Daniyɛl 7:22 - Ghena ta Shala

²² Ama pa meha za shɛ hendeke geva ba'a ndeke nda nza tiɗiɗi ke mbelia Shala tehwə ghweme. Ma kwa se və ne, pa mbelia Shala kemave meghe.

Daniyɛl 7:22 Iomraidhean Croise

Cimə 149:5

Zlama mbeli nyi dɛŋe dɛŋe te Shala ba'a ve nda zləvə hɛ gi ga! Tsa gaghwe hɛ dzeyi te gezlea nci gɛ!

Ɛzayi 63:4

Kwa wənəa ɗa ne, nahe 'ya ketarete wa dewa ta ɗa, nahe və kembele mbelia ɗa kese.

Daniyɛl 7:18

Ma kwa sebe ta nci, ma mbeli nyi kaŋa Shala tehwə ghweme ne, katekemave meghe nya kaghala ghala ba'a nya kekiɗima hɛ.

Daniyɛl 7:23

Wa nya ghena nya gezete ɗa ŋkɛ nya: Ma kwa wəfaɗe ta wəsə keseɗa ne, nde wəfaɗe ta meghe nya kwake te hɛɗi, nya tekeleke le pɛtɛa kweci nde. Katezeme pɛtɛa hɛɗi ŋkɛ, kateŋkeɗe ŋkɛ ba'a katencɛhwe ŋkɛ.

Matiye 19:28

Ma ke Yɛsə sha hɛ: «Kaganda ne, ma 'ya sha gheyɛ: ma vəa ŋkwa nya tentishɛ Wəzege ta za pelɛ pasla nya nza zləvə te ne, katentishɛ gheyɛ nyi meŋe bakeghəmbe nyi kese katəkwə təkwəte ɗa pelɛ yɛ pasla kezha meha ghwə te ka yitehɛa Israyɛl nyi meŋe bakeghəmbe.

2 Tɛsalonike 2:8

Tagha gɛ, katenca Nde 'yaghwa mehele nya teza sebe Nde sleke ŋkwa Yɛsə le sefə nya kesame kwa mɛa ŋkɛ ba'a nya tepesle ŋkɛ laka ɓele ta se ta ŋkɛ.

Ghena Kelɛŋə 1:6

Nahe ŋkɛ kezhɛrete ɓəmə kawəvəsəa ka dzeghe Shala kezha mene nda slene ke Shala nya kaYitenyɛ. Ŋa ŋkɛ nza zləvə ba'a berete kaghala ghala. Amɛn.

Ghena Kelɛŋə 20:4

Ma ɓiyitsa ne, pa 'ya nakɛ yɛ pasla. Pa mbeli nyi mentishɛ pelɛ hɛ kekemave berete kemeha ghwə. Pa 'ya nakɛ shenaŋkwe ta mbeli nyi slamte ghə mbeli te hɛ tewəmbəreke nza ta nci dɛŋe dɛŋe te kaganda nya ncɛte Yɛsə ba'a te ghena ta Shala. Kese hɛ kahawe va wəsə keseɗa, ya va pa ta ŋkɛ we. Kekelete lamba ta wəsə keseɗa hɛ mɛa kema ta nci, ya te dzeve ta nci we. Pa hɛ same kwa kwele le mpi ba'a nzanji kaka meghea kɛfi zlaɓe le Kriste kava slibə.

Ghena Kelɛŋə 3:21

Ma wəndə nya kehərəte mpa ne, kateve nda hweŋkwa 'ya kezha nza pelɛ pasla ta ɗa le 'ya, kala 'ya, kwa sebe ta nya hərəte mpa 'ya ne, nahe 'ya kelə kantishɛ ɗa yitea Yiteyɛ ɗa pelɛ pasla ta ŋkɛ.

Ghena Kelɛŋə 5:10

Nahe na kezhɛrete hɛ kawəvəsəa ka dzeghe Shala kezha mene nda slene ke Shala ta ɓəmə. Katesleke hɛɗi lema hɛ.»