Daniyɛl 7:27 - Ghena ta Shala

²⁷ Kateve geva nda meghe, berete ba'a kwelea pɛtɛa hɛɗi ka meghe nyi te hɛɗi ke mbelia Shala tehwə ghweme. Katenza meghea nci kameghe nya kaghala ghala, katehawe pɛtɛa hɛɗia ka meghe va hɛ ba'a katemene nda slene hɛ ke hɛ.

Daniyɛl 7:27 Iomraidhean Croise

Cimə 145:13

Nahe meghea ŋa kenza kameghe nya kaghala ghala, katetemə meghea ŋa keshi keshi. Nahe Shala kenza dɛŋe dɛŋe te meɗe mɛa ŋkɛ, kancɛ ɗe ta ŋkɛ ŋkɛ mbe yayata wəsə nya mene ŋkɛ.

Cimə 22:27

Katezeme wəshi kezeme ka titikwəa kɛfi behe behe. Katetsahe Mahwətə mbeli nyi kesepa ŋkɛ. Hɛyi hɛ Shala teghweme.

Cimə 72:11

Pɛtɛa ka meghea kɛfi kategwəɗəŋə mbe kema ta ŋkɛ, pɛtɛa hwelefefi katemene nda slene.

Cimə 86:9

Katese pɛtɛa hwelefefi nyi pate na, kategwəɗəŋə hɛ kwa kema ta ŋa, kateve zləvə hɛ te sləa ŋa Shala yawe.

Ɛzayi 14:2

Katekemane hɛ kweci mbeli ba'a katefə hɛ hɛ kadzete hɛɗia nci. Tagha te hɛɗi nya kaŋa Mahwətə gɛ ne, katenehe hɛ ka Israyɛl kaka mavashia nci ba'a kaka kwaterashia nci. Katefə mbeli nyi kese kave hɛ kaka mavashi hɛ kaka mavashi. Katenza hɛ kaka sleke mbeli nyi kese kasa nda yaka ke hɛ.

Ɛzayi 54:3

Kwa nza ŋkɛ ne, katembake bezle na jive laka bela kwa zeme ba'a laka bela kwa gwela. Katekele hɛɗi nyi dzeyi yitea gha hwelefefia ŋa kaŋa nci, katezhɛne hɛ kanza mbe meleme nyi wəfəyite nyi mbeli.

Ɛzayi 9:7

Nahe Mahwətə kegezete ghena te hwelefefia Zhakob nahe ŋkɛ keteɗe kənəa Israyɛl.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 4:34

Ma tsetsenya, 'ya Nabəkodonozor ne, 'ya katsa nda hana, katsahe ba'a kave zləvə te Meghe nya pelɛ ghweme. Kwa nza ŋkɛ ne, nahe yɛ slene ta ŋkɛ kenza kakaganda ba'a nahe yɛ dzeghwa ta ŋkɛ kenza kanza tiɗiɗi, wərə ŋkɛ kashifəmte mbeli nyi kekele ghəa nci.»

Daniyɛl 6:26

Ma kwa sebe ta ŋkɛ ne, ma ke meghe Dariyəs rafete nda ghena ke pɛtɛa hwelefefi, pɛtɛa hɛɗi ba'a pɛtɛa ghena nyi te hɛɗi lema: «Kanjiŋwe ŋayɛ 'ya!

Daniyɛl 7:14

Pa ŋkɛ kemave berete, zləvə ba'a meghe. Tagha gɛ, ntake pɛtɛa hwelefefi, pɛtɛa hɛɗi ba'a pɛtɛa ghena kamene nda slene. Kaghala ghala tenza berete ta ŋkɛ, katekiɗi ŋkɛ we. Kateza sebe te meghea ŋkɛ tɛape we.

Daniyɛl 7:18

Ma kwa sebe ta nci, ma mbeli nyi kaŋa Shala tehwə ghweme ne, katekemave meghe nya kaghala ghala ba'a nya kekiɗima hɛ.

Daniyɛl 7:22

Ama pa meha za shɛ hendeke geva ba'a ndeke nda nza tiɗiɗi ke mbelia Shala tehwə ghweme. Ma kwa se və ne, pa mbelia Shala kemave meghe.

Abdiyas 1:21

Katehərə ŋkwa hɛ ba'a katedzeme ghweme ta Siyon hɛ kezha sleke Ɛdom. Mahwətə nde tenza kameghe gɛ!

Zakari 14:9

Mahwətə nde tenza kameghe te hɛɗi lema. Ma te vecia shɛ ne, deke Mahwətə yategwəɗəŋə mbeli kwa kema ta ŋkɛ, deke te sləa ŋkɛ tesəkwə ghə mbeli.

Ləwke 1:33

Kameghea ka Israyɛl tenza ŋkɛ kaghala ghala, katekiɗi meghea ŋkɛ we.»

Zhaŋe 12:34

Ma ke mbeli nyi ketsenete geva tagha: «Nahe n'yɛ kejaŋgate mbe palepa ta wəsə mahalegə, ma Mɛsi, wəndə nya ghweneke Shala ne, kaghala ghala tenza ŋkɛ, tsema geze na kateslete Wəzege ta za mbeli dzeme yitea ghweme pa wa? Wa Wəzege ta za shɛ wa?»

1 Ka Korɛnte 15:24

Ma kwa sebe ta ŋkɛ ne, katekiɗi hɛɗi, pɛtɛ teza sebe Kriste te yayata meghe, mbeli nyi te ghə ba'a yayata berete, vəa ŋkwa nya ve Meghea ŋkɛ ŋkɛ mbe dzeve ta Shala Yita.

Ghena Kelɛŋə 11:1

Pa kwete wəndə ndeke ɗa cafecɛge nya kala geta kedzeghe ŋkwa, ma ke sha 'ya: «Sate dzeghete ghɛa Shala ba'a reghwetɛ, ɓelate mbeli nyi kehawe va Shala mbe.

Ghena Kelɛŋə 11:15

Pa nde mberefaŋe ta nde ghwene ta Shala vɛte veke. Fa mbeli ne, kazlape geva ghena le berete pelɛ ghweme, ma ke ghena shɛ: «Nahe meghe nya te hɛɗi lema kenza kaŋa Nde sleke ɓəmə ba'a kaŋa wəndə nya ntave ŋkɛ, kameghe kaghala ghala tenza ŋkɛ.»

Ghena Kelɛŋə 17:14

Katempa hɛ le zhɛgwəa təmə, ama katehərə hɛ zhɛgwəa shɛ, kwa nza ŋkɛ nahe ŋkɛ kenza kaNde sleke ka sleke ŋkwa ba'a kameghea ka meghea kɛfi. Katehərə hɛ ŋkɛ le mbeli nyi hekakɛ ba'a nyi tsehave ŋkɛ, mbeli nyi dɛŋe dɛŋe te.»

Ghena Kelɛŋə 19:16

Ma te karalamea ŋkɛ ba'a te basa ta ŋkɛ ne, ma ke slə rafete geva: «Meghea ka meghea kɛfi ba'a Nde sleke ka sleke ŋkwa.»

Ghena Kelɛŋə 20:4

Ma ɓiyitsa ne, pa 'ya nakɛ yɛ pasla. Pa mbeli nyi mentishɛ pelɛ hɛ kekemave berete kemeha ghwə. Pa 'ya nakɛ shenaŋkwe ta mbeli nyi slamte ghə mbeli te hɛ tewəmbəreke nza ta nci dɛŋe dɛŋe te kaganda nya ncɛte Yɛsə ba'a te ghena ta Shala. Kese hɛ kahawe va wəsə keseɗa, ya va pa ta ŋkɛ we. Kekelete lamba ta wəsə keseɗa hɛ mɛa kema ta nci, ya te dzeve ta nci we. Pa hɛ same kwa kwele le mpi ba'a nzanji kaka meghea kɛfi zlaɓe le Kriste kava slibə.

Ghena Kelɛŋə 22:5

Katezhɛne viɗi kanza shɛ we, katezhɛne mbeli kaɗe waŋe ta paterela, ya ŋa veci we. Kwa nza ŋkɛ ne, katepele waŋe ta ŋkɛ Mahwətə Shala kənəa hɛ, katenza hɛ kaka meghea kɛfi kaghala ghala.