Daniyɛl 7:24 - Ghena ta Shala

²⁴ Ma ghena nya mbe tereme nyi meŋe ne, ka meghea kɛfi meŋe nyi ketedzedzete meghe. Ma nde meŋe kwetɛŋeghəmbe ta meghe nya tekeleke le kweci nyi keghate ne, kateŋka ka meghea kɛfi mahekene ŋkɛ.

Daniyɛl 7:24 Iomraidhean Croise

Daniyɛl 11:36

Wəsə nya zeɗehwe nda yamene meghea shɛ. Katekele ghəa ŋkɛ ŋkɛ ba'a kateve ghəa ŋkɛ te ghəa pɛtɛa yɛ shala. Kategeze ghena nyi ndiremi ndiremi te Shala ta yɛ shala. Katejive ŋkɛ mbe kema hwa'a te və nya tenca hwepe wənə ta Shala, kwa nza ŋkɛ katemene geva wəsə nya tarete Shala.

Daniyɛl 2:41

Nahe na kenakɛ yɛ seɗa ba'a ŋwalea seɗa kalɛ kwete bela ba'a karekɛ kwete. Ma ɗe ŋkɛ kageze ne, katenza ŋkɛ kahɛɗia meghe nya kenehe nehe mbe. Katenza berete ta lɛ mbe kwete bela ta ŋkɛ, va nya nakɛ na lɛ megweɗə mbe rekɛ.

Daniyɛl 7:20

Pa 'ya 'yɛwete ghena nya mbe tereme nyi meŋe kwa ghəa wəsə keseɗa shɛ, ghena nya mbe tereme nya kepesenyɛ ba'a nya kebetemte kweci tereme mahekene. Yɛ ntsə ba'a mɛ nya kegeze ghena ŋkele ntsə ya te teremea shɛ. Nahe ŋkɛ kenza wəba ma ke kweci.

Daniyɛl 7:23

Wa nya ghena nya gezete ɗa ŋkɛ nya: Ma kwa wəfaɗe ta wəsə keseɗa ne, nde wəfaɗe ta meghe nya kwake te hɛɗi, nya tekeleke le pɛtɛa kweci nde. Katezeme pɛtɛa hɛɗi ŋkɛ, kateŋkeɗe ŋkɛ ba'a katencɛhwe ŋkɛ.

Ghena Kelɛŋə 12:3

Kwa sebe ta ŋkɛ, pa kwete wəsə ncake geva pelɛ ghweme: shishi meŋele nya wəba. Nahe ŋkɛ kenza gheme kala ghwə, ghə mberefaŋe ba'a tereme meŋe ya te, derə meghe ya mbe yayata ghə.

Ghena Kelɛŋə 13:1

Kwa sebe ta ŋkɛ, pa 'ya nakɛ wəsə keseɗa kasame kwa ndərə. Meŋe tereme ba'a mberefaŋe ghə te. Derə meghe ya te yayata tereme, slə nya keŋele Shala ya te yayata ghə.

Ghena Kelɛŋə 17:3

Pa Sefəa Shala dzembe 'ya ba'a pa nde ghwene ta Shala keleghe ɗa kadzete ɓerama. Tagha ne, pa 'ya nakɛ male mentishɛ pelɛ wəsə keseɗa kwa ghɛmɛ. Ghə mberefaŋe ba'a tereme meŋe ya te wəsə keseɗa shɛ, bətə geva ta ŋkɛ mbe slə nyi keŋele Shala.