Daniyɛl 7:18 - Ghena ta Shala

¹⁸ Ma kwa sebe ta nci, ma mbeli nyi kaŋa Shala tehwə ghweme ne, katekemave meghe nya kaghala ghala ba'a nya kekiɗima hɛ.

Daniyɛl 7:18 Iomraidhean Croise

Cimə 45:16

Kabeghe hɛ mbeli le yɛyi. Kadzeki ghɛa meghe hɛ.

Cimə 49:14

Tsetse nza ta mbeli nyi keve ghə fate fate te ghəa nci, ntishɛ ta mbeli nyi keɗe kafa nda ŋa nci mbeli ke hɛ. Zhɛne mpi.

Ɛzayi 14:2

Katekemane hɛ kweci mbeli ba'a katefə hɛ hɛ kadzete hɛɗia nci. Tagha te hɛɗi nya kaŋa Mahwətə gɛ ne, katenehe hɛ ka Israyɛl kaka mavashia nci ba'a kaka kwaterashia nci. Katefə mbeli nyi kese kave hɛ kaka mavashi hɛ kaka mavashi. Katenza hɛ kaka sleke mbeli nyi kese kasa nda yaka ke hɛ.

Daniyɛl 7:14

Pa ŋkɛ kemave berete, zləvə ba'a meghe. Tagha gɛ, ntake pɛtɛa hwelefefi, pɛtɛa hɛɗi ba'a pɛtɛa ghena kamene nda slene. Kaghala ghala tenza berete ta ŋkɛ, katekiɗi ŋkɛ we. Kateza sebe te meghea ŋkɛ tɛape we.

Daniyɛl 7:17

Ma wəshi keseɗa nyi jama jama nyi wəfaɗe nyi ne, ghenci ya kaka meghea kɛfi wəfaɗe nyi ketenca te hɛɗi lema.

Daniyɛl 7:22

Ama pa meha za shɛ hendeke geva ba'a ndeke nda nza tiɗiɗi ke mbelia Shala tehwə ghweme. Ma kwa se və ne, pa mbelia Shala kemave meghe.

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Daniyɛl 7:27

Kateve geva nda meghe, berete ba'a kwelea pɛtɛa hɛɗi ka meghe nyi te hɛɗi ke mbelia Shala tehwə ghweme. Katenza meghea nci kameghe nya kaghala ghala, katehawe pɛtɛa hɛɗia ka meghe va hɛ ba'a katemene nda slene hɛ ke hɛ.

Abdiyas 1:17

Ama katese mbeli nyi ketene teghweme kezha wəfərə pelɛ ghweme ta Siyon. Katezhɛne ŋkɛ kanza kaŋkwa nya keveyi geva tekeleke. Katekele hɛɗia nci hwelefefia Zhakob va mbeli nyi kekelehwe ŋkɛ va hɛ.

Ləwke 1:33

Kameghea ka Israyɛl tenza ŋkɛ kaghala ghala, katekiɗi meghea ŋkɛ we.»

1 Ka Korɛnte 6:2

Keɗepe yɛ mbelia Shala ka temeha ghwə te mbeli nyi te hɛɗi wəka? Ma kenza nde gheyɛ ka temeha ghwə te mbelia shɛhɛ ne, tsema shaŋe yɛ va meha ghwə te wəshi nyi ɓɛhwɛ ɓɛhwɛ kwelɛ ghəa ŋayɛ wa?

Ka Ɛfɛze 1:3

Tsahe ɓəmə Shala, Yiteyɛa Yɛsə Kriste Nde sleke ɓəmə. Nahe ŋkɛ kewəpikɛ ɓəmə mbe Kriste laka ve ɓəmə wəshi nyi kese va Sefəa ŋkɛ sawa pelɛ ghweme.

Ka Ɛfɛze 6:12

Kwa nza ŋkɛ ma mpa ta ɓəmə ne, kenza le mbeli we, ama le mbelia jama nyi kesleke ŋkwa, ka meghe nyi te hɛɗi nya hwa ŋkwesle ba'a 'yi'yɛghwə nyi pelɛ yitea ghweme.

Ghena Kelɛŋə 20:4

Ma ɓiyitsa ne, pa 'ya nakɛ yɛ pasla. Pa mbeli nyi mentishɛ pelɛ hɛ kekemave berete kemeha ghwə. Pa 'ya nakɛ shenaŋkwe ta mbeli nyi slamte ghə mbeli te hɛ tewəmbəreke nza ta nci dɛŋe dɛŋe te kaganda nya ncɛte Yɛsə ba'a te ghena ta Shala. Kese hɛ kahawe va wəsə keseɗa, ya va pa ta ŋkɛ we. Kekelete lamba ta wəsə keseɗa hɛ mɛa kema ta nci, ya te dzeve ta nci we. Pa hɛ same kwa kwele le mpi ba'a nzanji kaka meghea kɛfi zlaɓe le Kriste kava slibə.

Ghena Kelɛŋə 22:5

Katezhɛne viɗi kanza shɛ we, katezhɛne mbeli kaɗe waŋe ta paterela, ya ŋa veci we. Kwa nza ŋkɛ ne, katepele waŋe ta ŋkɛ Mahwətə Shala kənəa hɛ, katenza hɛ kaka meghea kɛfi kaghala ghala.

Ghena Kelɛŋə 3:21

Ma wəndə nya kehərəte mpa ne, kateve nda hweŋkwa 'ya kezha nza pelɛ pasla ta ɗa le 'ya, kala 'ya, kwa sebe ta nya hərəte mpa 'ya ne, nahe 'ya kelə kantishɛ ɗa yitea Yiteyɛ ɗa pelɛ pasla ta ŋkɛ.

Ghena Kelɛŋə 5:10

Nahe na kezhɛrete hɛ kawəvəsəa ka dzeghe Shala kezha mene nda slene ke Shala ta ɓəmə. Katesleke hɛɗi lema hɛ.»