nakɛa shɛ 'ya kenza kala deghwava, yɛ seɗa ta ŋkɛ kenza kala ŋa mtsekwele ba'a mɛa ŋkɛ kenza kala ŋa nivɛrə. Pa shishi meŋele ndeke nda berete ta ŋkɛ, pasla ta ŋkɛ ba'a kwelea ŋkɛ nya wəba.